အသေးစားနှင့် အလတ်စား စီးပွားရေးလုပ်ငန်း ဖွံ့ဖြိုးရေး JICA မှ ယန်း ၁၄ ဘီလီယံကျော် ချေးယူရန် ပြည်ထောင်စုလွှတ်တော်သို့ တင်ပြ

 အသေးစားနှင့် အလတ်စား စီးပွားရေးလုပ်ငန်း များ ဖွံ့ဖြိုးတိုးတက်ရေး စီမံကိန်း - အဆင့် (၂) အကောင်အထည် ဖော်ရေး ဂျပန် အပြည်ပြည်ဆိုင် ရာ ပူးပေါင်းဆောင်ရွက်ရေး အေဂျင်စီ (JICA) ထံမှ ယန်း ၁၄ ဘီလီယံကျော် ချေးယူရန် စီမံ ကိန်းနှင့် ဘဏ္ဍာရေးဝန်ကြီးဌာန က ယမန်နေ့က ကျင်းပသော ပြည်ထောင်စုလွှတ်တော် အစည်း အဝေးတွင် တင်ပြခဲ့သည်။

စီမံကိန်းနှင့် ဘဏ္ဍာရေးဝန် ကြီးဌာနက တာဝန်ခံ၍ ပြည်တွင်း ရှိ အသေးစားနှင့် အလတ်စား စီးပွားရေး လုပ်ငန်းရှင်များသို့ ထုတ်ချေးရန် JICA ထံမှ ယန်း ၁၄ ဒသမ ၉၄၉ ဘီလီယံ ချေးယူ ရန် ပြည်ထောင်စုလွှတ်တော်၏ ခွင့်ပြုချက် တောင်းခံခြင်းဖြစ်ပြီး အဆိုပါ ချေးငွေပမာဏသည် မဟာဗျူဟာအရသော်လည်း ကောင်း အထူးကိုက်ညီမှုရှိသည့် ချေးငွေဖြစ်ကြောင်း အထက်ပါ ဝန်ကြီးဌာနမှ ဒုဝန်ကြီး ဦးမောင်မောင်ဝင်းက ပြောသည်။


‘‘အသေးစားနဲ့ အလတ်စား စီးပွားရေးလုပ်ငန်းများ ဖွံ့ဖြိုးတိုး တက်ရေးဟာ မြန်မာနိုင်ငံရဲ့ စီး ပွားရေးကို အချိန်တိုအတွင်းမှာ ဖွံ့ဖြိုးတိုးတက်စေနိုင်မှုနဲ့ အလုပ် အကိုင်၊ အခွင့်အလမ်း ဖန်တီးပေး နိုင်မှုတို့အတွက် အဓိကနေရာမှာ ရှိပါတယ်။ SMS လုပ်ငန်းများ စတင် လုပ်ကိုင်ဖို့အတွက်ဖြစ်စေ၊ တိုးချဲ့ဖို့အတွက် ဖြစ်စေ၊ ဘဏ္ဍာ ငွေလိုအပ်ချက်များ၊ နည်းပညာ လိုအပ်ချက်များ များစွာရှိနေပါတယ်’’ ဟုဒုဝန်ကြီးက လွှတ်တော်၌ ပြောသည်။

ယခင်ပထမအကြိမ် လွှတ် တော်သက်တမ်းတွင် အသေးစား နှင့် အလတ်စား စီးပွားရေးလုပ်ငန်းများ ဖွံ့ဖြိုးတိုးတက်မှု - အဆင့် (၁)အဖြစ် JICA ထံမှ ယန်း ၅ ဒသမ ၀၃၃ ဘီလီယံ ချေးယူခဲ့သည်။

