အယ်ဒီတာ့အာဘော်

ဗိုလ်ချုပ်အတွက် မွေးနေ့လက်ဆောင်

ဗိုလ်ချုပ်အောင်ဆန်းသာ သက်ရှည်ကျန်းမာ စွာရှိနေလျှင်  ယနေ့ကျရောက်သော (၁၀၃)နှစ်ပြည့် မွေးနေ့တွင် ယခင်နှစ်များထက် ပိုမိုပျော်ရွှင်လိမ့်မည် ထင်ပါသည်။ လွတ်လပ်ရေးနှင့်ဖွားဖက်တော်ဟု ဆိုရမည့် ပြည်တွင်းစစ်မီးတောက်လောင်ခဲ့သည်မှာ နှစ်ပေါင်း ၇၀ ခန့်ရှိသည့်တိုင်မငြိမ်းသေးသော်လည်း ယနေ့တွင် တိုင်းရင်းသားလက် နက်ကိုင်နှစ်ဖွဲ့က တစ်နိုင်ငံလုံးပစ်ခတ်တိုက်ခိုက်မှု ရပ်စဲရေးသဘောတူစာချုပ် (NCA)ကို အစိုးရနှင့်လက်မှတ်ရေးထိုးသောကြောင့်ဖြစ်ပါသည်။

သို့သော် ဗိုလ်ချုပ်အောင်ဆန်းသာလွန်ခဲ့သည့် နှစ် ၇၀ ကျော် က လုပ်ကြံမခံခဲ့ရလျှင် မြန်မာနိုင်ငံသည်လည်း ပြည်တွင်းစစ်မဖြစ် နိုင်သလို ပြည်တွင်းစစ်မီးကြောင့် ဘက်ပေါင်းစုံနိမ့်ကျခဲ့ရသောအ ခြေအနေကို ရှောင်လွှဲနိုင်ခဲ့မည်ဟု ယုံကြည်မိသည်။ တိုင်းပြည်ကံဆိုး မိုးမှောင်ကျကာ ယနေ့ကြုံတွေ့နေသောအခြေအနေအတိုင်း ဗိုလ် ချုပ်ရှိခဲ့လျှင်ပင် မွေးနေ့တွင်ငြိမ်းချမ်းရေးခြေတစ်လှမ်းတိုးလှမ်းနိုင်ခဲ့ခြင်းအတွက် ယခင်မွေးနေ့များထက်ပိုမိုကျေနပ်လိမ့်မည်ထင်ပါ သည်။

မကောင်းသတင်းများလှပြီး ကောင်းသတင်းနည်းသည့်အချိန် တွင် မွန်ပြည်သစ်ပါတီ(NMSP)နှင့် လားဟူဒီမိုကရက်တစ်အစည်းအရုံး(LDU)တို့က အစိုးရနှင့်ယနေ့နေပြည်တော်တွင် NCA လက်မှတ်ရေးထိုးခြင်းမှာ မြန်မာနိုင်ငံအတွက်သတင်းကောင်းဖြစ်သည်။ ဒေါ်အောင်ဆန်းစုကြည်ဦးဆောင်သော အမျိုးသားဒီမိုကရေစီအဖွဲ့ချုပ် အစိုးရလက်ထက် ငြိမ်းချမ်းရေးခြေလှမ်း ရှေ့သို့လှမ်းနိုင်ခဲ့ခြင်းဟု ယူဆပါသည်။

ယခင်သမ္မတဟောင်းဦးသိန်းစိန်ဦးဆောင်သောပြည်ခိုင်ဖြိုးအစိုးရ လက်ထက်မှစ၍ ငြိမ်းချမ်းရေးလုပ်ငန်းစဉ်ကို အရှိန်မြှင့်ဆောင်ရွက်ခဲ့ရာ ၂၀၁၅ အောက်တိုဘာ ၁၅ ရက်တွင် တိုင်းရင်းသားလက်နက်ကိုင်အဖွဲ့ ရှစ်ဖွဲ့နှင့် NCA လက်မှတ်ရေးထိုးနိုင်ခဲ့သည်။ ထို့နောက် ၂၀၁၆ ဖေဖော် ၀ါရီတွင် ပြည်ထောင်စုငြိမ်းချမ်းရေးညီလာခံ ကျင်းပခဲ့သည်။

