ဖက်ဒရယ်စနစ်သည် မငြိမ်းချမ်းသေးသည့် ပြည်ထောင်စု၏ ထွက်ရပ်လမ်းဟု ဒေါ်အောင်ဆန်းစုကြည်ပြော

 ပြည်သူအားလုံး လက်ခံသည့်   ဖက်ဒရယ်စနစ် ထူထောင်တည်ဆောက်နိုင်မှ ငြိမ်း ချမ်းနိုင်မည်ဖြစ်၍ လက်ရှိအချိန်တွင် ဖက်ဒရယ်သည် သမိုင်း၏ လိုအပ်ချက်တစ်ရပ်၊ ပြည်ထောင် စု၏ ထွက်ရပ်လမ်းတစ်ရပ်အဖြစ် ရောက်ရှိနေပြီဟု နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင် ဆန်းစုကြည်က ပြောကြားသည်။

အစိုးရနှင့် မွန်ပြည်သစ်ပါတီ (NMSP)၊ လားဟူဒီမိုကရက်တစ် အစည်းအရုံး (LDU) တို့အကြား ဖေဖော်ဝါရီ ၁၃ ရက်က ပြုလုပ် သည့် တစ်နိုင်ငံလုံးပစ်ခတ်တိုက် ခိုက်မှုရပ်စဲရေး သဘောတူစာချုပ် (NCA) လက်မှတ်ထိုးခြင်းအခမ်း အနားတွင် ဒေါ်အောင်ဆန်းစု ကြည်က မိန့်ခွန်းပြောရာ၌ ယခု ကဲ့သို့ ထည့်သွင်းပြောကြားသည်။

‘‘ကျွန်မတို့ရဲ့ သမိုင်းကြောင်းက ပြောပြတယ်။ တိုင်းရင်းသား တွေက ပြောကြတယ်။ လူတိုင်း က ပြောကြတယ်။ လေ့လာသုံး သပ်သူ ပညာရှင်တွေက ပြောကြ တယ်။ ကျွန်မတို့နိုင်ငံ၊ ကျွန်မတို့ ပြည်သူတွေ အားလုံး သဘောတူ လက်ခံကြတဲ့ ဖက်ဒရယ်စနစ်ကို ထူထောင်   တည်ဆောက်နိုင်မှ ငြိမ်းချမ်းနိုင်မယ်ဆိုတာကို အား လုံးသိကြတဲ့အတိုင်း ဒီကနေ့ ဒီအ ချိန်မှာ ဖက်ဒရယ်ဆိုတာ သမိုင်း ရဲ့ လိုအပ်ချက်တစ်ရပ်၊ ပြည်ထောင်စုရဲ့ ထွက်ရပ်လမ်းတစ်ရပ်အဖြစ်ကို ရောက်ရှိနေခဲ့ပါပြီ’’ဟု ဒေါ်အောင်ဆန်းစုကြည်က ပြောသည်။

အပစ်မရပ်အဖွဲ့များအား

ဖိတ်ခေါ်

လာမည့် ငြိမ်းချမ်းရေးညီ လာခံ သုံးကြိမ်အတွင်း ဖက်ဒရယ် အခြေခံမူများ ချမှတ်နိုင်ရန် ဆောင်ရွက်မည်ဖြစ်၍ ယုံကြည် စွာ လက်တွဲပူးပေါင်းကြရန်လည်း NCA မထိုးရသေးသည့် တိုင်းရင်း သားလက်နက်ကိုင်အဖွဲ့များကို ဒေါ်အောင်ဆန်းစုကြည်က ထပ် လောင်းဖိတ်ခေါ်ခဲ့သည်။

