မြောက်ကိုရီးယား၏ အိုလံပစ် ကုန်ကျစရိတ်များကို ကျခံပေးရန် တောင်ကိုရီးယား တာဝန်ယူ

ဆောင်းရာသီ အိုလံပစ် ပြိုင်ပွဲဝင် မြောက်ကိုရီးယား အားကစား အသင်းအတွက် ကုန်ကျစရိတ် အားလုံးနီးပါးကို တောင်ကိုရီးယား အစိုးရက ကျခံပေးသွားမည်ဟု သိရသည်။

မြောက်ကိုရီးယား အားကစား အဖွဲ့သည် တောင်ကိုရီးယား၏ ဖိတ်ကြားမှုကြောင့် ဖြောင်ချန်း ဆောင်းရာသီ အိုလံပစ်၌ ပါဝင် ယှဉ်ပြိုင်လျက် ရှိသည်။ အဆိုပါ အားကစား အဖွဲ့၏ နေစရိတ်၊ စားစရိတ်နှင့် အခြားသော အထွေထွေ ကုန်ကျမှု အားလုံးနီးပါးကို ကျခံတာဝန်ယူပေးရန် တောင်ကိုရီးယား လွှတ်တော်က အတည်ပြု ပေးခဲ့သည်။

တောင်ကိုရီးယား၏ အစိုးရ၏ ကိုရီးယား နှစ်နိုင်ငံ ပူးပေါင်းဆောင်ရွက်ရေး ဝန်ကြီးဌာနက မြောက်ကိုရီးယား အားကစား အဖွဲ့၏ စရိတ်စကအတွက် ဝမ်ငွေ ၂.၈၆ ဘီလီယံ (ဒေါ်လာ ၂.၆၄ သန်း)မျှ ကျခံ အသုံးပြုသွားမည်ဟု ဆိုသည်။

မြောက်ကိုရီးယား အားကစား အဖွဲ့အပြင် အားပေးသူများပါ လိုက်ပါလာသည့် လူပေါင်း ၄၀၀ ဝန်းကျင် ပါဝင်သော အဖွဲ့သည် အိုလံပစ်အတွက် ဖြောင်ချန်းသို့ ရောက်ရှိနေကြသည်။

မြောက်ကိုရီးယားကို အိုလံပစ်သို့ ဖိတ်ခေါ်ခြင်းသည် ကိုရီးယားကျွန်းဆွယ် သဟဇာတ ဖြစ်ရေးအတွက် အရေးပါသည့် ခြေလှမ်းတစ်ရပ်ဟု ဆိုနိုင်သော်လည်း တောင်ကိုရီးယား နိုင်ငံသား အများအပြားက မြောက်ကိုရီးယား အစိုးရ အနေဖြင့် ငြိမ်းချမ်းမှုကို အမှန်တကယ် လိုလားမှု ရှိမရှိ မေးခွန်းထုတ်နေဆဲဟု သိရသည်။

မြောက်ကိုရီးယားသည် အိုလံပစ် ဖွင့်ပွဲ တက်ရောက်ရန်အတွက် နိုင်ငံခေါင်းဆောင် ကင်မ်ဂျုံအန်း၏ ညီမအရင်းကိုယ်တိုင် လိုက်ပါလာသော အစိုးရ ကိုယ်စားလှယ် အဖွဲ့ကိုလည်း စေလွှတ်ခဲ့သည်။ ကိုရီးယား နှစ်နိုင်ငံသည် အမျိုးသမီး ရေခဲပြင် ဟော်ကီ အားကစားနည်း၌လည်း တစ်သင်းတည်း ပူးပေါင်း၍ အိုလံပစ် ပြိုင်ပွဲဝင်ခဲ့ကြသည်။

Ref: Rapple