သထုံခရိုင်တွင် သူတစ်ပါးထိခိုက်မှု နစ်နာကြေးများ လာလျှောက်သူနည်းပါး

 မွန်ပြည်နယ် သထုံခရိုင် တွင် စက်တပ်ယာဉ်ကြောင့် ထိ ခိုက်ဒဏ်ရာရသူနှင့် သေဆုံးသူ များအတွက် နစ်နာကြေးလျှောက် ထားမှု နည်းပါးကြောင်း သထုံ ခရိုင် မြန်မာ့အာမခံလုပ်ငန်းရုံး ခရိုင်တာဝန်ခံ ဦးရဲထွဋ်က ပြော သည်။

သူတစ်ပါးထိခိုက်မှု အာမခံ ဥပဒေ၊ နည်းဥပဒေများကို ၁၉၇၆ တွင် အတည်ပြုပြဋ္ဌာန်းခဲ့၍ ၂၀၁၃၌ နည်းဥပဒေ ပြန်လည်ပြင်ဆင်ထုတ်ပြန်ခဲ့ပြီးနောက် စက်တပ်ယာဉ်ကြောင့် သေဆုံး၊ ဒဏ်ရာရသူများအတွက် နစ်နာကြေးရရှိရန် ထိခိုက်မှုဖြစ်ပွားသည့်နေ့ကစ၍ တစ်နှစ်အတွင်း မြန်မာအာမခံလုပ်ငန်းသို့ လျှောက်ထားရမည် ဖြစ်သည်။

မြန်မာ့အာမခံလုပ်ငန်းသည် အသက်အာမခံထားသူဖြစ်စေ၊ မထားသူဖြစ်စေ စက်တပ်ယာဉ် ကြောင့် သေဆုံး၊ ထိခိုက်ဒဏ်ရာ ရလျှင် သူတစ်ပါးထိခိုက်မှုနစ်နာ ကြေးငွေ လာရောက်လျှောက် ထားပါက ညွှန်ကြားချက်များနှင့် အညီ စိစစ်ကာ အမြန်ဆုံးဆောင် ရွက်ပေးနေကြောင်း ၎င်းကပြော သည်။

၂၀၁၇ အတွင်း သထုံခရိုင် တွင် ယာဉ်မတော်တဆ ဖြစ်ပွား မှု ၅၃၄ မှုတွင် သေဆုံးသူ ၁၈၁ ဦး နှင့် ဒဏ်ရာရသူ ၉၄၀ ဦးရှိပြီး ကျပ် ၁,၁၇၇ သိန်းခန့် ဆုံးရှုံးခဲ့ ကြောင်း မွန်ပြည်နယ်ယာဉ်ထိန်း ရဲတပ်ဖွဲ့က ထုတ်ပြန်သည်။ သို့ သော် ထိခိုက်ဒဏ်ရာရသူနှင့် သေဆုံးသူများအတွက် နစ်နာ ကြေး လျှောက်ထားမှု နည်းနေ ကြောင်း ဦးရဲထွဋ်က ပြောသည်။

‘‘ပြီးခဲ့တဲ့နှစ်က ခရိုင်အတွင်း မှာ ယာဉ်မတော်တဆမှု၊ ယာဉ် တိုက်မှုတွေကြောင့် သေဆုံး၊ ဒဏ်ရာရသူတွေ အများကြီးရှိတဲ့ အထဲမှာ သေဆုံးသူ ငါးဦးအတွက်ပဲ နစ်နာကြေးလာရောက်လျှောက်ထားတဲ့အတွက် လာရောက်လျှောက်ထားတဲ့ အရေအတွက် အရမ်းနည်းတယ်’’ဟု ဦးရဲထွဋ်က ပြောသည်။

စက်တပ်ယာဉ်ကြောင့် သေ ဆုံး၊ ထိခိုက်သူများအတွက် နစ် နာကြေး လျှောက်ရမည့် နည်း လမ်းများမသိ၍ သူတစ်ပါးထိခိုက် မှု အာမခံဆိုင်ရာ အကြောင်းအရာ များကို ပြည်သူများကျယ်ကျယ် ပြန့်ပြန့်သိရန် ဌာနဆိုင်ရာများနှင့် လူမှုအဖွဲ့အစည်းများက အသိ ပညာပေး လုပ်ငန်းများ ဆောင် ရွက်ရန် လိုအပ်ကြောင်း သထုံ မြို့နယ်အရပ်ဘက်လူမှုအဖွဲ့အ စည်းများကွန်ရက်မှ ဦးအောင်နိုင် ထွေးက ပြောသည်။

‘‘ကျွန်မအမျိုးသားက လွန် ခဲ့တဲ့သုံးလလောက်က ဆိုင်ကယ် မတော်တဆဖြစ်လို့ သေဆုံးသွား ခဲ့ပါတယ်။ နာရေးကိစ္စတွေပြီး တော့ မိတ်ဆွေတစ်ယောက်ရဲ့ ကူညီမှုနဲ့ အသက်အာမခံကြေး လျှောက်လိုက်တာ တစ်လ အ တွင်းမှာပဲ နစ်နာကြေးငွေ ၁၀ သိန်းရရှိခဲ့ပါတယ်’’ဟု သထုံမြို့ လိပ် အင်းရပ်ကွက်နေ အမျိုးသမီးတစ် ဦးက ပြောသည်။

မည်သည့် စက်တပ်ယာဉ် နှင့်မဆို သေဆုံး၊ ဒဏ်ရာရသူ များအတွက် ဥပဒေ၊ ညွှန်ကြား ချက်များနှင့်အညီ သေဆုံးသူတစ် ဦး ကျပ် ၁၀ သိန်းနှုန်းနှင့် ဒဏ်ရာရသူများအတွက် ဒဏ်ရာပေါ်မူတည်၍ နစ်နာကြေးများ ထုတ် ပေးနေသည်။ နစ်နာကြေးလာ ရောက်လျှောက်ထားပါက အမြန်ဆုံးဆောင်ရွက်ပေးနေရာ ပြည်သူလူထုသိစေရန် အသိပညာပေးလုပ်ငန်းများကို ဌာနဆိုင်ရာများ၊ လူမှုရေးအသင်းအဖွဲ့များနှင့် ပူးပေါင်းဆောင်ရွက်နေကြောင်း ဦးရဲထွဋ်က ပြောသည်။

Top News