တောဈေး တောင်ဈေးကြိုက်ရာရွေး

(တစ်)

အခုနှစ်ပိုင်းတွေထဲမှာ စုံနံ့ သာမြိုင်တောထဲကို လာလာပြီး ကုန်စည်ပြပွဲတွေကျင်းပကြလေ သဗျ။ အမျိုးစုံပါပဲ။ လူ့ရပ်လူ့ရွာ လူ့ကမ္ဘာက ထုတ်လုပ်ဖြန့်ဖြူး သမျှ ကုန်ပစ္စည်းအသစ်အဆန်း ထွေလီကာလီတွေဆိုတာ စက္ကန့် နဲ့အမျှ တစ်ခေတ်ပြီး တစ်ခေတ် သစ်ပြီးသစ်ဆိုသလို ပေါ်ပေါ်လာ လိုက်ကြတာများ။ အဲသမှာ ကုမ္ပဏီတွေက သူတို့ကုန်ပစ္စည်းတွေနဲ့ တောနေတိရစ္ဆာန်စားသုံးသူများ ရင်းနှီးသွားဖို့ရာအလို့ငှာ ကုန်စည်  ပြပွဲတွေကို စုံနံ့သာမြိုင်တောထဲ မှာလာလာပြီး လုပ်ကြတာပါ။

ဆိုကြပါစို့ လျှပ်စစ်ကုန်စည် တွေပြတဲ့ပွဲ။ ရေခဲသေတ္တာ၊ ရုပ်မြင်သံကြား၊ လေအေးပေးစက်၊ အ သားကြိတ်စက်၊ သစ်သီးဖျော်စက်၊ပန်ကာ၊ မီးပူ၊ အပူပေးစက်၊ ကော်ဖီဖျော်စက်၊ ဆံပင်အခြောက်ခံစက်၊ ပေါင်းအိုး၊ မီးဖို၊ ပေါင်မုန့်မီးကင်စက်၊ မီးလုံး၊ မီးသီး၊ မီး ပန်း၊ မီးဆိုင်း၊ မီးကြိုး၊ မီးခုံ၊ မီးအားမြှင့်စက်၊ မီးဖြတ်စက်၊ မီးစက်ဆိုတာတွေကို အကုန်ပြထားတာပါ။

အဲ...အိုင်တီ (It) လို့ခေါ်တဲ့ သတင်းနည်းပညာပြပွဲ။ ဖုန်းတွေ ဖုန်းတွေများဆိုတာ။ ပြားပြားတွေ ရော ပြဲပြဲတွေရော။ အိုင်ဖုန်း (iPhone) ၊ အိုင်ပက် (iPad)၊ တက်ဘလက် (Tablet) ၊ နုတ် (Note) ၊ လက်ပ်တော့ (Laptop) ၊ ဒက်စ်တော့ (Desktop) ၊ ပရိုဂျက် တာ (Projector) ဆိုတာတွေ။ လှမှလှ။ ကြွမှကြွ။

စားသောက်ကုန်ပြပွဲဆို လည်း တော်တော့ကို စုံစုံစေ့စေ့ ပါ။ ယမကာမျိုးစုံ၊ အအေးမျိုးစုံ၊ အသားဘူးမျိုးစုံ၊ ဟင်းခတ်အမွှေး အကြိုင်ပုလင်းမျိုးစုံ၊ ဘူးမျိုးစုံ၊ အ ချဉ်ပုလင်းမျိုးစုံ၊ ခေါက်ဆွဲတွေ၊ ကြာဆံတွေ၊ ဂျုံမှုန့်တွေ၊ ဆန်မှုန့် တွေ၊ ငံပြာရည်တွေ၊ အချိုမှုန့် တွေ၊ အားလူး၊ ကြက်သွန်၊ ငရုတ်ပြခန်း၊ အသီးအရွက်ပြခန်း၊ မုန့် မျိုးစုံပြခန်း၊ လက်ဖက်ရည်၊ ကော်ဖီပြခန်း၊ အို...အိုးခွက်ပန်းကန် ခွက်ယောက်၊ ဇွန်းခက်ရင်း၊ ဓား၊ တူ၊ သွားကြားထိုးတံကအစ ပြသထားလိုက်တာများဆိုတာ။

