ဆေးရုံကြီးခုနစ်ခုတွင် ခြေပွား၊ လက်ပွားပါရှိသော ကလေးငယ်မွေးဖွားမှု အများဆုံးဖြစ်နေဟု စာတမ်း၌ဖော်ပြ

ရန်ကုန်တိုင်းရှိ ဆေးရုံကြီးခုနစ်ခုတွင် မွေးရာပါကိုယ်အင်္ဂါချို့တဲ့သောကလေးမွေးဖွားမှုများ အနက် ခြေပွား၊လက်ပွားပါရှိသော ကလေးငယ်နှင့် ခြေခွင်သော ကလေးငယ်မွေးဖွားမှု အများဆုံးဖြစ်နေကြောင်း ကျန်းမာရေးသုတေသနစာတမ်းတစ်ခု၌ ဖော်ပြထားသည်။

အဆိုပါသုတေသနသည် ဆေးသုတေသနဦးစီးဌာနက ပြု လုပ်ထားခြင်းဖြစ်၍ ရန်ကုန်တိုင်းရှိ ဗဟိုအမျိုးသမီးဆေးရုံ၊ သင်္ဃန်း ကျွန်းစံပြဆေးရုံ၊ တောင်ဥက္ကလာပမိခင်နှင့်ကလေးဆေးရုံ၊ မြောက် ဥက္ကလာပဆေးရုံ၊ အင်းစိန်အထွေ ထွေရောဂါကုဆေးရုံ၊ ရန်ကုန်အ ရှေ့ပိုင်းဆေးရုံနှင့် ရန်ကုန်အ နောက်ပိုင်းဆေးရုံတို့တွင် မွေးဖွား သည့်ကလေးငယ်များ၏ မွေးဖွားမှုမှတ်တမ်းကို တွက်ချက်သုတေသနပြုထားခြင်းဖြစ်သည်။ ယင်း သုတေသနသည် ၂၀၁၄ နှစ် အစမှ ၂၀၁၅ နှစ်ကုန်အထိပြုလုပ် ထားသည်။

 မွေးရာပါကိုယ်အင်္ဂါချွတ် ယွင်းရခြင်းသည် ခန္ဓာကိုယ်အ တွင်းတည်ဆောက်ရာတွင်လည်း ကောင်း၊ ခန္ဓာကိုယ်တွင်းလုပ် ဆောင်ချက်တွင်လည်းကောင်း ပုံမှန်မဟုတ်ဘဲ ချွတ်ယွင်းမှု ကြောင့်ဖြစ်သည်ဟု သုတေသန၌ဖော်ပြထားသည်။

ယင်းသုတေသနအရ ၂၀၁၄ က မွေးဖွားသောမွေးရာပါကိုယ် အင်္ဂါချို့တဲ့မှုများအနက် ကိုယ် အင်္ဂါတစ်နေရာထက်ပိုသောချို့ တဲ့(ခြေပွား၊ လက်ပွား) ဖြစ်မှုသည်  ၂၁ ဒသမ ၇ ရာခိုင်နှုန်းရှိ၍ အ များဆုံးဖြစ်သည်။ ထို့ပြင် ဗဟို အာရုံကြောစနစ်တွင်ဖြစ်ပွားသော မွေးရာပါကိုယ်အင်္ဂါချို့တဲ့မှုသည် ၁၅ ဒသမ ၉ ရာခိုင်နှုန်း၊ နှုတ်ခမ်း ကွဲ၊ အာခေါင်ကွဲဖြစ်ပွားမှု ၁၅ ဒသမ ၅ ရာခိုင်နှုန်း၊ ကြွက်သားနှင့် အရိုးတွင်ဖြစ်ပွားသော မွေးရာပါ ကိုယ်အင်္ဂါချို့တဲ့မှု ၁၄ ဒသမ ၃ ရာခိုင်နှုန်း၊ အစာအိမ်နှင့်အူလမ်း ကြောင်းတွင်ဖြစ်ပွားသော မွေးရာ ပါကိုယ်အင်္ဂါချို့တဲ့မှု ၁၃ ဒသမ ၆ ရာခိုင်နှုန်းအသီးသီးရှိသည်။

၂၀၁၅ က မွေးဖွားသောမွေး ရာပါကိုယ်အင်္ဂါချို့တဲ့မှုများအ နက်ကိုယ်အင်္ဂါတစ်နေရာထက်ပို သောချို့တဲ့မှု(ခြေပွား၊ လက်ပွား) ဖြစ်ပွားမှုသည် ၂၀ ဒသမ ၁၇ ရာ ခိုင်နှုန်းရှိ၍ အများဆုံးဖြစ်သည်။ ထို့ပြင်ကြွက်သားနှင့် အရိုးတွင် ဖြစ်ပွားသောမွေးရာပါကိုယ်အင်္ဂါ ချို့တဲ့မှု ၁၉ ရာခိုင်နှုန်း၊ ဗဟို အာရုံကြောစနစ်တွင်ဖြစ်ပွားသော မွေးရာပါကိုယ်အင်္ဂါချို့တဲ့မှု ၁၇ ဒသမ ၈ ရာခိုင်နှုန်း၊ နှုတ်ခမ်းကွဲ၊ အာခေါင်ကွဲဖြစ်ပွားမှု ၁၄ ဒသမ  ၁ ရာခိုင်နှုန်း၊ အစာအိမ် နှင့် အူလမ်းကြောင်းတွင် ဖြစ်ပွား သော မွေးရာပါကိုယ်အင်္ဂါချို့တဲ့မှု  ၇ ဒသမ ၉ ရာခိုင်နှုန်းအသီးသီး ရှိသည်။

‘‘ကျွန်မတို့က တကယ်တော့ ဆေးရုံက Data တွေပဲကောက်ရ တယ်။ အခုပြတဲ့နှုန်းက မှန်းခြေပဲ ရှိတာပေါ့နော်။ တချို့ကျData ရှာ မတွေ့တာတွေလည်းဖြစ်တယ်။ ဒါကြောင့် အခုခြေပွား၊လက်ပွား တို့၊ ခြေခွင်တာတို့တွေက ဒါတွေ က များနေတာလို့တော့ပြောလို့ရ တယ်။ ဘာကြောင့်များလဲဆိုတဲ့ အကြောင်းရင်းကိုတော့ မသိ ဘူးပေါ့နော်။ ဖြစ်ပွားနှုန်းနဲ့ အမျိုး အစားတွေကို သိဖို့အတွက် ပိုမို ကျယ်ပြန့်တဲ့သုတေသနပြုလုပ် သင့်ပါတယ်’’ ဟု အဆိုပါသုတေ သနပြုစုရာတွင် ပါဝင်သည့်ဆေး သုတေသနဦးစီးဌာန အာဟာရ ဓာတ်သုတေသနဌာနခွဲမှ ဒေါက် တာမြဥမ္မာက အကြံပြုသည်။