အမျိုးသမီးတို့၏ခွန်အား

အမေရိကန်နိုင်ငံမှအစပြုကာ ကမ္ဘာ့နိုင်ငံပေါင်း ၈၀ ကျော်တွင် ကြီးမားစွာဂယက်ရိုက်ခတ်ခဲ့သည့်  အမျိုးသမီးများအပေါ် လိင်ပိုင်းဆိုင်ရာစော်ကားမှုများကို ဆန့်ကျင်သော me too( ကျွန်မရောပဲ)လှုပ်ရှားမှုစတင်ပြီး သုံးလကျော်အကြာတွင် မြန်မာနိုင်ငံ၌ ထူး ခြားသော ဖြစ်ရပ်များပေါ်ပေါက်လာသည်။ အစဉ်အလာအရ အရှက် အကြောက်ကြီးသော၊ နူးညံ့သိမ်မွေ့သော၊ အားနွဲ့သောအမျိုးသမီး များကို အခွင့်အရေးယူကာလိင်ပိုင်းဆိုင်ရာစော်ကားသူများ၊ ကာ ယိနြေ္ဒပျက်စီးစေသူများကို သတ္တိရှိရှိထုတ်ဖော်ပြောကြားပြီး အခြား အမျိုးသမီးများကို အလားတူအဖြစ်မျိုးမကြုံစေရန်  အစဉ်အလာကို ဖောက်ထွက်၍  ရဲဝံ့သော အမျိုးသမီးငယ်များ ရှေ့ထွက်လာခြင်းဖြစ် သည်။

နည်းပညာတက္ကသိုလ်ကျောင်းသူတစ်ဦးက ကိုးထပ်ကြီးဘုရား ဟောခန်းဖွင့်ထားသော ဗေဒင်ဆရာအောင်ချစ်ပိုထံဗေဒင်မေးမြန်းရာ လိင်ပိုင်းဆိုင်ရာထိ ပါးစော်ကားခံရကြောင်း ဇန်နဝါရီ ၂၃ ရက်တွင် ၎င်း၏ဖေ့စ်ဘွတ်ခ်၌ စတင်ရေးသားခဲ့သည်။ သူ့ရေးသားမှုအောက်တွင် အလားတူဖြစ်စဉ်ကြုံတွေ့ခဲ့ဖူးသော အမျိုးသမီးများကလည်းဝင်ရောက်မှတ်ချက် ရေးသားပြီး ဖတ်ရှုသူ၊ ပြန်လည်မျှဝေ သူများပြားကာ ဇန်န၀ါရီလကုန်ပိုင်းတွင် လူမှုကွန်ရက်၌ လူပြောအများဆုံးအကြောင်းအရာဖြစ်လာသည်။

ထို့နောက် ဗေဒင်ဆရာ၏ လိင်ပိုင်းဆိုင်ရာထိပါးစော်ကားခံ ရသည်ဆိုသော မိန်းကလေးများစုစည်း၍ အမှုဖွင့်ရန်စီစဉ်ပြီးမှ အများစုသည် ကျောင်းသူများဖြစ်၍ကိုယ်တိုင်တရားစွဲဆိုရန်အချိန် အခက်အခဲရှိသလို မိဘများသိမည်စိုး၍ မစွဲဖြစ်ခဲ့ပေ။ သို့သော် နည်း ပညာတက္ကသိုလ်ကျောင်းသူနှစ်ဦး၊ စီးပွားစီမံဘာသာရပ်တက်ရောက်နေ သူနှင့် ဒီဇိုင်နာတစ်ဦးတို့က ဇန်န၀ါရီ ၂၈ ရက်တွင် ကိုးထပ်ကြီးဘုရား ဂေါပကအဖွဲ့ထံသွားရောက်တိုင်ကြား စာပေးပို့ခဲ့သည်။ အမျိုးသမီး များအပေါ် လိင်ပိုင်းဆိုင်ရာထိပါးကြောင်း ဖေ့စ်ဘွတ်ခ်တွင်ရေးသားထားသည့်ပို့စ်များကို စုစည်း၍ဖေ့စ်ဘွတ်ခ်၌တင်ခဲ့သူတစ်ဦးကို ဗေဒင် ဆရာအောင်ချစ်ပိုက ဇန်န၀ါရီ ၂၈ ရက်တွင် ဆက်သွယ်ရေး ပုဒ်မ ၆၆(ဃ)ဖြင့် အမှုဖွင့်သည်။ နည်းပညာတက္ကသိုလ် ကျောင်းသူတစ်ဦးက လည်း အောင်ချစ်ပိုကို ကာယိနြေ္ဒပျက်စီးရန်လက်ရောက်ကျူးလွန်မှုဖြင့်ဇန်န၀ါရီ ၃၀ ရက်တွင် အမှုဖွင့်ခဲ့သလို ဗေဒင်ဆရာကလည်း သူ့ကို ဖေဖော်ဝါရီ ၃ ရက်၌ အမှုပြန်ဖွင့်သည်။