‘‘ကျွန်မတို့အားလုံး ပြီးခဲ့တဲ့ အတိတ်ကို သင်ခန်းစာယူပြီး တိုင်းပြည်ရဲ့ အနာဂတ်အတွက်၊ ကျွန်မတို့ ပြည်သူတွေရဲ့ အနာ ဂတ်အတွက် ရှေ့ကို ခြေလှမ်းတစ်လှမ်း ရဲရဲကြီး လှမ်းလိုက်ဖို့ ပြော ချင်ပါတယ်။ လက်နက်တွေ ခဏ ဘေးဖယ်ပြီး တွေ့ဆုံဆွေးနွေးရေး စားပွဲဝိုင်းတွေမှာ မိသားစုအချင်းချင်း ပွင့်ပွင့်လင်းလင်း ဆွေးနွေးကြည့်ကြဖို့၊ ဖက်ဒရယ်ပြည်ထောင်စု တည်ထောင်ရေးအတွက် စတင်မှုအသစ်တစ်ခုကို အစပြုပေးကြဖို့ ပြောကြားလိုပါတယ်’’ဟု ၎င်းက ပြောသည်။

၂၁ ပင်လုံလမ်းကြောင်း

ဆက်လျှောက်မည်

အမျိုးသားဒီမိုကရေစီအဖွဲ့ ချုပ်အနေဖြင့် အားလုံးသဘောတူ လက်ခံနိုင်သည့် ဒီမိုကရေစီ ဖက် ဒရယ် ပြည်ထောင်စုကြီးပေါ်ထွန်း ရေး ဦးတည်ကြိုးပမ်းနေသော (၂၁) ရာစု ပင်လုံညီလာခံ လမ်း ကြောင်းကို မမှိတ်မသုန် ဆက် လက်လျှောက်လှမ်းရန် သန္နိဋ္ဌာန် ချထားပြီးဖြစ်ကြောင်း ဒေါ်အောင် ဆန်းစုကြည်က ပြောသည်။

‘‘ဘယ်လို အခက်အခဲမျိုး၊ ဘယ်လိုစိတ်ခေါ်မှုမျိုး ကြုံတွေ့ရ သည်ဖြစ်စေ ဖက်ဒရယ်ပန်းတိုင် အပျောက်မခံဘဲ ခြေလှမ်းမှန်မှန်နဲ့ ရှေ့ကို ဆက်ပြီး လျှောက်လှမ်း သွားမှာဖြစ်ကြောင်း အလေးအ နက်ပြောလိုပါတယ်’’ ဟု ၎င်းက ဆိုသည်။

အမျိုးသား ပြန်လည်သင့် မြတ်ရေး ပန်းတိုင်ဖြစ်သည့် ဖက်ဒရယ်ခရီးကို ချောချောမွေ့မွေ့၊ သာသာယာယာ ဖြတ်သန်းရမည် မဟုတ်သော်လည်း စိတ်မပျက် ကြောင်း ဒေါ်အောင်ဆန်းစုကြည် က ပြောသည်။

‘‘မလွယ်ကူဘူး၊ ခက်ခဲမယ်၊ စိန်ခေါ်မှုတွေများမယ်ဆိုတာ ကျွန်မတို့ အစကတည်းက သိခဲ့ပါ တယ်။ လွယ်ကူတယ်ဆိုရင် ကျွန် မတို့နိုင်ငံ ငြိမ်းချမ်းရေးရနေတာ ကြာလှပြီပေါ့’’ ဟု ၎င်းက ဆိုသည်။

NCA ကြိုးပမ်းခဲ့သူများကို

ကျေးဇူးတင်

သမ္မတဟောင်းဦးသိန်းစိန် လက်ထက်တွင် ငြိမ်းချမ်းရေးလုပ် ငန်းစဉ် ဖြစ်ထွန်းရေး အားကြိုးမာန် တက်ဆောင်ရွက်ကာ NCA ပေါ် ပေါက်လာခြင်းဖြစ်၍ ကြိုးပမ်းခဲ့ ကြသူများကို ဒေါ်အောင်ဆန်းစု ကြည်က ကျေးဇူးတင်ကြောင်း ထပ်မံပြောဆိုသည်။

‘‘ဒီကနေ့ ကျွန်မတို့ အစိုးရ လက်ထက်မှာ နိုင်ငံရေးဆွေးနွေး ပွဲတွေ စတင်နိုင်ခဲ့ရုံသာမက ပြည် ထောင်စု သဘောတူညီချက်ရဲ့ အစိတ်အပိုင်းအဖြစ် နိုင်ငံရေး သဘောတူညီချက် (၃၇) ချက်ကို ပြီးခဲ့တဲ့ ပြည်ထောင်စုငြိမ်းချမ်း ရေး ညီလာခံ-(၂၁) ရာစုပင်လုံ ဒုတိယအစည်းအဝေးမှာ သဘော တူ လက်မှတ်ရေးထိုးနိုင်ခဲ့ပါ တယ်’’ ဟု ပြောသည်။