အ၀တ်အထည်ပြပွဲတဲ့။ ကားပြပွဲတဲ့။ အိမ်ခြံမြေပြပွဲတဲ့။ ပညာ ရေးပြပွဲတဲ့။

လူတွေတစ်ဆင့်ထက် တစ် ဆင့် မြင့်သထက်မြင့်မြင့်နဲ့ နေကြ ဖို့ရာ အလို့ငှာ တွေးဆတီထွင်ထုတ်လုပ်ဖြန့်ဖြူး ရောင်းချတဲ့ ပစ္စည်းတွေကို တောထဲက တိရစ္ဆာန်ကလေးတွေကလည်း သုံးဆောင် နေကြပြီမို့ ကုန်ပစ္စည်းနဲ့ စားသုံးသူ ရင်းနှီးမှုရကြဖို့ရာ လူတွေက တိရစ္ဆာန်တွေရှိတဲ့ တောထဲ ကုန် စည်ပြပွဲတွေ လာလာပြီး လုပ်ပေးကြတာပါ။

အို...သတ္တ၀ါပေါင်းစုံကြိတ် ကြိတ်တိုး။ ရေခဲမုန့်စားရင်း၊ ကော်ဖီခွက်ကလေးတွေ လက်မှာကိုင် ရင်း၊ အအေးဘူးကလေးတွေ ပိုက်နဲ့ တပ်ကာစုပ်ရင်း ပြပွဲကိုကြည့်ရှု ငေးမောကြတာ။ မြင်းကျားက မျက်မှန် အမည်းကြီး တပ်လို့။ မျောက်လင်မယားက လက်ချင်း ချိတ်လို့။ နွားကစီးကရက်ကို ခဲလို့။သိုးမကလေးတစ်သိုက်က စကတ် အကွဲတွေနဲ့။ ကျားသစ်က နား ကြပ်ပေါက်စနဲ့ သီချင်းနားထောင် လို့။

အော်..ကုန်တွေနဲ့ စည်တဲ့ ကုန်စည်ပြပွဲတဲ့လေ။

(နှစ်)

တစ်ပွဲတည်းတော့ မဟုတ် ခင်ဗျ။ လေးငါးခြောက်ပွဲ။ ဟုတ် တယ်။ တောထဲမှာ ကုန်စည်ပြပွဲ တွေ လုပ်လာတာ လေးငါးခြောက်ပွဲကျော်ကျော်လည်းရှိလာရော တိရစ္ဆာန်တွေ ရောဂါထ, တော့တာပါပဲ။

‘‘တို့များစုံနံ့သာမြိုင်က

တိရစ္ဆာန်တွေလည်း

ကုန်စည်ပြပွဲ

လုပ်ကြရအောင်’’တဲ့။ ကြည့်စမ်း။ အသံတွေထွက်လာလိုက် ကြတာ။ ခြင်္သေ့တို့၊ ကြံ့တို့၊ ဖွတ် တို့ကကျတော့ ပြပွဲလုပ်မယ့်နေရာကိုပါ ရွေးတာ။ လူ့ရွာထဲမှာ တက် ပြမယ်တဲ့။ စုံနံ့သာမြိုင်ကုန်စည် ပြပွဲတဲ့။ နာမည်က ကဗျာဆန် ဆန်။

(သုံး)

 တိရစ္ဆာန်တွေက ပြောတဲ့ အတိုင်း လုပ်ကြတာပါကလား။ လူ့ရွာထဲကို တက်ပြီး ခန်းမအ ကျယ်ကြီးတစ်ခန်း ငှားကြသဗျ။ ပြီးတော့ ဧရာမဆိုင်းဘုတ်ကြီးတွေ ခန်းမပတ်ပတ်လည်မှာ တင် လို့။ စုံနံ့သာမြိုင်ကုန်စည်ပြပွဲတဲ့။  

