အပြောများ၊ အပြများရပ်ပြီး လက်တွေ့ဆောင်ရွက်ဖို့လိုသည်

ဖေဖော်ဝါရီ   ၆ရက်ကနေပြည်တော် MICC-II တွင် အာဆီယံ အစိမ်းရောင်စီးပွားရေးဗဟိုဌာန စတင်အကောင်အထည်ဖော်ခြင်း ဆိုင်ရာ အစည်းအဝေး (Inceptionand Implementation Meeting on AIGE) ကို ကျင်းပခဲ့သည်။ ထို အစည်းအဝေးသို့ နိုင်ငံတော်၏အ တိုင်ပင်ခံပုဂ္ဂိုလ် ဒေါ်အောင်ဆန်း စုကြည်က သဝဏ်လွှာပေးပို့ခဲ့ သည်။ ယင်းသဝဏ်လွှာထဲတွင် နိုင်ငံစီးပွားရေးဖွံ့ဖြိုးမှုသည် သ ဘာဝသယံဇာတများအပေါ် မှီခို နေရသဖြင့် ပတ်ဝန်းကျင်ဆိုင်ရာ ပြဿနာများ ကြုံတွေ့ခံစားနေရ ကြောင်း၊ ဒေသတွင်း နိုင်ငံများရှိ ကမ်းရိုးတန်းတစ်လျှောက်တွင် မြို့ပြနှင့် စီးပွားရေးလုပ်ငန်းများ စုပြုံတည်ရှိနေသဖြင့် သဘာဝ ဘေးဒဏ် ပိုမိုတွေ့ကြုံခံစားနေရ ကြောင်း၊ အာဆီယံအစိမ်းရောင် စီးပွားရေးဗဟိုဌာနသည် ရေရှည် စဉ်ဆက်မပြတ်ဖွံ့ဖြိုးတိုးတက် ရေး၊ သဘာဝသယံဇာတများ ထိန်းသိမ်းရေးနှင့် အကျိုးရှိစွာ အသုံးချနိုင်ရေး၊ ရာသီဥတုပြောင်း လဲမှုကို ဖြေရှင်းနိုင်ရေး၊ ကာဗွန် ထုတ်လွှတ်မှုနည်းပါးသည့် နည်း ပညာများပြောင်းလဲပေးနိုင်ရေး၊ အစိမ်းရောင်စီးပွားရေးနှင့် အစိမ်း ရောင်ဖွံ့ဖြိုးမှုအခွင့်အလမ်းများ ရရှိရေး စသည့် အလေ့အကျင့် များကို တိုးမြှင့်ပေးမည့်ဌာနအ ဖြစ် ဆောင်ရွက်နိုင်ရန် တိုက်တွန်း ကြောင်း၊ အနာဂတ်တွင် စီးပွား ရေးခိုင်မာတောင့်တင်းပြီး စိန်ခေါ် မှုအသစ်များ ရင်ဆိုင်နိုင်ရေး ဆန်းသစ်တီထွင်နိုင်သည့်အဖွဲ့အစည်း သစ်များအချင်းချင်း ပူးပေါင်း ဆောင်ရွက်နိုင်မည့်မူဝါဒကောင်း များလိုအပ်နေကြောင်း ဖော်ပြပါ ရှိသည်ကို တွေ့ရသည်။

