ထောက်ခံအားပေးသော ချယ်လ်ဆီးပရိသတ်ကို နည်းပြကွန်တီ ချီးကျူး

Getty Images

လန်ဒန်- အိမ်ကွင်းတွင် ဝက်စ် ဘရွန်းကို သက်သောင့်သက်သာ ကစားကာ သုံးဂိုးပြတ် အနိုင်ရပြီး နောက် ၎င်းအပေါ် ထောက်ခံအား ပေးသော အသင်းပရိသတ်များ ကို ချယ်လ်ဆီးနည်းပြ ကွန်တီက ချီးကျူးခဲ့သည်။

ဘုန်းမောက်နှင့် ဝက်ဖို့ဒ်ကို နှစ်ပွဲဆက် ဂိုးပြတ်ရှုံးပြီးနောက် ကွန်တီ၏ အနာဂတ်သည် ဖိအား များ သက်ရောက်ခဲ့သော်လည်း ယခုနိုင်ပွဲကြောင့် ပရီးမီးယားလိဂ် အမှတ်ပေးဇယားတွင် အဆင့် (၄) နေရာ ရောက်ရှိလာသဖြင့် ဖိအားများ အတန်အသင့် လျော့ ကျခဲ့သည်။

ယခုပွဲစဉ်တွင် နည်းပြအပေါ် ထောက်ခံမှုပြသသည့် အနေဖြင့် ချယ်လ်ဆီး ပရိသတ်များက ကွန်တီ၏ အမည်ကို အော်ဟစ်အားပေးခဲ့သည်။‘‘ပရိသတ်ကို ကျွန်တော် ကျေးဇူးတင်ရမှာပါ။ ဘာလို့လဲဆို တော့ သူတို့က ကျွန်တော့်ကို အ ကြီးအကျယ်ထောက်ခံအားပေးခဲ့ လို့ပါ။ ကျွန်တော့် အနာဂတ်နဲ့ ပတ်သက်ပြီး ထင်ကြေးပေးမှုတွေ နဲ့ ကောလာဟလတွေကို သူတို့ ဖတ်မိခဲ့ပါတယ်။ ပရိသတ်တွေကို ကျေးဇူးတင်ပါတယ်။ ဒါက ဘာကိုဆိုလိုလဲဆိုတော့ ဒီအပြာရောင်၊ ဒီရှပ်အင်္ကျီ၊ ဒီအမှတ်တံဆိပ်ကို ကာကွယ်ဖို့ ကျွန်တော့်ရဲ့ဆန္ဒ၊ အာသီသကို သူတို့က နားလည် တယ်လို့ ဆိုလိုပါတယ်’’ဟု ကွန်တီက ပြောသည်။

ထို့အပြင် ရာသီမကုန်ဆုံးမီ အထိ မိမိအနေဖြင့် ဖိအားများနှင့် နေထိုင်ရမည်ဖြစ်ကြောင်း၊ ယင်း ဖိအားကို ကစားသမားများ၏ ပခုံး ပေါ်သို့ တင်မပေးလိုကြောင်း ကွန်တီက ပြောသည်။

ဒီဇင်ဘာ ၃၀ ရက်နောက် ပိုင်း အိမ်ကွင်း၌ ပထမဆုံးလိဂ်နိုင်ပွဲရရှိမှုကြောင့် ချယ်လ်ဆီး သည် အဆင့် (၅)ရှိ စပါးထက် တစ်မှတ်အသာရခဲ့ပြီး ဒုတိယ နေရာရှိ မန်ယူနှင့် သုံးမှတ်၊ တတိယနေရာရှိ လီဗာပူးနှင့် တစ် မှတ်သာ ကွာဟတော့သည်။

လီဗာပူးမှ အငှားဖြင့် ရောက်လာသော တိုက်စစ်မှူး စတာ ရစ်ခ်ျပါဝင်ကစားခဲ့သော်လည်း ၄ မိနစ်တွင် ဒူးကောက် ကြောဒဏ်ရာကြောင့် လူစားလဲခဲ့ ရ၍ နစ်နာကြောင်း ဝက်စ်ဘရွန်း ကဆိုသည်။        —Ref: BBC