တရုတ်နှင့် အိန္ဒိယတို့၏ ဆုံမှတ်. . .မြန်မာ

စာရေးဆရာ ဒေါက်တာ သန့်မြင့်ဦးက မြန်မာနိုင်ငံနှင့် ပတ်သက်၍ စာအုပ်တစ်အုပ်ရေးဖူး သည်။ ‘Where China meets India’ ဖြစ်သည်။ ကမ္ဘာ့လူဦးရေ အများဆုံး အိန္ဒိယနှင့် တရုတ်နိုင်ငံ အကြား မဟာဗျူဟာအရ အရေး ပါသော နေရာတွင် တည်ရှိနေ သည့် မြန်မာနိုင်ငံနှင့် ပတ်သက် သောအကြောင်းဖြစ်သည်။ တ ရုတ်- မြန်မာ- အိန္ဒိယ ဆက်ဆံ ရေးအကြောင်း စဉ်းစားမိတိုင်း ထို စာအုပ်ခေါင်းစဉ်က ခေါင်းထဲ ပြေးဝင်လာတတ်ပါသည်။ ‘တ ရုတ်နှင့် အိန္ဒိယတို့ ဆုံသောနေ ရာ။’ ပြီးခဲ့သည့်နှစ် နိုဝင်ဘာလ ကုန်ပိုင်းက အိန္ဒိယနိုင်ငံ မဏိပူရ ပြည်နယ်ကို မမျှော်လင့်ဘဲရောက် ရှိသွားခဲ့ပါသည်။ အိန္ဒိယစာနယ် ဇင်းကောင်စီ (India Press Council) ၏ ဖိတ်ကြားချက်အရ နှစ်နိုင်ငံ စာနယ်ဇင်းကောင်စီ တွေ့ဆုံဆွေးနွေးပွဲကို မဏိပူရ ပြည်နယ် အင်ဖာမြို့တွင် နှစ်ရက် တာ ကျင်းပပြုလုပ်ခဲ့ရာ ထိုဆွေး နွေးပွဲကို မြန်မာသတင်းမီဒီယာ ကောင်စီ ကိုယ်စား တက်ရောက် ခဲ့ရခြင်းဖြစ်သည်။