သမိုင်းတစ်လျှောက်တွင် ပထမဆုံး နိုင်ငံရေးသဘောတူညီ ချက်များ ရရှိလာအောင် ကြိုးပမ်း ဆောင်ရွက်နိုင်ခဲ့သည့် အခင်းအ ကျင်းသစ်ဖြစ်ပြီး ဒီမိုကရေစီ ဖက် ဒရယ်ပြည်ထောင်စုကြီး တည် ဆောက်နိုင်မည့် အခြေခံမူများကို ညှိနှိုင်းခဲ့သည်ဟုဆိုသည်။

NCA အရ ကျင်းပသည့် ပြည် ထောင်စုငြိမ်းချမ်းရေး ညီလာခံ-၂၁ ရာစုပင်လုံကို ခြောက်လတစ် ကြိမ် ပြုလုပ်ရန် သတ်မှတ်ထား ပြီး ယခု ၂၀၁၈ အတွင်း နှစ်ကြိမ် ကျင်းပရန်လျာထားသည်။ လာမည့် ငြိမ်းချမ်းရေး ညီလာခံ များတွင် နိုင်ငံရေးဆိုင်ရာ ကိစ္စများ ကို ဦးစားပေးဆွေးနွေးရန် အစိုးရ နှင့် NCA လက်မှတ်ထိုးအဖွဲ့များ က ဆုံးဖြတ်ထားသည်။

ထို့အပြင် ယခုနှစ်အတွင်းအ ခြားဖွဲ့များလည်း တစ်နိုင်ငံလုံးပစ် ခတ်တိုက်ခိုက်မှု ရပ်စဲရေးသဘော တူစာချုပ် (NCA) တွင် ပါဝင် လက်မှတ်ရေးထိုးလာနိုင်ခြေများစွာရှိ ကြောင်း ငြိမ်းချမ်းရေးကော်မရှင် အတွင်းရေးမှူး ဒုတိယဗိုလ်ချုပ် ကြီးခင်ဇော်ဦး(ငြိမ်း)က ပြောကြားသည်။

ဒီ (၂၀၁၈) အတွင်းမှာတော့ နောက်ထပ်အဖွဲ့တွေ ထိုးလာလိမ့်မယ်လို့တော့ ကျွန်တော်တို့ ယုံ ကြည် မျှော်လင့်ပါတယ်။ ဒီနှစ်အ တွင်းမှာတော့ အများကြီးဖြစ်နိုင် သေးတယ်။ ကျွန်တော်တို့ ဆယ် လလောက်ရပါတယ်။ ဒီဆယ်လ အတွင်းမှာ ကျွန်တော်တို့ရအောင် ညှိနှိုင်းမယ်။ ကျန်တဲ့အဖွဲ့တွေပါ လာနိုင်စရာ Positive တွေတွေ့ပါ တယ်။ သို့သော်မည်သည့် အဖွဲ့ တွေဖြစ်တယ်ဆိုတာ  ဒီအချိန်မှာ ပြောလို့ မဖြစ်သေးပါဘူး’’ ဟု ဒုတိယဗိုလ်ချုပ်ကြီး (ငြိမ်း) ခင် ဇော်ဦးက ဆိုသည်။

မွန်ပြည်သစ်ပါတီ၊ လားဟူ အဖွဲ့တို့နှင့်လည်း ၂၀၁၆ ဇွန်လမှ စတင်ကာ ၁၈ လတာကာလအ တွင်း အလွတ်သဘော ကိုးကြိမ် နှင့် တရားဝင်ဆွေးနွေးပွဲ ကိုးကြိမ် ပြုလုပ်ခဲ့ပြီး သဘောတူညီချက် ကိုးချက်နှင့်အညီ NCA လက်မှတ် ရေးထိုးနိုင်ခဲ့ကြောင်း ၎င်းက ဆက် လက်ပြောကြားသည်။