ထို့အပြင် ဒေါ်အောင်ဆန်းစု ကြည်၏သဝဏ်လွှာတွင် ကမ္ဘာ ကြီးရှိ ဂေဟစနစ်များ ကျန်းမာ ရှင်သန်နိုင်အောင် ထိန်းသိမ်းခြင်း၊ အလုပ်အကိုင်အခွင့်အလမ်းများ ဖန်တီးပေးခြင်း၊ လူမှုစီးပွားဖွံ့ဖြိုး တိုးတက်စေခြင်း၊ စီးပွားရေးစဉ် ဆက်မပြတ်ဖွံ့ဖြိုးတိုးတက်စေ ခြင်း၊ ဆင်းရဲနွမ်းပါးမှုလျော့နည်း ခြင်း၊ ပပျောက်ခြင်းနှင့် ဘက် ပေါင်းစုံသော အစိမ်းရောင်စီးပွား ရေးကို အလေးပေးဆောင်ရွက် ခြင်း ပြုကြရမည်ဖြစ်ကြောင်း လည်း ဖော်ပြထားသည်။ သဘာ ဝပတ်ဝန်းကျင်ထိန်းသိမ်းရေးသ မားတစ်ယောက်အနေဖြင့် နိုင်ငံ တော်အတိုင်ပင်ခံ၏သဝဏ်လွှာ ကို ဝမ်းမြောက်ဝမ်းသာစွာကြိုဆို မိပါသည်။ အဆိုပါ အာဆီယံ အစိမ်းရောင်စီးပွားရေးဗဟိုဌာန စတင်အကောင်အထည်ဖော်ခြင်း ဆိုင်ရာ အစည်းအဝေးသို့ ဒုတိယ သမ္မတ ဦးမြင့်ဆွေလည်း တက် ရောက်အမှာစကားပြောကြားခဲ့ သည်။ ထိုသို့ အမှာစကားပြော ကြားရာတွင် မြန်မာနိုင်ငံ၏လက် ရှိစီးပွားရေးအခြေအနေမှာ လူမှု စီးပွားဖွံ့ဖြိုးတိုးတက်ရန်၊ ချမ်းသာ ကြွယ်ဝရန်နှင့် အသက်ရှည်နေထိုင်နိုင်ရေးတို့အတွက် ကောင်း မွန်စွာ လည်ပတ်နေသည့် ဂေဟ စနစ်များပေါ်တွင် မူတည်နေ ကြောင်း၊ ကောင်းမွန်သည့်ဂေဟ စနစ်ရှိမှသာ အစားအစာဖူလုံ ခြင်း၊ သန့်ရှင်းသောရေရရှိခြင်း၊ သဘာဝဘေးအန္တရာယ်များမှ ကာကွယ်နိုင်ခြင်းနှင့် စွမ်းအင်လုံ လောက်မှုရရှိခြင်း စသည်တို့ကို ထောက်ပံ့ပေးနိုင်မှာဖြစ်ကြောင်း၊ ထို့ကြောင့် မိမိတို့အနေဖြင့် ကောင်းမွန်သော ဂေဟစနစ်မှ ရရှိလာသည့် အကျိုးကျေးဇူးများ နှင့် သဘာဝကို တန်ဖိုးထားတတ် စေရန် အရေးကြီးကြောင်း ထည့် သွင်းပြောကြားခဲ့သည်။

နိုင်ငံတော်၏အတိုင်ပင်ခံ ပုဂ္ဂိုလ်နှင့် ဒုတိယသမ္မတတို့ ပြော ကြားခဲ့သည့် သဘာဝပတ်ဝန်း ကျင်ဆိုင်ရာအကြောင်းအရာများ သည် တိုင်းပြည်နှင့်လူမျိုးများအ တွက် အမှန်တကယ်လိုအပ်နေ ပြီး လက်တွေ့လုပ်ဆောင်ပေး သင့်သည့်အရာများဖြစ်သည်။ ဂေဟစနစ်များကျန်းမာရှင်သန် နိုင်အောင် ထိန်းသိမ်းပြီး ဂေဟ စနစ်မှ ရရှိလာသည့်အကျိုးကျေး ဇူးများနှင့် သဘာဝကို တန်ဖိုးထား တတ်စေရန်၊ သဘာဝပတ်ဝန်း ကျင်ကို မထိခိုက်စေသော အစိမ်း ရောင်စီးပွားရေးကို အလေးထား ဆောင်ရွက်ရန် ပြောကြားချက် များကို ရွှေလက်မှတ်တမ်းတင်မိ ပါသည်။ သို့သော်လည်း အာဆီ ယံအစိမ်းရောင်စီးပွားရေးဗဟိုဌာ နစတင်အကောင်အထည်ဖော် ခြင်းဆိုင်ရာ အစည်းအဝေးနှင့် လိုက်လျောညီထွေပြောကြားခဲ့ ခြင်းတော့ မဖြစ်စေလိုပေ။ အ ဘယ်ကြောင့်ဆိုသော် အစိုးရအ ဆက်ဆက်က သဘာဝပတ်ဝန်း ကျင်ထိန်းသိမ်းရေးနှင့်ပတ်သက် လာလျှင် လူမြင်ကောင်းအောင် လုပ်၊ လူကြားကောင်းအောင် ပြောခဲ့ကြသည်မဟုတ်လား။ ထိုသို့ မဖြစ်စေလိုသည်မှာ ရွှေလက်၏ စိတ်ရင်းဖြစ်ပါသည်။