ဒေသတွင်း နှစ်နိုင်ငံမီဒီယာ တွေ့ဆုံဆွေးနွေးပွဲဟု ခေါင်းစဉ် တပ်ထားသော်လည်း ဆွေးနွေးကြ သည့် အကြောင်းအရာများမှာ အ တော်ကျယ်ပြန့်ပါသည်။ နှစ်နိုင်ငံ ကြား (အထူးသဖြင့် အိန္ဒိယ အ ရှေ့မြောက်ဒေသနှင့်) စီးပွားရေး၊ လူမှုရေး၊ ပညာရေး၊ ခရီးသွားလာ ရေး ကိစ္စတွေပါ ဆွေးနွေးဖြစ်ခဲ့ ကြသည်။ ထိုကာလမှာ အိန္ဒိယအ ရှေ့မြောက်ဒေသ မဏိပူရပြည် နယ်တွင် ဆန်ဂိုင်းပွဲတော်ကျင်းပ နေခိုက်လည်း ဖြစ်သည်။ ဆန်ဂိုင်း ပွဲတော်မှာ မဏိပူရ အင်ဖာတွင် နှစ်စဉ်ကျင်းပသော ယဉ်ကျေးမှုပွဲ တော်တစ်ခုဖြစ်ပြီး ခရီးသွားလာ ရေး မြှင့်တင်ရန် ရည်ရွယ်သည်ဟု သိရသည်။ တစ်ဆက်တည်းမှာ ပင် အရှေ့မြောက်ဒေသ ထိပ်သီး ဆွေးနွေးပွဲ (Northeast Summit)ကိုလည်း အင်ဖာတွင် ကျင်းပ လျက်ရှိသည်။ အိန္ဒိယအရှေ့ မြောက်ဒေသသည် မြန်မာနိုင်ငံ နှင့် ရှည်လျားစွာ နယ်နိမိတ်ချင်း ထိစပ်နေသော်လည်း ထိုဒေသနှင့် မြန်မာနိုင်ငံကြား ဆက်ဆံရေးမှာ မူ ပုံမှန်အဆင့်သာရှိသည်။ အရှေ့ မြောက် အိန္ဒိယတွင် မဏိပူရ၊ အာသံ၊ နာဂလန်း၊ မီဇိုရမ်စသည့် ပြည်နယ်များရှိပြီး အိန္ဒိယတွင် ဖွံ့ ဖြိုးမှု နောက်ကျနေသော ဒေသ များဖြစ်သည်။ ဝန်ကြီးချုပ်မိုဒီဦးဆောင်သည့် အိန္ဒိယအစိုးရသည် အိန္ဒိယနှင့်အာဆီယံ ဆက်ဆံရေး ပူးပေါင်းဆောင်ရွက်ရေး တိုးမြှင့်ရန် မကြာမီက Look East ပေါ်လစီ ကိုချမှတ်ခဲ့သည်။ ယခုအခါ Act East မူဝါဒဟု ပြောင်းလဲခေါ်ဝေါ်ပြီး ဆက်ဆံရေးတိုးမြှင့်ဖို့ ကြိုးပမ်းနေရာတွင် မြန်မာနိုင်ငံက အဓိက အရေးပါသော နေရာကပါဝင်လာသည်။ နှစ်နိုင်ငံ မီဒီယာ ကောင်စီများ တွေ့ဆုံဆွေးနွေးပွဲ တွင် Act East Policy ဝေါဟာရ က ဆွေးနွေးပွဲတစ်ခုလုံး လွှမ်းမိုး နေခဲ့သည်။ ပါဝင်ဆွေးနွေးကြသူ များတွင် မဏိပူရ လွှတ်တော်အ မတ်များ၊ စီးပွားရေးလုပ်ငန်းရှင် များ၊ မီဒီယာသမားများ ပါဝင်ခဲ့ကြ ပြီး အားလုံးတက်ကြွနေ ခဲ့ကြ သည်။ အခမ်းအနားကို မဏိပူရ ဝန်ကြီးချုပ်ကိုယ်တိုင် တက် ရောက်ဖွင့်လှစ်ပေးခဲ့သည်။ တစ်ခု သတိထားမိသည်မှာ သူတို့အား လုံး မြန်မာနိုင်ငံနှင့် ဆက်ဆံရေး ကို အားတက်သရော ဖြစ်နေကြ ခြင်းပင်။ အထူးသဖြင့် ယခုလို မြန်မာမီဒီယာအဖွဲ့ အင်ဖာမြို့အ ထိ ရောက်ရှိလာပြီး ဆွေးနွေးပွဲ တက်သည်ကို ကျေနပ်နေကြ သည်။ မဏိပူရက ကုန်းတွင်းပိတ် ပြည်နယ်တစ်ခုဖြစ်သည်။ မြန်မာ နိုင်ငံနှင့် နယ်နိမိတ်ချင်း ထိစပ်နေ ပြီး အိန္ဒိယ- မြန်မာကုန်သွယ်ရေး တွင် တမူး- မိုရေး နယ်စပ်ကုန် သွယ်ရေးက အရေးပါသော နေရာတွင်ရှိသည်။ မြန်မာကိုယ်စား လှယ်အဖွဲ့ အင်ဖာမြို့သို့ တမူးမှ တစ်ဆင့် နယ်စပ်ဖြတ်ကျော်ဝင် ရောက်လာခြင်းအတွက် သူတို့ ဂုဏ်ယူပုံရသည်။ မဏိပူရသည် မြန်မာနှင့်ဆက်ဆံရေးကို အထူး တိုးမြှင့်နေချင်ပုံရသည်။

 ထိုရက်များအတွင်း မီဒီ ယာအဖွဲ့သာမက မြန်မာနိုင်ငံ မန္တလေး အားကာသိပ္ပံကျောင်းအုပ်ကြီး ဦးဆောင်သော အမျိုးသမီးဘောလုံးအသင်းကလည်း မဏိပူရကို လာရောက်ပြီး ချစ်ကြည်ရေး ဘောလုံးပွဲ ယှဉ်ပြိုင်က စားခဲ့သည်။ မဏိပူရ ဝန်ကြီးချုပ်မှာ မူလက လက်ရွေးစင် ဘောလုံး သမားတစ်ဦးဖြစ်ခဲ့ပြီးနောက်ပိုင်း မီဒီယာလောကသို့ ရောက်ရှိကာ ရွေးကောက်ပွဲ အနိုင်ရပြီး ဝန်ကြီး ချုပ်ဖြစ်လာသူ ဖြစ်သည်။

မြန်မာအားကစားအဖွဲ့ရော သတင်းမီဒီယာအဖွဲ့ပါ အင်ဖာသို့ ရောက်ရှိလာခြင်းအတွက် သူတို့ ကျေနပ်ကြသည်။ ဖွံ့ဖြိုးမှု နောက် ကျ ကျန်နေသော မဏိပူရဒေသ အတွက် အိန္ဒိယ၏ Act East ပေါ် လစီအရ မြန်မာသည် အကောင်း ဆုံးမိတ်ဆွေဖြစ်သည်။ မဏိပူရ နှင့် မြန်မာနိုင်ငံ စစ်ကိုင်းတိုင်းဒေ သကြီးအကြား ကူးလူးဆက်ဆံ ရေး တိုးချဲ့ချင်ကြသည်။