လက်ရှိအစိုးရက ယခင်အစိုးရဆောင်ရွက်ခဲ့သော ငြိမ်းချမ်းရေးလုပ်ငန်းစဉ်ကိုလက်ဆင့်ကမ်းသယ်ဆောင်လာခဲ့ရာ ၂၀၁၆ ဩဂုတ်တွင် တိုင်းရင်းသားလက်နက်ကိုင်အဖွဲ့အားလုံး တက်ရောက်သည့် ၂၁ ရာစုပင်လုံညီလာခံ ပထမအစည်းအဝေးကိုကျင်းပခဲ့သည်။ သို့သော် ညီလာခံအပြီး ကချင်ပြည်နယ်၊ ရှမ်းပြည်နယ်တို့တွင် တိုက်ပွဲများဆက် တိုက်ဆိုသလိုဖြစ်ပွားလာ၍ ငြိမ်းချမ်းရေးခရီးမှာ ရှေ့သို့မရောက်ဘဲ ရပ်တန့်နေခဲ့သည်။ ထို့နောက် ဒုတိယအကြိမ် ၂၁ ရာစုပင်လုံညီလာခံကို ၂၀၁၇ ဧပြီလတွင် ကျင်းပခဲ့ပြီး   ထိုညီလာခံမှ ပြည်ထောင်စု၏သဘောတူညီချက်အစိတ်အပိုင်းအဖြစ် အချက် ၃၀ ကျော်ကို သဘောတူညီနိုင်ခဲ့သည်။ ထို့အပြင် တရုတ်နိုင်ငံ၏ ကူညီမှုကြောင့် မြောက်ပိုင်းလက်နက်ကိုင်အဖွဲ့ခုနစ်ဖွဲ့မှာ ၂၁ ရာစုပင်လုံညီလာခံသို့တက်ရောက်လာပြီးနိုင်ငံတော်၏ အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်နှင့် တွေ့ဆုံဆွေးနွေးနိုင်သော်လည်း NCA လက်မှတ်ရေးထိုးနိုင်သည့်အခြေအနေသို့မရောက်ရှိခဲ့ပေ။ သို့သော် ထို့နောက်ပိုင်းတွင် ရှမ်းနှင့် ကချင်ပြည်နယ်တို့တွင် တိုက်ပွဲများ ထပ်မံဖြစ်ပွားသဖြင့် ငြိမ်းချမ်းရေးကို အမျှော်လင့်ကြီးမျှော်လင့်ထားသောပြည်သူများစိတ်ပျက်ခဲ့ရသည်။

ထိုသို့ စိတ်အားတက်ကြွစရာများပေါ်လာလိုက်၊ စိတ်ပျက်စရာများ  ပြန်ကြုံလိုက်ဖြင့်တုံ့ဆိုင်းနေသော ငြိမ်းချမ်းရေးလုပ်ငန်းစဉ်သည် ယနေ့တွင် မွန်ပြည်သစ်ပါတီ(NMSP)နှင့် လားဟူဒီမိုကရက်တစ်အစည်းအရုံး(LDU)တို့က လက်မှတ်ရေးထိုးခဲ့ခြင်းမှာ လက်ရှိအစိုးရလက်ထက်တွင် တိုင်းရင်းသားလက်နက်ကိုင်နှစ်ဖွဲ့ ပထမဆုံးအကြိမ် NCA ရေးထိုးခြင်းဖြစ်သည်။ ထို့ကြောင့် NCA လက်မှတ်ရေးထိုးပြီးသောတိုင်းရင်းသားလက်နက်ကိုင်အဖွဲ့ ၁၀ ဖွဲ့အထိ ရှိလာပြီဖြစ်၏။ ကျန်နေသေးသော တိုင်းရင်းသားလက်နက်ကိုင်အဖွဲ့များနှင့်လည်း ငြိမ်းချမ်းရေးကို ကျည်ဆန်များဖြင့်မရှာဖွေဘဲ စားပွဲဝိုင်းတွင် ဆွေးနွေးညှိနှိုင်းအဖြေရှာသောနည်းလမ်းဖြင့် ဖော်ဆောင်ပေးကာ နိုင်ငံတော်နှင့်ပြည်သူများအတွက် အချစ်ပြိုင်ကြရန် အစိုးရ၊ တပ်မတော်နှင့် တိုင်းရင်းသားလက်နက်ကိုင် အဖွဲ့များကို တိုက်တွန်းလိုက်ရပါသည်။