သွေးထဲတွင် ဆိုဒီယမ်ဓာတ်နည်းပါးသော သက်ကြီးရွယ်အိုများ စဉ်းစားတွေးတောမှုဆိုင်ရာ ဉာဏ်ရည်ထိခိုက်နိုင်

အသက်အရွယ်ကြီးရင့်သော အမျိုးသားများတွင် သွေးထဲ၌ ဆိုဒီယမ်နည်းပါးခြင်းနှင့် ဦးနှောက်၏ စဉ်းစားတွေးတောမှုအပိုင်း ပြဿနာရှိခြင်းအကြားတွင် ဆက်စပ်မှုရှိကြောင်း လေ့လာမှုတစ်ရပ်က ဖော်ပြသည်။

အသက်အရွယ်ကြီးသူများ အသုံးပြုသည့် အချို့ဆေးဝါးများ က သွေးထဲရှိ ဆိုဒီယမ်ပမာဏကို လျော့နည်းစေနိုင်သောကြောင့် ယခုတွေ့ရှိချက်သည် စိုးရိမ်ဖွယ်ဖြစ်ကြောင်း ကျွမ်းကျင်သူများက ပြောသည်။


ယခုလေ့လာမှုတွင် အသက်(၆၅)နှစ်နှင့်အထက် အမျိုးသား ၅,၀၀၀ ကျော် ပါဝင်ပြီး ၎င်းတို့ကို ငါးနှစ်အထိ စောင့်ကြည့်လေ့လာ ခဲ့သည်။

ဆိုဒီယမ်ပမာဏ ရှိသင့်သည်ထက် နည်းနေပါက စဉ်းစားတွေး တောမှုဆိုင်ရာ ဉာဏ်ရည်ထိခိုက်သည်။ ထို့အပြင် သွေးထဲတွင် ဆိုဒီယမ်ပမာဏ မြင့်မားခြင်းကြောင့် စိတ်ကျန်းမာရေးထိခိုက် ကြောင်း သုတေသီများ လေ့လာတွေ့ရှိသည်။

ယခုလေ့လာမှုကို နယူးယောက်မြို့ လက်ဆက်ဟေးလ်ဆေးရုံ မှ ဆရာဝန်များက ပြုလုပ်ခဲ့ပြီး American Society of Nephro-logy ဂျာနယ်တွင် ဖော်ပြထားသည်။

သို့သော် သွေးထဲတွင် ဆိုဒီယမ်ပမာဏ မဆိုစလောက်လျော့ နည်းခြင်းကို သတိပြုမိရန် မဖြစ်နိုင်ဟု သုတေသီများကပြောသည်။

အသက်အရွယ်ကြီးသူများတွင် သွေးထဲရှိဆိုဒီယမ်ပမာဏနှင့် ဦးနှောက်လုပ်ဆောင်ချက်တို့ကြား ဆက်စပ်မှုသည် အရေးကြီး ကြောင်းနှင့် ဆီးရွှင်ဆေးများ၊ စိတ်ကျရောဂါအတွက် သောက်ရ သောဆေးများ အပါအဝင် အချို့ဆေးဝါးများကြောင့် သွေးထဲရှိ ဆိုဒီယမ်ပမာဏကို လျော့နည်းစေနိုင်သည်။

ယင်းဆေးဝါးများသည် သက်ကြီးရွယ်အိုများ အသုံးပြုလေ့ရှိ သော ဆေးဝါးများဖြစ်သဖြင့် ဆရာဝန်များအနေဖြင့် ယင်းအရွယ် များကို ဆေးပေးရာတွင် ဂရုစိုက်သင့်ကြောင်း သုတေသီများက ပြောသည်။                                                  

—Ref: UPI