စီးပွားရေး သတင်းတိုများ

ရန်ကုန် - ကားဈေးကွက် အေးသော်လည်း ကားစလစ်ဈေး ရက်ပိုင်းအတွင်း ကျပ်သိန်း ၁၃၀ မှ ၁၃၈ သိန်းအထိ ဈေးရှိနေ ကြောင်း မော်တော်ယာဉ်ရောင်းဝယ်ရေးလုပ်ကိုင်သူများက ပြော ကြားသည်။

သက်တမ်းနှစ် ၂၀ အမည်ပေါက်စလစ်တစ်စောင်လျှင် ဖေ ဖော်ဝါရီ ၁ ရက်က ကျပ်သိန်း ၁၂၀ ခန့် ဈေးရှိခဲ့ရာမှ ဈေးဆက်တက်ခဲ့သည်။ ယာဉ်အိုယာဉ်ဟောင်း အပ်နှံမှုနည်းပါးလာခြင်းနှင့် နယ်လိုင်စင်စလစ်အပ်ကားများကို ရန်ကုန်လိုင်စင် မပေးတော့သဖြင့် စလစ်လိုအပ်ချက်မြင့်လာကာ ဈေးတက်ခြင်းဖြစ်ကြောင်း ရန်ကုန်တိုင်းဒေသကြီး မော်တော်ယာဉ်ထုတ်လုပ်ရေးနှင့် ဖြန့်ဖြူးရောင်းချရေး လုပ်ငန်းရှင်များအသင်း တွဲဖက်အတွင်းရေးမှူး ဦးကျော်မင်းထွန်းက ပြောသည်။ ရန်ကုန်လိုင်စင်ပါမစ်ကို အခွန်နှုန်းထားတစ်ခု သတ်မှတ်ပြီး တင်သွင်းခွင့်ပြုမည့် COE စနစ် စတင်ချိန်တွင် စလစ်ဈေးပြန်ကျလာနိုင်ကြောင်း မော်တော်ယာဉ်ရောင်းဝယ်သူများက ခန့်မှန်းပြောကြားသည်။

-----------------------

ပြည်ပ၀ယ်လိုအား လျော့နည်း၍ ရော်ဘာကုန်ကြမ်း ဈေးကျ


ရန်ကုန်- တရုတ်နိုင်ငံမှ ၀ယ်လိုအား လျော့နည်းနေခြင်းကြောင့် ပြည်တွင်းထုတ် ရော်ဘာကုန်ကြမ်းဈေး ၁၀ ရာခိုင်နှုန်း ကျဆင်းလာကြောင်း ပြည်ပရော်ဘာတင်ပို့သူ အချို့က ပြောသည်။

မိုးရာသီကုန်ဆုံး၍ ရော်ဘာအစေးခြစ်လုပ်ငန်း စတင်ချိန်တွင် RSS-3 အမျိုးအစားရော်ဘာကုန်ကြမ်းတစ်ပေါင်လျှင် ကျပ် ၈၅၀ ဈေးရရှိသော်လည်း လက်ရှိတွင် တစ်ပေါင် ကျပ် ၇၅၀ သို့ ဈေးကျလာသည်။

ကမ္ဘာ့ရေနံစိမ်းဈေးတက်ပါက ရော်ဘာကုန်ကြမ်းဈေးမြင့် တက်လေ့ရှိသော်လည်း လက်ရှိ နိုင်ငံတကာဈေးကွက်တွင် ရော် ဘာကုန်ကြမ်းဈေး တစ်တန်လျှင် အမေရိကန်ဒေါ်လာ ၁,၇၀၀ ခန့် ဈေးရှိသည်။ အဆိုပါဈေးနှုန်းသည် ပြီးခဲ့သည့်နှစ်ကုန်နှင့် နှိုင်းယှဉ်ပါက ၁၀ ရာခိုင်နှုန်းကျော် ကျဆင်းခြင်းဖြစ်သည်။ လက်ရှိတွင် ကမ္ဘာ့ရေနံစိမ်းဈေးတက်နေသော်လည်း တရုတ်နိုင်ငံက ရော်ဘာကုန်ကြမ်းဝယ်လိုအားကို လျှော့ချသဖြင့် နိုင်ငံတကာရော်ဘာဈေးနှုန်းကျဆင်းခြင်းဖြစ်ကြောင်း ပြည်တွင်းမှရော်ဘာကုန်သည်အချို့က သုံးသပ်သည်။