ထို့အပြင် သရုပ်ဆောင် ဒိန်းပိုပိုဒေါင်ကလည်း လွန်ခဲ့သည့်ခြောက် နှစ်ကဗေဒင်သွားမေးစဉ် အောင်ချစ်ပိုကလိင်ပိုင်းဆိုင်ရာထိပါးသည်ဆိုကာ အောင်ချစ်ပိုကို ကာယိနြေ္ဒပျက်စီးရန် လက်ရောက်ကျူးလွန်မှု၊ ခြောက်လှန့်မှုတို့ဖြင့် ဖေဖော်ဝါရီ ၈ ရက်တွင် ထပ်မံအမှုဖွင့်ခဲ့သည်။ ဒိန်းပိုပိုဒေါင်အမှုဖွင့်သည့်နေ့တွင် အလားတူဖြစ်ရပ်ကြုံခဲ့သောမိန်းကလေးအချို့က လာရောက်ဝန်းရံခဲ့ကာ ကိုယ်ဝန်ကိုးလဖြင့်ဗေဒင်သွားမေးစဉ် လိင်ပိုင်းဆိုင်ရာထိပါးခံရသည်ဟု အသက်(၂၅)နှစ်အရွယ်အမျိုးသမီးက လွန်ခဲ့သည့်လေးနှစ်က အတွေ့အကြုံကို ပြောသည်။ ထို့ကြောင့် အဆို ပါဗေဒင်ဆရာကို လိင်ပိုင်းဆိုင်ရာထိပါးခံရသည်ဟု ထုတ်ဖော်ပြော ကြားလာသည်မှာ ၁၀ ဦးခန့်ရှိလာပြီဖြစ်သည်။ သို့သော် အောင်ချစ်ပိုက စွပ်စွဲမှုများအားလုံးကို ငြင်းဆိုထားပြီး ၎င်း၏အောင်မြင်မှုကို မနာလို၍ တိုက်ခိုက်ခြင်းဖြစ်ကြောင်း တုံ့ပြန်ထားသည်။ နောက်ဆုံးအခြေအနေ သည် စမ်းချောင်းရဲစခန်းတွင် အောင်ချစ်ပိုကို ခေါ်ယူစစ်ဆေးပြီးအာမခံ ပေးထားသည်။ ထို့ကြောင့် မည်သို့ဆက်ဖြစ်မည်ကို ပြည်သူများက စိတ်ဝင်တစားစောင့်ကြည့်နေသည်။