ယခုစီမံကိန်း-အဆင့် (၂) အတွက် ချေးငွေသက်တမ်းသည် ပထမအကြိမ်က ကဲ့သို့ပင် ဆိုင်းငံ့ ကာလ ၁၀ နှစ်၊ ပြန်ဆပ်ကာလ နှစ်  ၃၀၊ အတိုးနှုန်းတစ်နှစ်လျှင် ၀ ဒသမ ၀၁ ဖြစ်သည်။ အတိုးနှုန်း ကို တစ်နှစ်လျှင် နှစ်ကြိမ်ပေးရ မည်ဖြစ်ပြီး အရင်းပြန်လည်ပေး ဆပ်မှုကို ဆိုင်းငံ့ကာလကုန်ဆုံး ချိန်ကစ၍ တစ်နှစ်လျှင် နှစ်ကြိမ် ပေးရမည်ဖြစ်ကြောင်း  စီမံကိန်း နှင့် ဘဏ္ဍာရေးဒုဝန်ကြီးက လွှတ် တော်သို့ ရှင်းပြသည်။

ချေးပေးမည့် ပုံစံသည် အ ထောက်အထား ပြည့်စုံပြီး သတ် မှတ်ချက်များနှင့် ကိုက်ညီသော လုပ်ငန်းရှင်တစ်ဦးလျှင် ကျပ်သန်း ၅၀၀ အထိ ထုတ်ချေးနိုင်သည်။ အာမခံပစ္စည်း မပေးနိုင်သော် လည်း လုပ်ငန်းကောင်းသည့် လုပ် ငန်းရှင်တစ်ဦးဆိုပါက ကျပ်သိန်း ၂၀၀ ကို အကန့်အသတ်ဖြင့် ထုတ်ချေးနိုင်မည်ဖြစ်သည်။

‘‘လုပ်ငန်းရှင်တစ်ဦးချင်းကို နှစ်တိုသုံးနှစ်၊ နှစ်လတ်ငါးနှစ် သက်တမ်းဖြင့် ထုတ်ချေးမည်ဖြစ် သဖြင့် တစ်ဦးပြန်ဆပ်သည့်အခါ နောက်တစ်ဦးသို့ ထုတ်ချေးသည့် ပုံစံဖြင့် အကြိမ်ကြိမ်ကျော့ပြီး ထုတ်ချေးမှာ ဖြစ်ပါတယ်။ စီမံ ကိန်း သတ်မှတ်ချက်များအရ တစ်ကြိမ်ရယူပြီးတဲ့ လုပ်ငန်းရှင်အနေ နဲ့ သာမန်အားဖြင့် နောက်ထပ်ရ မှာ မဟုတ်တော့ပါဘူး’’ ဟု ဦး မောင်မောင်ဝင်းက ပြောသည်။

မြန်မာနိုင်ငံတွင် မှတ်ပုံတင် ထားသော အသေးစား၊ အလတ် စား စီးပွားရေးလုပ်ငန်း ခြောက် သောင်းကျော်ရှိပြီး ယခင်စီမံကိန်း - အဆင့် (၁) ဖြင့် အသေးစားနှင့်  အလတ်စား စီးပွားရေးလုပ်ငန်း ရှင် ၂၉၂ ဦးအား ချေးငွေထုတ်ပေး ထားကြောင်း ၎င်းကဆက်လက် ပြောသည်။

ယခင်စီမံကိန်းအဆင့် (၁) အတွေ့အကြုံကိုယူ၍ ယခုစီမံ ကိန်းအဆင့် (၂) တွင် တိုင်းဒေသ ကြီး၊ ပြည်နယ်အားလုံးသို့ ရောက် ရှိရေး၊ နိုင်ငံတော်၏ စီးပွားရေးမူ ဝါဒများနှင့် ညီညွတ်ရေး၊ အသေး စားနှင့် အလတ်စား စီးပွားရေး လုပ်ငန်းရှင်အစစ်အမှန်များထံသို့ချေးငွေရောက်ရှိရေးတို့ အကောင်  အထည်ဖော် ဆောင်ရွက်မည်ဟု စီမံကိန်းနှင့် ဘဏ္ဍာဗေရးဝန်ကြီး ဌာန ဒုဝန်ကြီးကဆိုသည်။

အဆိုပါ စီမံကိန်းအဆင့် (၂) အတွက် ပြည်ထောင်စုအစိုးရ ထံမှ ခွင့်ပြုချက်ရရှိထားပြီး ယင်း ကိစ္စကို ပြည်ထောင်စုလွှတ်တော် ၌ ဖေဖော်ဝါရီ ၁၆ ရက်တွင် ဆွေး နွေးရန် လျာထားသည်။