ဒုတိယတန်းသင်ရိုးသစ်သင်ပြနည်း တိုင်းနှင့် ပြည်နယ်အဆင့်သင်တန်းများ မတ်လ ၃၀ ရက် စတင်မည်

လာမည့် ပညာသင်နှစ်တွင် ပြောင်းလဲမည့် ဒုတိယတန်းသင်ရိုးသစ် အတွက် မြို့နယ်အဆင့် ကိုယ်စားပြုဆရာ၊ ဆရာမများကို မတ်လ ၃၀ ရက်မှ ဧပြီ ၁၂ ရက်အထိ တိုင်းဒေသကြီးနှင့် ပြည်နယ်အ ဆင့် သင်ပြနည်းသင်တန်းပေးမည် ဟု ပညာရေးသုတေသန၊ စီမံကိန်း နှင့် လေ့ကျင့်ရေးဦးစီးဌာန ဒုတိယညွှန်ကြားရေးမှူးချုပ် ဒေါက်တာ ဇော်လတ်ထွန်းက ပြောကြား သည်။

ဒုတိယတန်းသင်ရိုးသစ်ကို သင်ကြားမည့် မူလတန်းပြဆရာ၊ ဆရာမများအား ဆင့်ပွားသင် တန်းများပို့ချရန် ဗဟိုအဆင့်၊ တိုင်းဒေသကြီးနှင့် ပြည်နယ်အဆင့်၊ မြို့နယ်အဆင့်၊ ကျောင်းအုပ်စုအ ဆင့်ဟူ၍ အဆင့်လေးဆင့်ခွဲကာ သင်ပြနည်းသင်တန်းများ ဖွင့်လှစ်မည်ဖြစ်သည်။ ဗဟိုအဆင့်သင် တန်းများကို ဇန်နဝါရီ ၁၅ ရက်က စတင်ဖွင့်လှစ်ပြီး ဒုတိယအဆင့် အနေဖြင့် တိုင်းဒေသကြီးနှင့် ပြည်နယ်အဆင့် သင်တန်းများ ဆက် လက်ဖွင့်လှစ်မည်ဖြစ်သည်။

‘‘ဗဟိုအဆင့်သင်တန်းကို ပညာရေး ကောလိပ်တွေက ဆရာ၊ ဆရာမ ၃၄၀ ဦးလောက်ကို သုံးသုတ်ခွဲပေးထားတယ်။ သူတို့ က ဗဟိုအဆင့်မှာ တက်ပြီး တိုင်း နဲ့ပြည်နယ်မှာ သင်တန်းပြန်ပေးရ မှာ။ ကျန်တဲ့ မူလတန်းပြတွေက သူတို့ဆီက တစ်ဆင့် တိုင်းအဆင့်၊ မြို့နယ်အဆင့် အဆင့်ဆင့် ပြန် သင်တန်းတက်ရမှာပါ’’ဟု ဒေါက်တာဇော်လတ်ထွန်းက ပြောသည်။

တိုင်းဒေသကြီးနှင့် ပြည်နယ် အဆင့် သင်ရိုးသစ်သင်ပြနည်း သင်တန်းများကို တိုင်းဒေသကြီး နှင့် ပြည်နယ်အလိုက် ဖွင့်လှစ်မည် ဖြစ်ပြီး သက်ဆိုင်ရာတိုင်းနှင့် ပြည်နယ်ရှိ မြို့နယ်တစ်ခုစီမှ ကိုယ်စား ပြုဆရာ၊ ဆရာမ ၁၂ ဦးစီ တက် ရောက်ရမည်ဖြစ်သည်။

ဒုတိယတန်း သင်ရိုးသစ်တွင် မြန်မာစာ၊ အင်္ဂလိပ်စာ၊ သင်္ချာ၊ သိပ္ပံ၊ လူမှုရေး၊ ဘဝတွက်တာ ကျွမ်းကျင်စရာ၊ စာရိတ္တနှင့် ပြည်သူ့နီတိ၊ ပန်းချီ၊ ဂီတ၊ ကာယ ဘာသာရပ် ၁၀ ခုပါရှိပြီး ကလေးများ၏အ သိပညာ၊ ကျွမ်းကျင်မှုနှင့် သဘော ထားများကို လေ့ကျင့်ပျိုးထောင် ပေးသည့် သင်ခန်းစာများ ထည့် သွင်းရေးသားထားကြောင်း ဆို သည်။

အခြေခံပညာအတန်းများ ကို တစ်နှစ်တစ်တန်းနှုန်း သင်ရိုး ညွှန်းတမ်းအသစ်များဖြင့် ၂၀၁၆-၁၇ ပညာသင်နှစ်က စတင်၍ သင်ကြားနေရာ ဒုတိယတန်းကို လာမည့် ၂၀၁၈-၁၉ ပညာသင် နှစ်တွင် သင်ရိုးသစ်ဖြင့် သင်ကြား မည်ဖြစ်သည်။

ယခု ၂၀၁၇-၁၈ ပညာသင် နှစ်တွင် စတင်သော ပထမတန်း သင်ရိုးသစ်ကို သင်ကြားမည့် ဆရာ၊ ဆရာမငါးသောင်းခန့်ကို ယခင်နှစ်က နည်းပြသင်တန်းများ ပေးခဲ့ရာ ရာထူးတိုးနှင့် အပြောင်း အရွှေ့များ ဆောင်ရွက်ပြီးချိန်၌ သင်တန်းပေးထားသော ဆရာ၊ ဆရာမများ ပြောင်းရွှေ့ခဲ့သည်။ ထို့ကြောင့် ဒုတိယတန်းသင်ရိုးသစ် သင်ပြနည်းများကို မူလတန်းပြ ဆရာ၊ ဆရာမအားလုံးကို သင် တန်းပေးမည်ဟု ပညာရေးဝန်ကြီး ဌာန ပြည်ထောင်စုဝန်ကြီး ဒေါက် တာမျိုးသိမ်းကြီးက ပြောကြား သည်။

ဒုတိယတန်း သင်ရိုးညွှန်း တမ်းအသစ်များကို ဂျပန်အပြည် ပြည်ဆိုင်ရာ ပူးပေါင်းဆောင်ရွက် ရေးအေဂျင်စီ(JICA)နှင့် ပညာရေး ဝန်ကြီးဌာနတို့ ပူးပေါင်းဖွဲ့စည်း ထားသည့် CREATE Project အဖွဲ့က ရေးဆွဲထားသည်။