ခန္တီးရတနာမြေရှိ ရေမဆေးကျောက်လုပ်သားများကို သီးသန့်လုပ်ကွက်နှင့် မြေကွက်များ မကြာမီ ချထားပေးမည်

စစ်ကိုင်းတိုင်း ခန္တီး ရတနာမြေအတွင်းရှိ ရေမဆေး ကျောက်ရှာလုပ်သားများကို တစ်ဧက အကျယ်အဝန်းရှိသည့် သီး သန့်ကျောက်ရှာ လုပ်ကွက်များ ချပေးမည်ဖြစ်ပြီး လုပ်ကွက်ပေါင်း ၃,၀၀၀ ခန့် လျာထားကြောင်း ခန္တီးပဋိပက္ခဖြေရှင်းရေးကော်မတီ က ပြောသည်။

ခန္တီးရတနာမြေအတွင်း ကုမ္ပဏီနှင့် ရေမဆေးလုပ်သားများအကြား ပဋိပက္ခဖြစ်ပွားခြင်းကြောင့် လူသေဆုံးမှုများ ရှိခဲ့ကာ ယင်းကဲ့သို့ ပဋိပက္ခများ ထပ်မံမဖြစ် စေရေး၊ တရားဥပဒေစိုးမိုးရေးတို့ အတွက် တိုင်းအစိုးရအဖွဲ့က သီး ခြားလုပ်ကွက်များ ချထားပေးရန် စီစဉ်နေသည်။

သီးခြားလုပ်ကွက်များတွင် လုပ်ကိုင်လိုသူများအနေဖြင့် စစ်ကိုင်းတိုင်း အစိုးရအဖွဲ့သို့ လျှောက်ထားနိုင်ပြီး တင်ဒါစနစ်ဖြင့် ချပေး မည်ဖြစ်ကြောင်း ခန္တီးပဋိပက္ခဖြေ ရှင်းရေးကော်မတီဥက္ကဋ္ဌ စစ်ကိုင်း တိုင်းစည်ပင်သာယာရေးဝန်ကြီး ဦးမြင့်ကြည်က ပြောသည်။

‘‘အခြေခံဈေးသတ်မှတ်ပြီး လုပ်ကွက်တွေ ချပေးသွားမယ်။ အများကြီးလည်း မဟုတ်ပါဘူး။ လက်လုပ်လက်စား ရေမဆေး လုပ်သားတွေအတွက် အဆင်ပြေ အောင် လုပ်ပေးမှာပါ’’ဟု ၎င်းက ဆိုသည်။

လက်ရှိတွင် လုပ်ကွက်နေ ရာများအတွက် မြေနေရာလျာ ထားပြီးဖြစ်ကာ လုပ်ကွက်ချပေး မည့် အစီအစဉ်များကို ပြည် ထောင်စု အစိုးရသို့ တင်ပြထားပြီး အကြောင်းပြန်လာသည်နှင့် တစ်ပြိုင်နက် လုပ်ကွက်များ ချပေးမည်ဟု ဦးမြင့်ကြည်ကပြောသည်။လောလောဆယ်တွင် လုပ် ကွက်ပေါင်း ၈,၀၀၀ ခန့် လျာထား သော်လည်း နောက်ပိုင်းတွင် လို အပ်လာပါက လုပ်ကွက်များ တိုး ချဲ့ချပေးမည်ဟု ဆိုသည်။ ယင်း လုပ်ကွက်များတွင်  ရေမဆေးလုပ်သားများ၏ လုပ်အားဖြင့်သာ ကျောက်စိမ်း တူးဖော်ခြင်းများ ဆောင်ရွက်ရမည်ဖြစ်ပြီး ကုမ္ပဏီ လုပ်ကွက်ကဲ့သို့ စက်ယန္တရားများ ဖြင့် တူးဖော်ခွင့်ပေးမည်မဟုတ် ကြောင်း ဦးမြင့်ကြည်က ပြော သည်။

ခန္တီးမြို့နယ် မကျန်ခကျောက်မျက်ရတနာမြေရှိ Myanmar Imperial Jade ကုမ္ပဏီလုပ်ကွက် အတွင်း ရေမဆေးကျောက်ရှာဖွေသူများ ဝင်ရောက်ရှာဖွေရာမှ ၂၀၁၇ ဇွန်လ ၁၇ ရက်က လုံခြုံ ရေးတပ်ဖွဲ့ဝင်များနှင့် ရုန်းရင်း ဆန်ခတ် ဖြစ်ပွားပြီး လူလေးဦး သေဆုံးကာ ခုနစ်ဦး ဒဏ်ရာရခဲ့ သည်။