အာဆီယံဒေသတွင်း ပြည် သူအများစု၏အသက်မွေးဝမ်း ကျောင်းသည် သဘာဝသယံဇာ တအရင်းအမြစ်များအပေါ်တွင် မှီခိုနေရဆဲဖြစ်သည့်အတွက် သ ဘာဝအရင်းအမြစ်များကို ရေရှည် တည်တံ့သည့်နည်းလမ်းဖြင့် စီမံ ခန့်ခွဲသုံးစွဲသွားရန် အလွန်ကို အ ရေးကြီးလှသည်။ အာဆီယံနိုင်ငံ အများစုသည် လူဦးရေတိုးပွား လာမှု၊ ဆင်းရဲနွမ်းပါးမှုနှင့် ရာသီ ဥတုပြောင်းလဲမှု၏ရိုက်ခတ်မှုများ ကြောင့် သမိုင်းဝင်ယဉ်ကျေးမှုအ မွေအနှစ်များ ထိခိုက်ပျက်စီးခြင်း၊ သဘာဝအရင်းအမြစ်များလျော့ နည်းလာခြင်း၊ ဇီဝမျိုးစုံမျိုးကွဲများ ဆုံးရှုံးလာခြင်း၊ မိုးခေါင်မှုနှင့် သဘာဝဘေးအန္တရာယ်များ ပိုမို ဖြစ်ပေါ်လာခြင်း စသည့် ဆိုးရွား ပြင်းထန်လှသည့် ပတ်ဝန်းကျင် ဆိုင်ရာစိန်ခေါ်မှုများနှင့်လည်း ရင် ဆိုင်ကြုံတွေ့နေရသည်။ အဆိုပါ စိန်ခေါ်မှုများကို ကျော်လွှားနိုင် ရန်နှင့် ဒေသတွင်းသန့်ရှင်းစိမ်း လန်းသည့် ပတ်ဝန်းကျင်တစ်ရပ် လက်ဝယ်ပိုင်ဆိုင်ရန်အတွက် စုပေါင်းအင်အားနှင့် ဝိုင်းဝန်း ဆောင်ရွက်ရမည်ဖြစ်သည်။

မြန်မာနိုင်ငံအနေဖြင့်လည်း ပတ်ဝန်းကျင်ဆိုင်ရာကြုံတွေ့နေ ရသည့်အခက်အခဲများကို အာဆီ ယံအဖွဲ့ဝင်နိုင်ငံများ၊ အပြည်ပြည်ဆိုင်ရာအဖွဲ့အစည်းများနှင့်အတူ ပူးပေါင်းဆောင်ရွက်ခြင်းဖြင့် အ ကောင်းဆုံး ရင်ဆိုင်ဖြေရှင်းနိုင် မည်ဟု မျှော်လင့်ရပါသည်။

