မြစိမ်းရောင်ချေးငွေကို ကျေးရွာ တစ်သောင်းခန့်သို့ ထုတ်ချေးထားဟုဆို

 ကျေးလက်ဒေသဖွံ့ ဖြိုးတိုးတက်ရေးဦးစီးဌာနက နှစ် စဉ်ထုတ်ချေးပေးနေသော မြစိမ်းရောင်ချေးငွေစီမံကိန်းကို လေးနှစ်အတွင်း မြန်မာတစ်နိုင်ငံလုံးတွင် ယူနစ်ရှစ်ထောင်ကျော် ထုတ်ချေးပေးပြီး ကျေးရွာတစ်သောင်းခန့် ချေးငွေရရှိနေပြီဖြစ်ကြောင်း စစ် ကိုင်းတိုင်း ကျေးလက်ဒေသဖွံ့ဖြိုး တိုးတက်ရေးဦးစီးဌာန တာဝန်ရှိ သူတစ်ဦးက ပြောသည်။ 

ကျေးရွာများတွင် အလုပ်အ ကိုင်အခွင့်အလမ်းများဖွံ့ဖြိုးတိုး တက်ရေးနှင့် မိသားစုဝင်ငွေတိုး ကာ ဆင်းရဲနွမ်းပါးမှုလျော့ကျလာ စေရေး ရည်ရွယ်၍ ကျေးလက် ဒေသဖွံ့ဖြိုးတိုးတက်ရေးဦးစီးဌာ နက တစ်ယူနစ်လျှင် ကျပ်သိန်း သုံးရာနှုန်းဖြင့် ၂၀၁၄-၁၅ ဘဏ္ဍာနှစ်မှ စတင်ကာ ထုတ်ချေးပေး ကြောင်း ကသာခရိုင်ကျေးလက် ဦးစီးဌာန ခရိုင်ဦးစီးမှူး ဦးတိုး ကြည်က ပြောသည်။ 

‘‘ကျေးလက်ဦးစီးဌာန ကျေး ရွာတွေမှာ အရင်းမပျောက်လည် ပတ်ချေးငွေကို ယူနစ်အလိုက် ထုတ်ချေးပေးနေတာ ဖြစ်ပါ တယ်။ တိုင်းဒေသကြီး၊ ပြည်နယ် အလိုက်ပေါ့။ ယူနစ်တစ်ခုကို ကျေးရွာတစ်ရွာနှုန်းသုံးစွဲတာရှိသ လို ယူနစ်တစ်ခု၊ နှစ်ရွာသုံးရွာ စသဖြင့် သုံးစွဲတာလည်းရှိပါတယ်။ အကျိုးပြုလူဦးရေအချိုးအစားအလိုက်ဖြစ်ပါတယ်’’ဟု ခရိုင်ဦးစီးမှူး ဦးတိုးကြည်က ပြောသည်။ 

မြစိမ်းရောင်ချေးငွေ ရရှိ သည့် ကျေးရွာများတွင် ကျေး လက်ဌာနအနေဖြင့် လူထုအများ သဘောတူသည့် ကော်မတီတစ် ရပ်ဖွဲ့စည်းပေးကာ ကြီးကြပ် ဆောင်ရွက်စေပြီး အသက်မွေး ဝမ်းကျောင်းလုပ်ငန်းများ၊ မွေးမြူ ရေး၊ ရောင်းဝယ်ရေးနှင့် ထုတ်လုပ်ရေးလုပ်ငန်းများ လုပ်ကိုင်ရန် ယင်းကော်မတီက ချေးငွေများ ထုတ်ပေးကြောင်း ကသာခရိုင် ကျေးလက်ဦးစီးဌာန တာဝန်ရှိသူ တစ်ဦးက ရှင်းပြသည်။ 

အတိုးနှုန်းကို  ငွေတစ်ရာ ကျပ်လျှင် ပြားငါးဆယ်မှ တစ်ကျပ်ခွဲအထိသာ ယူခွင့်ပြုပြီး နှစ်စဉ်စာရင်းဇယားများဖြင့် ဘဏ်သို့ ပေးသွင်းရကာ သုံးနှစ်ပြည့် မြောက်လျှင် ယင်းအတိုးရရှိငွေ ကို  ချေးငွေလုပ်ငန်းတွင်လည်း ကောင်း၊ ဒေသဖွံ့ဖြိုးရေးလုပ်ငန်း များတွင်လည်းကောင်း ရာခိုင်နှုန်း ဖြင့် သုံးစွဲခွင့်ပြုကြောင်း ၎င်းက ဆိုသည်။ 

လက်ရှိ တွင် ကသာခရိုင်၌ ချေးငွေပပျောက်ခဲ့သည့် ကျေးရွာမရှိဘဲ လည်ပတ်လုပ်ကိုင်နေဆဲ ကျေးရွာများသာရှိကြောင်း ခရိုင်ကျေးလက်ဦးစီးမှူးက ဆိုသည်။