ဧရာဝတီတိုင်းတွင် သဘာဝဓာတ်ငွေ့ရည်သုံးလျှပ်စစ်စက်ရုံတည်ဆောက်ရန် ဒေါ်လာနှစ်ဘီလီယံကျော်ရင်းနှီးမြှုပ်နှံမည်

သဘာဝဓာတ်ငွေ့ရည်သုံးလျှပ်စစ်စက်ရုံစီမံကိန်းအကောင်အထည်ဖော်မည့် မီးလောင်ဂျိုင့်ကျေးရွာကိုတွေ့ရစဉ် (ဓာတ်ပုံ − သက်ဆွေ)

ဧရာဝတီတိုင်းဒေသကြီး ရွှေသောင်ယံမြို့ မီးလောင်ဂျိုင့် ကျေးရွာတွင်၁,၃၉၀ မဂ္ဂါဝပ်ထွက် ရှိမည့် LNG သဘာဝဓာတ်ငွေ့ ရည်နှင့် စွန့်ပစ်အပူသုံးလျှပ်စစ် ဓာတ်အားပေးစက်ရုံကို ကန်ဒေါ် လာ နှစ်ဘီလီယံကျော်ရင်းနှီးမြှုပ် နှံတည်ဆောက်မည်ဖြစ်ကြောင်း တာဝန်ယူတည်ဆောက်မည့် Supreme Trading ကုမ္ပဏီ ဒါရိုက်တာဦးထူးထူးအောင်က ဖေဖော်ဝါရီ ၁၀ရက်တွင် ပြောသည်။

သဘာဝဓာတ်ငွေ့ရည်ဖြင့် လျှပ်စစ်ဓာတ်အား ထုတ်လုပ်နိုင် ရန် ၂၀၁၅ ကစတင်ကာ မြန်မာ နိုင်ငံတစ်ဝန်းတွင် နေရာခုနစ်ခု ကို လေ့လာဆန်းစစ်မှုများဆောင် ရွက်ခဲ့ကြောင်း၊ စက်ရုံတွင် အသုံး ပြုမည့် သဘာဝဓာတ်ငွေ့ရည် သည် ပြည်ပနိုင်ငံများမှတင်သွင်း ရမည်ဖြစ်သဖြင့် ပင်လယ်ကူး သင်္ဘောကြီးများ ဆိုက်ကပ်နိုင် မည့် ပင်လယ်ဆိပ်ကမ်းတည် ဆောက်နိုင်မည့်နေရာကိုရှာဖွေခဲ့ ရာ အဆိုပါဒေသသည် သင့်လျော် သောနေရာဖြစ်သဖြင့် ရွေးချယ် ခဲ့ကြောင်း ၎င်းကပြောသည်။

ဧရာဝတီတိုင်းဒေသကြီးအ စိုးရ လျှပ်စစ်၊ စက်မှုနှင့် လမ်းပန်း ဆက်သွယ်ရေးဝန်ကြီး ဦးဝင်းဌေး က ယင်းစီမံကိန်းကိုပြည်ထောင် စုအစိုးရက ခွင့်ပြုခဲ့ပြီးဖြစ်ကြောင်း ပြောကြားပြီး စီမံကိန်းတာဝန် ယူတည်ဆောက်မည့်ကုမ္ပဏီကို ၂၀၂၀ ပြည့်နှစ်မတိုင်မီအပြီး သတ်ဆောင်ရွက်ရန် တိုက်တွန်းခဲ့ သည်။

စီမံကိန်းနှင့်ပတ်သက်၍ အ စိုးရ၏ မူဝါဒဖြစ်သည့်ပွင့်လင်းမြင် သာစွာ ဆောင်ရွက်ရန်ဆိုသည့် အပိုင်းကဏ္ဍသည် အရေးကြီးသ ဖြင့် ပြည်သူများ၏ ဆန္ဒသဘော ထားများ၊ ရေရှည်ဖြစ်လာမည့် ဒေသခံများ၏ အခက်အခဲများ၊ အကျိုးစီးပွားများ၊ အလုပ်အကိုင် အခွင့်အလမ်းများနှင့် မြေယာ ကိစ္စများကို တိုင်းဒေသကြီးလွှတ် တော်သို့တင်ပြ၍ လွှတ်တော်၏ သဘောထားဖြင့် ကုမ္ပဏီနှင့် ဒေသခံပြည်သူများအကြား တိုင်းဒေသကြီးအစိုးရက ကော်မတီတစ်ရပ်ဖွဲ့ကာ  ဖြေရှင်းပေးမည်ဖြစ်ကြောင်း ၎င်းက ပြောသည်။

