သစ်တောဝန်ထမ်းဦးရေ တိုးမြှင့်ခန့်ပေးရန် အစိုးရထံ တင်ပြထား

မြန်မာနိုင်ငံတွင် ပျမ်းမျှ သစ်တောဧက ၂၀၀ ကို ဝန်ထမ်းတစ်ဦးနှုန်းအုပ်ချုပ်နေရသဖြင့် သစ်တောဝန်ထမ်း ထပ်မံတိုးမြှင့်ခန့်ထားရန် အစိုးရထံ တင်ပြထားကြောင်း သဘာဝသယံဇာတပတ်ဝန်းကျင် ထိန်းသိမ်းရေးနှင့် သစ်တောရေး ရာဝန်ကြီးဌာန လက်ထောက်ညွှန် ကြားရေးမှူး ဦးလှမျိုးအောင်က ပြောသည်။ 


လက်ရှိတွင် မြန်မာနိုင်ငံ၌ သစ်တောဧက ၄၂ ဒသမ ၉၂ ရာခိုင်နှုန်းရှိရာ တစ်မြို့နယ်လျှင် သစ်တောဝန်ထမ်း ၄၅ ဦးသာရှိပြီး ပျမ်းမျှသစ်တောဧက ၂၀၀ ကို ဝန်ထမ်းတစ်ဦးနှုန်း အုပ်ချုပ်နေရ ကြောင်း ထို့ကြောင့် သစ်တော ပြုန်းတီးမှုနှင့် သစ်ခိုးထုတ်မှုများ ကာကွယ်တားဆီးရာတွင် လိုအပ် ချက်များရှိသဖြင့် ဝန်ထမ်းတိုးမြှင့် ခန့်ထားရန် တင်ပြထားကြောင်း​ ၎င်းက ပြောသည်။ 

လက်ရှိတွင် တစ်နိုင်ငံလုံး၌ သစ်တောဝန်ထမ်း ၇,၉၂၂ ဦးသာရှိပြီး ၂ နှစ်အတွင်း ဝန်ထမ်း ၁၂,၀၀၀ ဦးအထိ တိုးမြှင့်ခန့်ထား ရန် ရည်ရွယ်ထားကြောင်း ဆို သည်။  ယခုအခါ သစ်ခိုးထုတ်သူ များသည် လက်နက်များကိုင် ဆောင်နေခြင်းကြောင့် သစ်ခိုး ထုတ်နေခြင်းကို သိရှိသော်လည်း တားဆီးနိုင်ရန် ခက်ခဲကြောင်း သဘာဝပတ်ဝန်းကျင်ထိန်းသိမ်း ရေးဆောင်ရွက်သူများက ဆို သည်။  သစ်ခိုးထုတ်သူများသည် လက်နက်များကိုင်ဆောင်ပြီး သစ် တောဝန်ထမ်းများကို တိုက်ခိုက်မှု များရှိကာ သေဆုံးမှု ရှိကြောင်း သစ်တောဝန်ထမ်းများက ပြော သည်။ 

  အထက်ပါ ဖြစ်ရပ်များ ကြောင့် ၂၀၁၆ တွင် သစ်တောဝန် ထမ်းများလုံခြုံရေး ရဲတပ်ဖွဲ့ဝင် ၂၁၅ ဦး ခန့်ထားသော်လည်း ရဲတပ်ဖွဲ့ဝင်အင်အား နည်းနေ ကြောင်း သစ်တောဝန်ထမ်းများ ကပြောသည်။  ‘‘သစ်တောဝန်ထမ်းတိုးတောင်းပေမယ့် ဝန်ထမ်းတွေ လက်နက် ကိုင်ဆောင်ခွင့်တော့ တင်ပြတောင်းခံထားတာ မရှိပါ ဘူး’’ဟု ဦးလှမျိုးအောင်က ပြော သည်။ 

မြန်မာနိုင်ငံတွင် သစ်ခိုးထုတ် မှုအများဆုံး စစ်ကိုင်းတိုင်းဖြစ်ပြီး ဒုတိယအများဆုံး ကချင်ပြည်နယ် ဖြစ်ကာ တတိယအများဆုံးသည် ပဲခူးတိုင်း ဖြစ်ကြောင်း ယင်းနေ ရာများသည် ဒေသဖွံ့ဖြိုးတိုးတက် မှုနည်းကာ တရားဥပဒေစိုးမိုးမှု နည်းသော နေရာများဖြစ်ကြောင်း ၎င်းက ပြောသည်။ 

  သစ်ခိုးထုတ်မှုများကို ကာ ကွယ်ရန် စိမ်းလန်းအမိမြေဖွံ့ဖြိုး တိုးတက်ရေးအသင်းက မြန်မာနိုင် ငံအနှံ့အပြားကို ၂၀၁၁ မှ ၂၀၁၇  အထိ ခုနစ်နှစ်ကြာသုတေသနပြု လုပ်ပြီး လူထုပူးပေါင်းပါဝင်သော သယံဇာတကာကွယ်ကင်းလှည့် ခြင်းစနစ်ကို ဧရာဝတီ၊ စစ်ကိုင်း၊  တနင်္သာရီတိုင်းဒေသကြီးနှင့် ကချင်ပြည်နယ်တို့တွင် အကောင်အထည်ဖော်ခဲ့ကြောင်းထုတ်ပြန်ထား သည်။