ဆီစက်ပိုင်ရှင်များအသင်းက ရောနှောဆီများ ရောင်းချခြင်း ခွင့်မပြုရန် အပါအ၀င် အချက်ခြောက်ချက် အစိုးရထံတင်ပြမည်

မန္တလေးမြို့ ချမ်းအေးသာစံမြို့နယ်ရှိ Hotel Sakura Princess တွင် ဖေဖော်ဝါရီ ၁၄ ရက်က ဆီစက်ပိုင်ရှင်များအသင်း အစည်းအဝေးပြုလုပ်နေစဉ်

 ရောနှောဆီရောင်းချ ခြင်းများ ခွင့်မပြုရန် အပါအ၀င် အချက်ခြောက်ချက်ကို မန္တလေး တိုင်း ဆီစက်ပိုင်ရှင်များအသင်း က သက်ဆိုင်ရာ ပြည်ထောင်စု ၀န်ကြီးဌာနသို့ တင်ပြမည်ဖြစ် ကြောင်း တိုင်းဒေသကြီး အတွင်း ရေးမှူး ဦးအောင်ကျော်ကျော်က ပြောသည်။


ဖေဖော်ဝါရီ ၁၄ ရက်တွင် ပြုလုပ်သည့် အသင်းသားစုံညီ အစည်းအဝေးဆုံးဖြတ်ချက်အရ ဈေးကွက်အတွင်း ရောနှောဆီ ရောင်းချခြင်း ခွင့်မပြုရန်၊ ကျန်း မာရေးနှင့် ညီညွတ်သော ပြည် တွင်းဖြစ် ကြိတ်ဆီများကို သင့် တင့်မျှတသော ဈေးနှုန်းဖြင့် ရောင်းချနိုင်ရန်၊ စားသုံးသူကာကွယ်ရေးဥပဒေ အမြန်ဆုံး ထွက်ရှိနိုင်ရေး ဆောင်ရွက်ပေးရန်၊ ဆီစက်ပိုင်ရှင်များအတွက် လိုအပ်သော SME ချေးငွေကို နှစ်ရှည် ထုတ်ချေးပေးနိုင်ရန်၊ မြန်မာနိုင်ငံ ဆီစက်ပိုင်ရှင်များ အသင်းက ကောက်ခံရရှိသော အသင်းဝင် ကြေးကို မြို့နယ်၊ တိုင်း၊ ဗဟို အလိုက် သုံးစွဲခွင့်အချိုးအစား သတ်မှတ်ပေးရန်၊ မြန်မာနိုင်ငံဆီစက်ပိုင်ရှင်များ အသင်းတွင် တိုင်းနှင့်ပြည်နယ်အလိုက် အမှုဆောင်ပါဝင်မှု အချိုးအစားကို ဆီစက်အနည်းအများ၊ အရေအတွက် ရာခိုင်နှုန်းအလိုက် ပါဝင် ခွင့်ပြုရန် စသည်တို့  တင်ပြမည် ဟုဆိုသည်။

‘‘ဒါတွေက အင်မတန် အ ရေးကြီးပါတယ်။ နိုင်ငံတော်က လည်း မူဝါဒပိုင်းတွေ သတ်မှတ် ပေးပါ။ အစည်းအဝေးဆုံးဖြတ် ချက်တွေကို ဗဟိုကိုတင်ပြမယ်။ ဗဟိုကနေတစ်ဆင့် သက်ဆိုင်ရာ ၀န်ကြီးဌာနကို တင်ပြမှာဖြစ်ပါ တယ်။ ဒါက မြန်မာနိုင်ငံတွင်းမှာ ရှိနေတဲ့စားသုံးသူတွေ၊ ပြည်တွင်း ထုတ်လုပ်တဲ့ ဆီစက်သမားတွေ၊ မွေးမြူရေးအစာကုန်ကြမ်းသမား တွေ အားလုံးအတွက်ပါ’’ဟု ဦး အောင်ကျော်ကျော်ကပြောသည်။

၁၉၉၀ နောက်ပိုင်း ပြည်ပမှ စားအုန်းဆီတင်သွင်းမှုသည် တစ် နှစ်ထက်တစ်နှစ် မြင့်တက်လာပြီး ပြည်တွင်း စားသုံးသူဈေးကွက် ၉၀ ရာခိုင်နှုန်းရယူထား၍ ဆီစက် လုပ်ငန်းရှင်များ အခက်အခဲများ စွာရှိကြောင်း မန္တလေးတိုင်း ဆီ စက်ပိုင်ရှင်များအသင်းဥက္ကဋ္ဌ ဦး ကိုကြီးကပြောသည်။

Top News