သဘာဝပတ်ဝန်းကျင်ကို ကာကွယ်ထိန်းသိမ်းစောင့်ရှောက် မှသာ ရေရှည်တည်တံ့သည့် စီး ပွားရေးဖွံ့ဖြိုးမှုကို လက်ဝယ်ပိုင် ဆိုင်နိုင်မည်ဖြစ်သည့်အတွက် အာဆီယံနိုင်ငံများအနေဖြင့် သဘာဝ ပတ်ဝန်းကျင်ကို ပိုမိုထိန်းသိမ်း စောင့်ရှောက်သွားရန် ကတိက ဝတ်ပြုပြီးဖြစ်ကြောင်း၊ အာဆီယံ နိုင်ငံများ၏ ဘုံရည်မှန်းချက်အ ဖြစ် ၂၀၂၀ ပြည့်နှစ်တွင် စဉ်ဆက် မပြတ် ဖွံ့ဖြိုးတိုးတက်မှုကို ဖော် ဆောင်နိုင်မည့် သန့်ရှင်းစိမ်းလန်း သည့် အာဆီယံဖြစ်ပေါ်လာရန် လည်း ရည်မှန်းထားပြီးဖြစ် ကြောင်း၊ သို့ဖြစ်၍ အာဆီယံဒေ သ၏မျှော်မှန်းချက်ဖြစ်သည့်သန့် ရှင်းစိမ်းလန်းသော သဘာဝပတ် ဝန်းကျင်ကို လက်ဝယ်ပိုင်ဆိုင်နိုင် ရန်ဆိုလျှင် အာဆီယံအစိမ်းရောင် စီးပွားရေးဗဟိုဌာနသည် အာဆီ ယံအဖွဲ့ဝင်နိုင်ငံများနှင့် ဖွံ့ဖြိုးတိုး တက်မှုမိတ်ဖက်အဖွဲ့အစည်းများ အကြား သတင်းအချက်အလက် များ၊ အတွေ့အကြုံမျာကို ဖလှယ် နိုင်ပြီး ပူးပေါင်းဆောင်ရွက်မှု ပိုမို မြှင့်တင်နိုင်မည့် အခြေခံအုတ်မြစ် တစ်ခုဖြစ်လာမည်ဖြစ်ကြောင်း ဒုတိယသမ္မတဦးမြင့်ဆွေက ပြော ကြားခဲ့သည်။

ဖေဖော်ဝါရီ ၆ ရက်က နေ ပြည်တော်တွင် ကျင်းပခဲ့သည့် အာ ဆီယံအစိမ်းရောင်စီးပွားရေး ဗဟို ဌာန စတင်အကောင်အထည်ဖော် ခြင်းဆိုင်ရာ အစည်းအဝေးဖွင့်ပွဲ အခမ်းအနားသို့ ပြည်ထောင်စုဝန် ကြီး ဦးကျော်တင့်ဆွေ၊ ဦးအုန်း ဝင်း၊ ဦးဝင်းခိုင်၊ ဒေါက်တာမျိုး သိမ်းကြီး၊ ဒုတိယဝန်ကြီး ဒေါက် တာဆက်အောင်၊ ဒုတိယရှေ့နေ ချုပ်ဦးဝင်းမြင့်၊ နေပြည်တော် ကောင်စီဝင် ဦးတင်ထွန်း၊ ကုလ သမဂ္ဂပတ်ဝန်းကျင်ထိန်းသိမ်းရေး အစီအစဉ် (United Nations Environment Programme-UNEP) ၏အမှုဆောင်ညွှန်ကြား ရေးမှူးနှင့် ကုလသမဂ္ဂဒုတိယအ တွင်းရေးမှူးချုပ် Mr. Erik Solheim၊ ပြည်သူ့လွှတ်တော်နှင့် အမျိုးသားလွှတ်တော်သယံဇာတ နှင့်သဘာဝပတ်ဝန်းကျင်ထိန်း သိမ်းရေးဆိုင်ရာကော်မတီတို့မှ ကိုယ်စားလှယ်များ၊ နိုင်ငံခြားသံ ရုံးများမှ သံအမတ်ကြီးများ၊ အာ ဆီယံအဖွဲ့ဝင်နိုင်ငံများမှ ကိုယ် စားလှယ်များ၊ ပြည်တွင်း၊ ပြည်ပ အဖွဲ့အစည်းများမှ ကိုယ်စားလှယ်များနှင့် ဖိတ်ကြားထားသည့် ဧည့်သည်တော်များတက်ရောက် ကြသည်ကို တွေ့ရသည်။ ဖွင့်ပွဲ ပြီးနောက် အစည်းအဝေးကို ဖေ ဖော်ဝါရီ ၉ ရက်အထိ ဆက်လက် ပြုလုပ်ခဲ့သည်။

