သောင်ရင်းမြစ် မြန်မာဘက်ကမ်းတွင် ထိုင်းက ယန္တရားများဖြင့် သဲခိုးစုပ်၍ မြန်မာတားမြစ်

သောင်ရင်းမြစ်၏ မြန်မာဘက်ကမ်း တွင် ထိုင်းကယန္တရားများဖြင့် သဲစုပ်နေ၍ ကမ်းပြိုမှုများဖြစ်ပြီးနောက် နှစ်နိုင်ငံနယ်ခြား ကော်မတီတွေ့ဆုံကာ တားမြစ်ခဲ့သည်။

သောင်ရင်းမြစ်သာခြားပြီး ထိုင်းနိုင်ငံနှင့် နယ်စပ်ချင်းထိစပ် နေသော မြ၀တီမြို့ ရပ်ကွက်(၅) တွင် ထိုင်းနိုင်ငံသားလုပ်ငန်းရှင် က သဲစုပ်သောယန္တရားအသုံးပြု ကာ သဲခိုးစုပ်နေသည်ကိုမြ၀တီ မြို့ခံများက ကန့်ကွက်ပြီးနောက် နှစ်နိုင်ငံတာဝန်ရှိသူများ တွေ့ဆုံ ဆွေးနွေးခဲ့သည်။

‘‘ထိုင်းလုပ်ငန်းရှင်ကလည်း ၀န်ခံတယ်။ မြန်မာဘက်ကမ်းက နေ သဲခိုးစုပ်တာသူတို့မှားပါတယ် ပေါ့။ ထိုင်းနိုင်ငံဥပဒေအရ ဘော် ဒါကော်မတီကနေ လုပ်ငန်းလိုင် စင်တွေ အကုန်လုံး သိမ်းလိုက် တယ်’’ ဟုကရင်ပြည်နယ်နယ်ခြား စောင့်တပ်(BGF)မှ ဗိုလ်မှူးခင် မောင်ဝင်းက ပြောသည်။

ထိုင်းလုပ်ငန်းရှင်သည် သဲ စုပ်သည့် ယန္တရားကိုထိုင်းနိုင်ငံ ဘက်ကမ်းတွင်ထားပြီး သဲစုပ် သည့်ပိုက်ကို မြန်မာဘက်ကမ်းသို့ ရေအောက်မှတစ်ဆင့် သွယ်တန်း ပြီး ခိုးစုပ်ခဲ့ကြောင်း မြ၀တီမြို့ခံ များကပြောသည်။ ရပ်ကွက် (၅)တွင် သောင်ရင်းမြစ်ကမ်း ပေ ၂၀ ပတ်လည်ခန့် ကမ်းပြိုပြီးနောက် အဆိုပါဖြစ်ရပ်ကို တားမြစ်ရန် အုပ်ချုပ်ရေးတာဝန်ရှိသူ များအား မြို့ခံများက တောင်းဆို ခဲ့သည်။ မြန်မာနှင့် ထိုင်းနိုင်ငံမြို့နယ်အဆင့် နယ်ခြားကော်မတီသည် ဖေဖော်ဝါရီ ၁၁ ရက်တွင် တွေ့ဆုံပြီး တားမြစ်ခဲ့ကြောင်း မြ၀တီမြို့နယ်အုပ်ချုပ်ရေးမှူး ဦးဖြိုးကိုကိုဇော်က ပြောသည်။ သဲစုပ်သည့်လုပ်ငန်းရှင်ကို အရေးယူနိုင်ရေး မြန်မာနှင့် ပူးပေါင်းစိစစ်မည်ဟု ထိုင်းဘက်မှ တာဝန်ရှိသူများက အသိပေးထားသည်ဟု ၎င်းက ဆိုသည်။

‘‘မြို့နယ်အဆင့် နယ်ခြား ကော်မတီဥက္ကဋ္ဌအချင်းချင်းတွေ့ ဆုံပြီး ပြောလိုက်လို့ အခုလော လောဆယ်တော့ သဲစုပ်တာမရှိ တော့ဘူး’’ ဟု ဦးဖြိုးကိုကိုဇော်က ပြောသည်။

လက်ရှိတွင် သဲစုပ်ယူမှု မရှိ တော့ဘဲ အကယ်၍ထိုင်းဘက်က နောက်တစ်ကြိမ်သဲစုပ်ခြင်းထပ်မံ ပြုလုပ်လာပါက ဆန္ဒထုတ်ဖော် ၍ တားမြစ်ရန်စီစဉ်ထားသည်ဟု မြ၀တီမြို့ခံအချို့က ဖေဖော်ဝါရီ ၁၂ ရက်၌ ပြောသည်။

ထိုင်းနိုင်ငံနှင့် နယ်ချင်းထိ စပ်နေသော တာချီလိတ်မြို့တွင် လည်း နှစ်နိုင်ငံနယ်စပ်မျဉ်းပေါ်ရှိ မယ်ဆိုင်ချောင်းအတွင်း ရေတား ငုတ်တိုင်များစိုက်ခြင်း၊ ကျောက် တုံးများချခြင်းကို ထိုင်းဘက်က ပြုလုပ်ခဲ့၍ နှစ်ဖက်ဒေသခံချင်း တင်းမာမှုဖြစ်ခဲ့သည်။ ၂၀၁၆ နှင့် ၂၀၁၇ က ဖြစ်ပွားခဲ့သော အ ထက်ပါဖြစ်ရပ်ကိုလည်း နယ်ခြား ကော်မတီချင်းတွေ့ဆုံကာ အ စည်းအဝေးပြုလုပ်ခဲ့ပြီး ချောင်းအ တွင်းရှိကျောက်တုံးများ၊ ရေတား ငုတ်တိုင်များကို ဖယ်ရှားခဲ့ရသည်။