ဆွေးနွေးပွဲတွင် အိန္ဒိယ၏ Act East အရှေ့မျှော်မူဝါဒနှင့် တရုတ်၏ OBOR-One Belt One Road မူဝါဒကို ချိန်ထိုးကြ သည်။ တရုတ်- မြန်မာကုန်သွယ် ရေးနှင့် အိန္ဒိယ- မြန်မာကုန်သွယ် ရေးကို နှိုင်းယှဉ်ကြသည်။ အိန္ဒိယ သည် တရုတ်နှင့် ယှဉ်လျှင် အများ ကြီးနောက်ကျနေသည်ဟု သုံး သပ်ကြသည်။ အင်ဖာနှင့် မိုရေး အကြား လမ်းကို အာရှအဝေးပြေး လမ်းမကြီး(၁)AH 1 ဟု သတ်မှတ် ထားသော်လည်း အိန္ဒိယဘက်က ယခုတိုင် အဆင့်မမြှင့်နိုင်သေး။ အလားတူ မြန်မာနှင့် အိန္ဒိယကုန် သွယ်ရေးကလည်း အားရဖွယ်မရှိ သေး။ မဏိပူရနှင့် မြန်မာနိုင်ငံအ ကြား ကုန်းလမ်းဆက်သွယ်ရေး၊ ခရီးသွားလုပ်ငန်းအတွက် အင်ဖာ -မန္တလေး လေကြောင်း တိုက်ရိုက်ပြေးဆွဲရေး ကိစ္စတွေပါ ပြောဖြစ်ခဲ့ကြသည်။ မဏိပူရ မီဒီယာဆွေးနွေးပွဲအတွင်း ယခုကဲ့သို့ တွေ့ဆုံဆွေးနွေးပွဲကို မြန်မာနိုင်ငံ မန္တလေးမြို့ တွင် ယခု ၂၀၁၈ ဇန်နဝါရီလကုန်ပိုင်း၌ ထပ်မံကျင်းပရန် သဘောတူခဲ့ကြသဖြင့် ပြီးခဲ့သည့်ဇန်နဝါ ရီ ၂၈-၃၀ ရက်နေ့များက မန္တလေးမြို့သို့ မဏိပူရပြည်နယ်ဝန်ကြီးချုပ်၏ Act East မူဝါဒ အကောင် အထည်ဖော်ရေး တာဝန်ခံ မစ္စတာရှီဗာဦးဆောင်သော ကိုယ်စား လှယ်အဖွဲ့တစ်ဖွဲ့ ထပ်မံရောက် ရှိခဲ့သည်။ ယခုတစ်ခေါက်တွင်လည်း မဏိပူရအမျိုးသမီးဘောလုံးအသင်း လိုက်ပါလာခဲ့ပြီး မန္တလေးမြို့မန္တလာသီရိအားကစားကွင်းတွင် ဇန်နဝါရီ ၂၇၊ ၂၈ ရက်များက ချစ်ကြည်ရေးဘောလုံးပွဲ ယှဉ်ပြိုင်ကစားခဲ့ကြ သည်။ နောက်တစ်ရက်တွင် မန္တလေးမြို့ ရေပေါ်ဟိုတယ်၌ မဏိပူရ စီးပွားရေး ကိုယ်စားလှယ် အဖွဲ့နှင့် မန္တလေး၊ စစ်ကိုင်းမှ မြန်မာလုပ်ငန်းရှင်များ တွေ့ဆုံ ဆွေးနွေးပွဲ ကျင်းပခဲ့သည်။ တစ် ဆက်တည်းမှာပင် မန္တလေးတိုင်း ဒေသကြီး အစိုးရအဖွဲ့ဝန်ကြီးချုပ် ဒေါက်တာဇော်မြင့်မောင်ကို အ စိုးရအဖွဲ့ရုံးတွင် သွားရောက်တွေ့ ဆုံပြီး မဏိပူရနှင့် မန္တလေးအ ကြား ခရီးသွားလာရေး ကိစ္စ၊ ခရီး သွား ဆေးကုသရေး Medical Tour ကိစ္စ၊ ကုန်သွယ်ရေး၊ ရင်းနှီး မြှုပ်နှံရေး ကိစ္စတို့ကို ရင်းရင်းနှီးနှီး ဆွေးနွေးခဲ့ကြသည်။ နောက်နေ့ တွင် မုံရွာမြို့၌ စစ်ကိုင်းတိုင်းဒေ သကြီး အစိုးရအဖွဲ့နှင့် ထပ်မံ တွေ့ဆုံဆွေးနွေးခဲ့ကြသည်။