ယေဘုယျအားဖြင့် အာဆီ ယံအစိမ်းရောင်စီးပွားရေးဗဟိုဌာ နစတင်အကောင်အထည်ဖော် ခြင်းဆိုင်ရာ အစည်းအဝေးကို သဘာဝပတ်ဝန်းကျင်ဆိုင်ရာ ဆောင်းပါးရေးသားသူတစ်ဦးအ နေဖြင့် ဝမ်းမြောက်ဝမ်းသာစွာ ကြိုဆိုပါသည်။ အစိမ်းရောင်စီး ပွားရေးနှင့်ပတ်သက်ပြီး မြန်မာ နိုင်ငံအနေဖြင့် အမျိုးသားအဆင့် ပတ်ဝန်းကျင်ဆိုင်ရာ မူဝါဒမဟာ ဗျူဟာနှင့် ပင်မလုပ်ငန်းအစီအ စဉ်၊ အမျိုးသားအဆင့် ရာသီဥတု ပြောင်းလဲမှုဆိုင်ရာမူဝါဒ၊ မဟာ ဗျူဟာနှင့်လုပ်ငန်းအစီအစဉ်၊ အ မျိုးသားအဆင့် စွန့်ပစ်ပစ္စည်းစီမံ ခန့်ခွဲမှုမဟာဗျူဟာနှင့် အစိမ်း ရောင်စီးပွားရေးမူဝါဒမူဘောင်တို့ ကို ရေးဆွဲပြီးဖြစ်သည်။ အစိမ်း ရောင်စီးပွားရေးမူဝါဒ၊ မူဘောင်တွင် အစိမ်းရောင် ရင်းနှီးမြှုပ်နှံမှု များကို မြှင့်တင်နိုင်ရန် ဦးစားပေးနယ်ပယ်များ သတ်မှတ်ပြီး ဆောင်ရွက်သွားမည်ဟု သိရသည်။

ထို့ကြောင့် သဘာဝသယံဇာတပေါကြွယ်ဝမှုကို ကာကွယ်ပြီး ပြည်သူလူထု၏ အကျိုးစီးပွားကို အထောက်အကူပြုသည့် ရင်းနှီးမြှုပ် နှံမှုများ လိုအပ်ပါသည်။ ထို့အပြင် မြန်မာနိုင်ငံသည် အစိမ်းရောင်ဖွံ့ဖြိုးတိုးတက်မှု၊ ရာသီဥတုပြောင်းလဲမှုဆိုင်ရာ ကိစ္စရပ်များ ကို အမျိုးသားအဆင့်၊ ဒေသအ ဆင့် ကဏ္ဍအလိုက် ဖွံ့ဖြိုးတိုးတက်ရေးအစီအစဉ်များတွင် ထည့်သွင်းပေါင်းစပ် ဆောင်ရွက်လျက်ရှိ သည့်အပြင် စဉ်ဆက်မပြတ် ဖွံ့ဖြိုးတိုးတက်ရေးပန်းတိုင်များကို အ ကောင်အထည် ဖော်နိုင်ရေးအ တွက် ၂၀၃၀ အစီအစဉ်နှင့် ရာသီ ဥတုပြောင်းလဲမှုဆိုင်ရာ ပါရီသ ဘောတူညီချက်ကိုလည်း ကတိ ကဝတ်ပြု ဆောင်ရွက်လျက်ရှိ ကြောင်း သိရသည်။

အထက်တွင် ဖော်ပြခဲ့သည့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ပေးပို့ သော သဝဏ်လွှာပါ အချက်များ၊ ဒုတိယသမ္မတဦးမြင့်ဆွေ၏အဖွင့် အမှာစကားပါ အကြောင်းအရာ များနှင့် ရွှေလက် သိထားရသည့် သတင်းအချက်အလက်များအရ မြန်မာနိုင်ငံ၏ သဘာဝပတ်ဝန်း ကျင်ကို မထိခိုက်စေသော အစိမ်း ရောင်စီးပွားရေးလုပ်ငန်းများ လုပ် ဆောင်ရန် အဆင်သင့်ဖြစ်နေ သည်ကို တွေ့ရသည်။ အာဆီယံ အစိမ်းရောင်စီးပွားရေးဗဟိုဌာန စတင်အကောင်အထည်ဖော်ခြင်း ဆိုင်ရာ အစည်းအဝေးတွင်လည်း အစိမ်းရောင်စီးပွားရေးနှင့် ပတ် သက်သော ဆွေးနွေးချက်များ၊ ဆုံးဖြတ်ချက်များ၊ သဘောတူညီ မှုများ ထပ်မံရှိလာနိုင်သည်။ ထိုသို့ဆိုလျှင် သန့်ရှင်းစိမ်းလန်းသော အာဆီယံဆီသို့သွားမည့် လမ်း သည် အလျင်အမြန်ခရီးပေါက်နိုင် မည်ဖြစ်သည်။ သို့သော် နိုင်ငံတိုင်းက အလုပ်သဘောအရ၊ တာဝန် ဝတ္တရားအရ အစည်းအဝေးလုပ် ခြင်းမဟုတ်ဘဲ အမှန်တကယ် ထိ ထိရောက်ရောက် လုပ်ဆောင်ရန် လိုပါသည်။ အထူးသဖြင့် မြန်မာ အစိုးရကို ပြောချင်ပါသည်။