ယင်းပဋိပက္ခနောက်ပိုင်း ဒေသတွင်း လုပ်ကိုင်နေသည့် ကုမ္ပဏီများကို တိုင်းအစိုးရအဖွဲ့က ယာယီပိတ်သိမ်းပြီး ရေမဆေး လုပ်သားများကို ကျောက်ရှာခွင့် မပေးတော့သဖြင့် လုပ်သားများ အလုပ်လက်မဲ့ဖြစ်ခဲ့သည်။ သို့သော် လုပ်ကွက်များချပေးပြီးပါက ရေမဆေးလုပ်သားများ ကျောက်ရှာခွင့် ပြန်လည်ရရှိမည် ဖြစ်သည်။

ကျောက်ရှာဖွေခြင်းလုပ်ငန်း များ ပြန်လည်စတင်မည့်အချိန်နှင့် ပတ်သက်၍ ‘‘မကြာတော့ပါဘူး။ ပြည်ထောင်စုက ကျလာတာနဲ့ အ မြန်ဆုံးလုပ်သွားမှာပါ’’ဟု ဦးမြင့် ကြည်က ဆိုသည်။

ခန္တီးရတနာမြေအတွင်း လုပ် ကိုင်ကြမည့် ရေမဆေးလုပ်သား များကို မိသားစုတစ်စုလျှင် ပေ ၄၀၊ ပေ ၂၀ မြေကွက်များကို လည်း အခမဲ့ ချပေးမည်ဖြစ်ပြီး နိုင်ငံသားကတ်၊ ပုံစံ ၁၀ စာရွက်များဖြင့် လျှောက်ထားနိုင်ကြောင်း ဦးမြင့်နိုင်က ဆိုသည်။ လူလွတ် များကို မြေကွက်ပေးမည်မဟုတ် ဟု ဆိုသည်။

ယင်းအပြင် ခန္တီးရတနာမြေ အတွင်း ရေမဆေးလုပ်သားများ ကို စမတ်ကတ်များထုတ်ပေးနေ ပြီး ကုမ္ပဏီဝန်ထမ်းများကို အဝါ ရောင်၊ ဒေသခံလုပ်သားများကို အစိမ်းရောင်နှင့် အခြားဒေသမှ လာရောက်လုပ်ကိုင်သည့် ဧည့် သည်များကို အနီရောင်ကတ်များ ထုတ်ပေးနေသည်။

         စမတ်ကတ်များကို နိုင်ငံသားကတ်၊ ရဲစခန်းထောက်ခံစာ၊ ရပ် ကွက်အုပ်ချုပ်ရေးမှူးထောက်ခံ စာ၊ သန်းခေါင်စာရင်းတို့ဖြင့် ထုတ်ယူနိုင်ပြီး ယင်းစမတ်ကတ်ကိုင် ဆောင်ထားသူများသည် ကျောက်ရှာဖွေခွင့်နှင့် ရှာဖွေရရှိသည့် ကျောက်များကို လွတ်လပ်စွာ ရောင်းဝယ်ခွင့်ရရှိမည်ဖြစ်သည်။

ရေမဆေးလုပ်သားများကို သီးသန့်လုပ်ကွက်များပေးမည့်အ ပြင် အလွယ်တကူ ဆေးကုနိုင်စေ ရေးနှင့် အလုပ်သမားများကို ကူ ညီနိုင်ရေး စီမံခန့်ခွဲရေးကော်မတီ ဖွဲ့စည်းမည်ဟု ခန္တီးပဋိပက္ခ ဖြေရှင်းရေးကော်မတီက ဆိုသည်။

ထို့အပြင် အဆိုပါ ဒေသအ တွင်း လမ်း၊ တံတားများ ပြန်လည် ပြင်ဆင်ဆောက်လုပ်ထားပြီး ကုမ္ပဏီနှင့် လုပ်သားများအကြား ပြဿနာ ထပ်မံမဖြစ်စေရေး၊ အ ကြမ်းဖက်မှုများ ကင်းရှင်းရေး၊ မူးယစ်ဆေးကင်းရှင်းတို့အတွက် လုံခြုံရေးအင်အား တိုးမြှင့်ချထား မည်ဟု ဦးမြင့်ကြည်က ပြောကြားသည်။

ခန္တီးရတနာမြေအတွင်း လာ ရောက်လုပ်ကိုင်နေသည့် ရေ မဆေးကျောက်လုပ်သား ၂၀,၀၀၀ ကျော်ခန့်ရှိကြောင်း  ရေမဆေးလုပ်သား အရေးကူညီနေသူများက ပြောသည်။