အို...လူတွေ လူတွေ ကြိတ် ကြိတ်တိုးလို့။ တိရစ္ဆာန်ကုန်စည် တွေကို လာကြည့်ကြတာ။ ဂျက် ကွမ်းခြံကုန်းလည်း ဝင်ကြည့်ဖြစ် ပါတယ်။

 တောရဲ့ထွက်ကုန်တွေက အများသားကလား။ စပါးကြီး သည်းခြေတဲ့။ ကျားသားရေတဲ့။ နွားသားရေတဲ့။ တောင်ဆိတ်ခွာ တဲ့။ တောင်ဆိတ်ချိုတဲ့။ ကျွဲချိုတဲ့။ နွားမြီးတဲ့။ ကျားစွယ်တဲ့။ သမင်ချိုတဲ့။ မြွေပွေးတဲ့။ တောက်တဲ့တဲ့။ ဆင်စွယ်တဲ့။ မျောက်သွေးတဲ့။ မျောက်ဦးနှောက်တဲ့။ ပျားရည်တဲ့။သိုးမွေးတဲ့။ ဒေါင်းတောင်တဲ့။ မြင်းမြီးတဲ့။ ဆတ်သားခြောက်တဲ့။ ချေသားခြောက်တဲ့။ အမဲသား ခြောက်တဲ့။ မျောက်အူတဲ့။ ကြက် တူရွေးနှုတ်သီး။ နွားလျှာ။ ကျား လျှာတဲ့။ ဝက်ဝံသည်းခြေတဲ့။ လင်းယုန်လက်သည်းတဲ့။ ကျား ရိုးတဲ့။ လိပ်ခွံတဲ့။ တောဝက်စွယ် တဲ့။ ဆိတ်ခေါင်းတဲ့။ ဝက်ခေါင်း တဲ့။ ဝက်လက်တဲ့။ တောကြက်ဥ တဲ့။ တောကြက်သားတဲ့။ ငါးရှဥ့် ကျပ်တိုက်တဲ့။ ငါးရံ့ခြောက်တဲ့။  ပုတက်ကင်တဲ့။ ရှဥ့်သားခြောက် တဲ့။ ခါချဉ်ဥတဲ့။ လိပ်ဥတဲ့။ နွားနို့ တဲ့။ ဆိတ်နို့တဲ့။ မြင်းနို့တဲ့။

‘‘အဆွေတို့တောရဲ့ ကုန်စည် ပြပွဲက တိရစ္ဆာန်တွေထုတ်လုပ်တဲ့ ပစ္စည်းတွေကို ပြမယ်ထင်နေတာ။ ခုတော့...’’

ဂျက်ကွမ်းခြံကုန်းက အစွယ် ကျိုးနေတဲ့ ခြင်္သေ့ကြီးကို သို့နှယ် စကားဆိုရင်း စကားကို အဆုံးမ သတ်ဘဲ တန်းလန်းကြီးနဲ့ ရပ်ကာ ကြည့်နေမိသဗျ။

‘‘သြော်...ဂျက်ဆရာက လည်း ဘဇာ ထုတ်လုပ်စရာ လို သလဲဗျ။ ကျုပ်တို့က အဖိုးထိုက် တန်နေပြီပဲဟာ။ ကျုပ်တို့ကို ဝယ် မယ့်သူတွေက အများကြီး’’ တဲ့။ ခြင်္သေ့က။

သြော်...ဒါတော့ဟုတ်သား။ တိရစ္ဆာန်တွေကိုယ်တိုင်က ရောင်းကုန်ပစ္စည်းဖြစ်နေတဲ့ဥစ္စာ။ တော ကြီးတစ်ခုလုံးကိုတောင် လူတွေ က ဝယ်ချင်ဝယ်နေဦးမယ့်ဥစ္စာ။ တိရစ္ဆာန်တွေက မရောင်းနိုင်ပါ ဘူးလို့ ဂျက်ကွမ်းခြံကုန်းဖြင့် အာမ မခံရဲပေါင်ဗျာဟူလို။       ။

(ဖော်ပြပါ  သရော်စာသည် စာရေးသူ၏ အာဘော်သာဖြစ်ပါသည်)