မန္တလေးကျုံး အတွင်းဘက်ပတ်လမ်းကို အများပြည်သူ အပန်းဖြေရန် ၀င်ရောက်ခွင့်ပြု

 မန္တလေးမြို့ ကျုံးနှင့် နန်းတွင်းမြို့ရိုးအကြားရှိ မြေ ကွက်လပ်များတွင် အများပြည်သူ အပန်းဖြေရန်နှင့် ကိုယ်လက်လှုပ် ရှားအားကစားများ ပြုလုပ်ရန် ၀င် ရောက်ခွင့်ပြုမည်ဖြစ်ကြောင်း မန္တလေး မြို့တော်စည်ပင်သာယာရေး ကော်မတီဝင် တာဝန်ရှိသူများက ပြောသည်။

မန္တလေးမြို့ အောင်မြေသာ စံမြို့နယ် နန်းမြို့ရိုးပတ်လမ်းနှင့် ကျုံးရေပြင်အကြား နေရာများ တွင် နေ့စဉ်နံနက် ၆ နာရီမှ ညနေ ၆ နာရီအထိ အများပြည်သူအ ပန်းဖြေခြင်းနှင့် ကိုယ်လက်လှုပ် ရှားအားကစားပြုလုပ်နိုင်ကြောင်း မန္တလေး မြို့တော်စည်ပင်သာယာရေး ကော်မတီက ဖေဖော်ဝါရီ၁၀ ရက်တွင် ထုတ်ပြန်ကြေညာသည်။

  မန္တလေးတိုင်း ဒေသကြီး အစိုးရနှင့် အလယ်ပိုင်းတိုင်း စစ်ဌာနချုပ် သဘောတူညီချက် ဖြင့် လူထုအားကစားပြုလုပ်ခြင်း၊ အပန်းဖြေခြင်းတို့အတွက် ခွင့်ပြု ခဲ့ကြောင်း ထုတ်ပြန်ချက်တွင် ဖော်ပြထားသည်။

‘‘မြို့သူမြို့သားတွေ လွတ် လွတ်လပ်လပ် အားကစားလှုပ် ရှားဖို့ နေရာကျယ်ကျယ်ဝန်းဝန်း မရှိတဲ့အတွက် အဲဒီနေရာကို အား ကစားလုပ်ဖို့ ခွင့်ပြုလိုက်တာပါ’’ ဟု မန္တလေးမြို့တော်စည်ပင်သာ ယာရေးကော်မတီဝင်တစ်ဦးက ဆိုသည်။

မန္တလေးမြို့တွင် အများပြည် သူလွတ်လပ်စွာ အပန်းဖြေနိုင် သည့် နေရာများနည်းပါးနေပြီး ယခုကဲ့သို့ ခွင့်ပြုခြင်းအတွက် ကျေးဇူးတင်ကြောင်း၊ ကျုံးမြို့ရိုး နှင့် ကျုံးအလှမပျက်စေရန် စည်းကမ်းရှိကြရန်လိုကြောင်း မန္တလေးမြို့ခံတစ်ဦးက ပြောသည်။

ကျုံးနှင့် နန်းမြို့ရိုးကြားရှိ ၁၉၉၃ က ဖျက်သိမ်းခဲ့သော မန်း သီတာဥယျာဉ်ကိုလည်း တပ်မ တော်က ပြန်လည်တည်ဆောက် ပေးရန်ရှိသည်။

More in Regional Section