စစ်ကိုင်းတိုင်းဒေသကြီးက မဏိပူရပြည်နယ်နှင့် နယ်မြေချင်း ထိစပ်နေသည့်အတွက် ပြည်နယ် နှစ်ခုကြား ဆက်ဆံရေးမှာ အလွန် အရေးပါသည်။ လက်ရှိအချိန်ထိ အိန္ဒိယ-မြန်မာ နှစ်နိုင်ငံ နယ်စပ် ကုန်သွယ်ရေးကို တမူး-မိုရေး တွင် ပြုလုပ်လျက်ရှိပြီး မဏိပူရ ကိုယ်စားလှယ်အဖွဲ့က ပြည်နယ် နှစ်ခုကြား ပိုမိုလွယ်ကူချောမွေ့ သော နယ်စပ်ဖြတ်ကျော်သွားလာ ရေးကိစ္စကို တင်ပြသည်။ နယ်စပ် ဖြတ်ကျော်သွားလာရေးမှာ နှစ် နိုင်ငံ MoU မရေးထိုးရသေးသည့် အတွက် ယခုအချိန်ထိ ကြိုးနီ စနစ်အတိုင်း အထက်အဆင့်ဆင့် သို့ ခွင့်ပြုချက်တင်ပြ တောင်းခံ နေရဆဲဖြစ်သည်။ စစ်ကိုင်းတိုင်း ဒေသကြီး ဝန်ကြီးချုပ် ဒေါက်တာ မြင့်နိုင်ကတော့ သဘောကောင်း သည်။ ပြည်နယ်နှစ်ခုကြား ပူး ပေါင်းဆောင်ရွက်မှု၊ ရင်းနှီးမြှုပ်နှံ မှု အားလုံးကို ဖိတ်ခေါ်သည်။ စစ် ကိုင်းတိုင်းဒေသကြီးက ပဲမျိုးစုံအ ပါအဝင် စိုက်ပျိုးရေးနှင့် တွင်း ထွက်သယံဇာတ ပေါကြွယ်သော ပြည်နယ်ဖြစ်သည်။ မဏိပူရစီး ပွားရေးကိုယ်စားလှယ် အဖွဲ့အား တိုင်းဒေသကြီး အစိုးရရုံးရှေ့တွင်  စစ်ကိုင်းတိုင်းဒေသကြီးထွက် ကျောက်စိမ်း၊ ပယင်း စသည့် ကျောက်မျက်ရတနာမျိုးစုံ၊ ပဲမျိုး စုံ၊ ကြိမ်ထည်၊ ယွန်းထည်လက်မှု ပစ္စည်းမျိုးစုံ ခင်းကျင်းပြသပေး ထားခဲ့ရာ စိတ်ဝင်တစား ကြည့်ရှု ခဲ့ကြသည်ကို တွေ့ရသည်။

ထိုရက်များအတွင်း နိုင်ငံ တော်၏ အတိုင်ပင်ခံပုဂ္ဂိုလ်က လည်း အိန္ဒိယနိုင်ငံသို့ ရောက်ရှိ နေပြီး ဝန်ကြီးချုပ်မိုဒီနှင့် တွေ့ဆုံ ဆွေးနွေးမှုတွေ ရှိခဲ့သည်။ ခြုံ၍ ဆိုရလျှင် အိန္ဒိယသည် အရှေ့ကို ကြည့်လာသည်။ အရှေ့တွင် မြန်မာရှိသည်။ အာဆီယံရှိသည်။ ကျယ်ပြန့်သော ဈေးကွက်ကြီးရှိ သည်။ တရုတ်က ရပ်ဝန်းတစ်ခု၊ လမ်းတစ်လမ်း ဖောက်လာချိန်မှာ အိန္ဒိယကလည်း အရှေ့ကိုကြည့် လာသည်။ ထိုအချိန်တွင် ကျွန် တော်တို့သည် နိုင်ငံကြီးနှစ်နိုင်ငံ၏ ပစ်မှတ်ဖြစ်လာသည်။ မိမိကို စိတ်ဝင်စားခြင်းသည် သူ့အကျိုး စီးပွားအတွက် ဖြစ်သလို လိမ္မာပါး နပ်စွာ အသုံးချတတ်လျင် ကိုယ့် အတွက်လည်း ဖြစ်နိုင်ကြောင်း တင်ပြလိုက်ရပါသည်။   ။

(ဖော်ပြပါ ဆောင်းပါးသည် စာရေးသူ၏ အာဘော်သာဖြစ်ပါသည်)