၂၀၁၇ အောက်တိုဘာ ၁၅ ရက်တွင် ဟောလိဝုဒ်မှ နာမည်ကျော် မင်းသမီးအယ်လ်ဆာမီလန်နိုက တွစ်တာအကောင့်မှနေ၍ ကျွန်မရောပဲ # me too (hashtag me too)ဟု ရေးသားကာ လိင်ပိုင်းဆိုင်ရာစော်ကားခံရဖူးသောအမျိုးသမီးများပါ ကျွန်မရောပဲဟုရေးသားရန်တိုက်တွန်းခဲ့သည်။ ထို့နောက် ထုတ်လုပ်သူ ဟာဗေ၀ိုင်စတင်း၏လိင်ပိုင်းဆိုင်ရာ စော်ကားနေမှုများကို ဖွင့်ချကာ ကျန်ဟောလိဝုဒ်မှ အမျိုးသမီးသရုပ်ဆောင်များကပါ ဟာဗေ၀ိုင်စတင်း၏ လိင်ပိုင်းဆိုင်ရာအသားယူမှု များကို ဖွင့်ချတော့သည်။ မီလန်နို၏ ပို့စ်ကို ၂၄ နာရီအတွင်း တွစ်တာတွင်လူနှစ်သိန်းကျော်က ‘ကျွန်မရောပဲ’ ဟု ရေးသားကာ ပြန်လည်မျှဝေခဲ့ပြီး ဖေ့စ်ဘွတ်ခ်တွင်လည်း တစ်ရက်အ တွင်း me too ဟုရေးသားပြီး လိင်ပိုင်းဆိုင်ရာစော်ကားမှုများကို တညီတညွတ် တည်းဆန့်ကျင်သူငါးသန်းခန့်ရှိခဲ့သည်။

အမေရိကန်နိုင်ငံတွင်သာမက အနည်းဆုံးနိုင်ငံပေါင်း ၈၅ နိုင်ငံ တွင် အဆိုပါလှုပ်ရှားမှုပျံ့နှံ့ခဲ့ပြီး နာမည်ကျော်ထုတ်လုပ်သူဟာဗေ ၀ိုင်စတင်းမှာ ကုမ္ပဏီမှ နုတ်ထွက်ရပြီး အမေရိကန်ရုပ်ရှင်သိပ္ပံနှင့် ဗြိတိသျှရုပ်ရှင်အကယ်ဒမီတို့မှလည်း ထွက်ပေးခဲ့ရသည်။ ထို့အပြင် ဗြိတိန်နိုင်ငံမှ ကာကွယ်ရေးဝန်ကြီးမိုက်ကယ်ဖော်လွန်မှာလည်း အမျိုးသမီးများကို ကာယိနြေ္ဒပျက်စီးအောင်ပြုလုပ်ကြောင်း စွပ်စွဲဝေဖန်မှုများကြောင့် အလုပ်မှ နုတ်ထွက်စာတင်ခဲ့ရသည်။ အဆိုပါလှုပ်ရှားမှုကို ကမ္ဘာတစ်ဝန်းရှိလူအများသိအောင်လှုံ့ဆော်နိုင်ခဲ့သည့် မီလန်နိုက အမျိုးသမီးများညီညွတ်စုစည်းနိုင်ခဲ့မှုကြောင့် လိင်ပိုင်းဆိုင် ရာစော်ကားမှုများနှင့် မတရားမှုများကို တွန်းလှန်နိုင်ခြင်းဖြစ်ကြောင်း ပြောကြားသည်။

မြန်မာနိုင်ငံတွင်လည်း အမျိုးသမီးငယ်များမှာ ၎င်းတို့၏အရှက် ကိုမငဲ့ကွက်ဘဲ ကာယိနြေ္ဒပျက်ပြားအောင် ကျူးလွန်ခံရမှုများကို သတ္တိရှိရှိစတင်ဆန့်ကျင်နေချိန်ဖြစ်ပါသည်။ ထို့ကြောင့် အမျိုးသမီးအခွင့်အရေးလှုပ်ရှားသော အဖွဲ့အစည်းများနှင့် အာဏာပိုင်အဖွဲ့ အစည်းများက ယခုထက်ပိုသော အာရုံစိုက်မှုနှင့် အားပေးထောက်ခံ မှုများပေးရန် လိုအပ်ကြောင်းမီးမောင်းထိုးပြလိုက်ရပါသည်။