မြန်မာအစိုးရအဆက်ဆက် က ကမ္ဘာ့နိုင်ငံများနည်းတူ သဘာ ဝပတ်ဝန်းကျင်ဆိုင်ရာ၊ ရာသီဥတု ပြောင်းလဲခြင်းဆိုင်ရာ အစည်းအ ဝေးများ၊ အလုပ်ရုံဆွေးနွေးပွဲများ၊ ညီလာခံများ မပျက်မကွက်တက် သည်။ သဘောတူလက်မှတ်ထိုး စရာရှိလျှင် ထိုးလိုက်သည်။ အဖွဲ့ ဝင်စရာရှိလျှင် ဝင်လိုက်သည်။ ကတိပြုစရာရှိလျှင် ကတိပြုလိုက် သည်။ လက်တွေ့ကျင့်သုံးသ လား၊ မကျင့်သုံးဘူးလားဆိုသည် ကိုတော့ ရွှေလက် မသိပါ။ သို့ သော် မြန်မာနိုင်ငံ၏ သဘာဝပတ် ဝန်းကျင်အခြေအနေများ ပျက်စီး နေသည်။ ရာသီဥတုဖောက်ပြန် ပြောင်းလဲနေသည်။ သဘာဝဘေး အန္တရာယ်ဖြစ်ပွားမှုများ ပိုလာ သည်။ ထိုအခြေအနေများသည် မျက်မှောက်ကာလတွင် ပိုမိုပြင်း ထန်ဆိုးရွားနေပြီဖြစ်သည်။ ထို့ ကြောင့် လက်ရှိအစိုးရအနေဖြင့် ရာသီဥတုပြောင်းလဲမှုကို တားဆီး နိုင်ရေး၊ သဘာဝဘေးအန္တရာယ် လျှော့ချနိုင်ရေးအတွက် သဘာဝ ပတ်ဝန်းကျင်ထိန်းသိမ်းရေးလုပ် ငန်းများကို အားသွန်ခွန်စိုက် ထိထိရောက်ရောက် လုပ်ဆောင်ရ တော့မည်ဖြစ်သည်။ အစိုးရက သဘာဝပတ်ဝန်းကျင် ထိန်းသိမ်း ရေးလုပ်ငန်းများ လုပ်ဆောင်နေ ချိန်တွင် သဘာဝပတ်ဝန်းကျင်ထိခိုက်စေသော လုပ်ငန်းများကို လည်း တားဆီးပိတ်ပင်ပြီး တိုင်း ပြည် ရေရှည်ဖွံ့ဖြိုးတိုးတက်ရေး အတွက် အစိမ်းရောင်စီးပွားရေး လုပ်ငန်းများကို လုပ်ဆောင်ကြရမည်ဖြစ်သည်။ သည်နေရာတွင် ပြည်သူများကလည်း ကိုယ်တတ်နိုင်သည့်အပိုင်းမှ ပါဝင်ကူညီ ဆောင်ရွက်ကြရမည်။ အထူးအရေးကြီးဆုံးမှာ အစိုးရအနေဖြင့် သဘာဝပတ်ဝန်းကျင်နှင့် ပတ် သက်ပြီး လူကြားကောင်းအောင် စကားလုံးလှလှများဖြင့် တန်ဆာ ဆင်ပြောနေသည်များကို ရပ်တန့်ပြီး လုပ်ငန်းများကို လက်တွေ့ထိ ထိရောက်ရောက် လုပ်ဆောင်ကြ ရမည်ဖြစ်ကြောင်း ရေးသားလိုက် ရပေသည်။       ။

(ဖော်ပြပါ ဆောင်းပါးသည် စာရေးသူ၏ အာဘော်သာဖြစ်ပါသည်)