စက်ရုံစီမံကိန်းတွင် လမ်း၊တံတား၊ ရေနက်ဆိပ်ကမ်း၊ လောင်စာသိုလှောင်ရုံနှင့် မဟာဓာတ်အားလိုင်းသွယ်တန်းမှုများပါဝင်သဖြင့် လူဦးရေတစ်ထောင်ကျော်အား အလုပ်အကိုင်အခွင့်အလမ်းများ ဖန်တီးပေးနိုင်ကြောင်း ဦးထူးထူးအောင်ကပြော သည်။

မြန်မာနိုင်ငံတစ်ဝန်းလက်ရှိ လျှပ်စစ်ဓာတ်အားသုံးစွဲမှုပမာဏ မဂ္ဂါဝပ် ၃,၀၀၀ ခန့်ရှိပြီး အဆိုပါ စက်ရုံမှ ထွက်ရှိလာမည့် လျှပ်စစ် ဓာတ်အားကို ဧရာဝတီနှင့်ရန် ကုန်တိုင်းအတွင်း ဖြန့်ဖြူးရန်စီမံ ထားကြောင်း သဘာဝပတ်ဝန်း ကျင်နှင့် လူမှုပတ်ဝန်းကျင်အကျိုး သက်ရောက်မှုဆိုင်ရာ (EIA/SIA) ဆန်းစစ်မှုများ ဆောင်ရွက်ထားပြီးဖြစ်ကြောင်း ၎င်းက ဆက်လက်ပြောသည်။

မူလက အိမ်ခြေ ၄၀ ရှိခဲ့ သော်လည်း လက်ရှိတွင် ၂၅ အိမ်သာကျန်ရှိတော့သည့် မီး လောင်ဂျိုင့်ကျေးရွာမှ ဒေသခံများ သည် လယ်ယာနှင့်အုန်းခြံဥယျာဉ် လုပ်ငန်း၊ ပင်လယ်ရေလုပ်ငန်း ဖြင့် အသက်မွေးနေထိုင်ကြသည်။ 

အဆိုပါဒေသတွင် ဓာတ်အား ပေးစက်ရုံစီမံကိန်းအကောင်အထည်ဖော်မည်ဖြစ်သောကြောင့် ဒေသခံများ၏ပညာရေး၊ ကျန်းမာရေး၊ လမ်းပန်းဆက်သွယ်ရေးတိုး တက်ကောင်းမွန်လာမည်ဖြစ်သဖြင့် ၎င်းတို့အနေဖြင့် စီမံကိန်းကို ကြိုဆိုကြောင်း ဒေသခံဦးမြင့်အောင်က ပြောသည်။

ဓာတ်အားပေးစက်ရုံတည် ဆောက်ရန် ယင်းကျေးရွာတွင် မြေဧက ၈၀၀ ခန့်အသုံးချရန်စီစဉ်ထားသည်။ ကုမ္ပဏီအနေဖြင့်မဟာဓာတ်အားလိုင်းသွယ်တန်းခြင်း၊ တည်ဆောက်မှုဆိုင်ရာ မြေတိုင်းတာခြင်းစသည့် လေ့လာဆန်းစစ်မှုများ ၂ နှစ်ကြာ ဆောင်ရွက်ခဲ့သဖြင့် စက်ရုံအကောင်အထည်ဖော်တည်ဆောက်ခြင်းကို လာမည့်နှစ် နှစ်ဆန်းကစတင်ကာ အကောင်အထည်ဖော်ဆောင်ရွက်ရန်စီစဉ်ထားကြောင်း၊ စက်ရုံတည်ဆောက်မည့်ကာလသည် ၃၆ လမှ ၄၂ လအထိကြာမြင့်နိုင် ကြောင်း ဦးထူးထူးအောင်ကပြောသည်။

More in News Section

Top News