ပြည်ထောင်စုနေ့ အထိမ်းအမှတ်အဖြစ် ပြည်မြို့တွင် မြတ်သီဟယာဉ်လိုင်းက အခမဲ့ပြေးဆွဲပေး

ဖေဖော်ဝါရီ ၁၂ ရက်(ပြည်ထောင်စုနေ့)က မြတ်သီဟယာဉ်လိုင်းမှ ယာဉ်တစ်စီး အခမဲ့ပြေးဆွဲနေစဉ် (ဓာတ်ပုံ − ဇော်မင်းထိုက်)

(၇၁) နှစ်မြောက် ပြည် ထောင်စုနေ့ကို ဂုဏ်ပြုကြိုဆို သောအားဖြင့် ပြည်မြို့တွင်း ပြေး ဆွဲသည့် မြတ်သီဟယာဉ်လိုင်းက အခမဲ့ပြေးဆွဲခဲ့သည်။

 မြတ်သီဟ ယာဉ်လိုင်းရှိ လိုက်ထရပ်ယာဉ် ၅၀ ခန့်က ဖေဖော်ဝါရီ ၁၂ ရက် (ပြည်ထောင်စု နေ့) နံနက် ၆ နာရီ မှ ညနေ ၅ နာရီအထိ ခရီးသွားပြည်သူများအား အခမဲ့စီးနင်းခွင့်ပြုခဲ့သည်။

‘‘ပြီးခဲ့တဲ့နှစ် ပြည်ထောင်စု နေ့တုန်းကလည်း လုပ်ခဲ့ပါသေး တယ်။ ဒီနှစ်နဲ့ဆို ဒုတိယအကြိမ် ပါ။ မော်တော်ယာဉ်ဂိတ်ကနေ ငါးမိနစ်ခြား ကားတစ်စီးချင်း ပြေး ဆွဲပေးပါတယ်’’ဟု အဆိုပါယာဉ် လိုင်းမှ ယာဉ်မောင်း တစ်ဦးက ပြောသည်။

မြတ်သီဟယာဉ် လိုင်းသည် ခေတ္တရာမြို့သစ် ၁၃ လမ်းရှိ ကြည်သာအေးမြ ဘုန်းကြီးကျောင်းအနီး ဂိတ်အစမှ နဝဒေးလမ်းမကြီး၊ ဈေးကြီးဂိတ်ဆုံးအထိ ယာဉ်လိုင်း နှင့် အဝေးပြေးကားကြီးဂိတ်အစမှ ဗိုလ်ချုပ်လမ်း၊ ဘူတာနှင့် ဈေးကြီးအထိ အသွားအပြန် ပြေးဆွဲခဲ့ သည်။

ယာဉ်အတွင်း၊ အပြင်နေရာ များ၌ အခမဲ့စီးနင်းနိုင်ကြောင်း ပိုစတာများကပ်ထားပြီး နိုင်ငံတော် အလံလွှင့်ထူကာ ပြေးဆွဲခြင်းဖြစ် သည်။

 ‘‘ပြည်မြို့မှာက မြို့တွင်း ယာဉ်လိုင်း လေးခုလောက် ရှိ တယ်။ ယာဉ်စီးခကတော့ ဂိတ်စ၊ ဂိတ်ဆုံး နှစ်ရာကျပ်ရှိတယ်။ ပြည် ထောင်စုနေ့ကို ဂုဏ်ပြုပြီး အခမဲ့ ပြေးဆွဲပေးတာဟာ တိုင်းရင်းသား စည်းလုံးညီညွတ်မှုအတွက် ရှေးရှု တာမျိုးဖြစ်တာကြောင့် ဝမ်းသာ ပါတယ်’’ဟု ယာဉ်စီးနင်းသူအမျိုး သမီးတစ်ဦးက ပြောသည်။