ပြည်ထောင်စုနေ့အထိမ်းအမှတ်မြို့နှစ်မြို့ တိုးချဲ့ဖွဲ့စည်းဟု ကယားအစိုးရထုတ်ပြန်

(၇၁)နှစ်မြောက် ပြည် ထောင်စုနေ့အထိမ်းအမှတ်အဖြစ် ကယားပြည်နယ်ရှိ ကျေးရွာကြီး နှစ်ခုကို မြို့အဖြစ်ပြင်ဆင်ဖွဲ့စည်း ခဲ့ကြောင်း ယမန်နေ့က ကယား ပြည်နယ်အစိုးရက သတင်းထုတ် ပြန်သည်။

လွိုင်ကော်မြို့နယ်ရှိ လွိုင် လင်လေးကျေးရွာကို လွိုင်လင် လေးမြို့အဖြစ်လည်းကောင်း၊ ဒီး မော့ဆိုမြို့နယ်ရှိ နန်းမယ်ခုံကျေး ရွာအုပ်စုကို နန်းမယ်ခုံမြို့အ ဖြစ်လည်းကောင်း ပြည်ထဲရေး ၀န်ကြီးဌာနက ၂၀၁၇ အောက်တို ဘာ ၁၆ရက်တွင် ပြင်ဆင်ဖွဲ့ စည်းခွင့်ပြုခဲ့ပြီး ယမန်နေ့က တရားဝင်ဖွင့်လှစ်ပေးခဲ့ကြောင်း ကယားပြည်နယ်အစိုးရအတွင်း ရေးမှူးဦးတင်မောင်စိုးက ပြော သည်။

‘‘မြို့ဖွဲ့လိုက်တော့ ဌာနဆိုင် ရာက ၁၅ ခုလောက်ရှိလာမယ်။ ဆေးရုံရှိလာမယ်။ ရဲကင်းကနေ ရဲစခန်းတို့ရှိမယ်ပေါ့။ အခုဆိုမြို့ ဖြစ်သွားတဲ့အတွက် ဌာနဆိုင်ရာ ရုံးလုပ်ငန်းတွေကို မြို့တက်ပြီး လုပ်စရာမလိုတော့ဘဲ ဒေသခံ တွေရဲ့ လူမှုစီးပွားအကုန်အဆင် ပြေသွားတာပေါ့။ ပြည်နယ်လည်း ဖွံ့ဖြိုးတိုးတက်လာတယ်ပေါ့’’ ဟု ၎င်းက ရှင်းပြသည်။

ဖေဖော်ဝါရီ ၁၂ ရက်တွင် နန်းမယ်ခုံမြို့နှင့်လွိုင်လင်လေး မြို့တို့၏ မြို့အ၀င်ဆိုင်းဘုတ်ဖွင့် ပွဲအခမ်းအနားများကို ကယား ပြည်နယ်ဝန်ကြီးချုပ်က ဖွင့်လှစ် ပေးခဲ့သည်။

ပြည်နယ်အစိုးရသည် အဆို ပါမြို့နှစ်မြို့ကို မြို့အင်္ဂါရပ်များ နှင့်ပြည့်စုံစေရန်အပါအ၀င် ဒေ သခံပြည်သူများ၏ လူမှုဘ၀ဖွံ့ ဖြိုးတိုးတက်စေရန် ဌာနဆိုင်ရာ များနှင့်ပူးပေါင်းဆောင်ရွက်မည် ဖြစ်ကြောင်း ထုတ်ပြန်ချက်တွင် ဖော်ပြထားသည်။

ဒီးမော့ဆိုမြို့နယ်ရှိ နန်းမယ် ခုံမြို့သည် ပင်လယ်ရေမျက်နှာ ပြင်အထက် အမြင့်ပေ ၂,၉၁၉ တွင်တည်ရှိပြီး မြို့မကယန်း၊ မြို့မရှမ်း၊ ခေါ်ခုကယားနှင့် ခေါ်ခု ရှမ်းစသည့် ရပ်ကွက်လေးခုဖြင့် ဖွဲ့စည်းထားကာ လက်ရှိ၌ အိမ် ခြေ ၄၃၁ လုံးအိမ်ထောင်စု ၄၂၈စုနှင့် လူဦးရေ ၂,၂၈၇ ဦးနေထိုင်နေကြောင်း ထုတ်ပြန်ထားသည်။

အလားတူ လွိုင်ကော်မြို့ နယ်ရှိ လွိုင်လင်လေးမြို့သည် ပင်လယ်ရေမျက်နှာပြင်အထက် အမြင့်ပေ ၂,၅၅၅ တွင် တည်ရှိပြီး အောင်တေဇ၊ အောင်မင်္ဂလာ၊ အောင်သိဒ္ဓိရပ်ကွက်သုံးခုဖြင့် ဖွဲ့ စည်းထားပြီး အိမ်ထောင်စု ၆၉၅ စုနှင့် လူဦးရေ ၃,၇၃၂ ဦး နေထိုင် ကြောင်း ထုတ်ပြန်သည်။

ကယားပြည်နယ်ကို လွိုင် ကော်ခရိုင်နှင့် ဘော်လခဲခရိုင်တို့ ရှိ မြို့နယ်ခုနစ်မြို့နယ်နှင့် လက်ရှိ ဖွဲ့စည်းသည့် လွိုင်လင်လေးမြို့ နှင့် နန်းမယ်ခုံမြို့တို့အပါအ၀င် မြို့သုံးမြို့ဖြင့် ဖွဲ့စည်းထားသည်။