အမျိုးသမီးများ ကျောက်ကပ် ကျောက်တည်ခြင်း ပိုများလာ

ကျောက်ကပ် ကျောက်တည်သော ဖြစ်ရပ်များသည် အထူးသဖြင့် အမျိုးသမီးများကြား ပိုများလာကြောင်း လေ့လာမှုအသစ်တစ်ရပ်က ဖော်ပြသည်။

ပိုမိုကောင်းမွန်သည့် ရောဂါရှာဖွေဖော်ထုတ်ရေးကိရိယာများ ကြောင့် ယင်းကဲ့သို့ ရောဂါဖော်ထုတ်တွေ့ရှိမှု ပိုများလာခြင်းဖြစ်နိုင်ကြောင်း Mayo Clinic မှ သုတေသီများ၏ ဖော်ပြချက်အရ သိရသည်။ ယခင်က ကျောက်ကပ်ကျောက်တည်နေခြင်းကို စစ်ဆေးတွေ့ရှိရန် မလွယ်ကူသော်လည်း ယခုအခါ CT Scan သုံး၍ ဖော်ထုတ် သိရှိနိုင်ပြီဖြစ်ကြောင်း သုတေသနခေါင်းဆောင် ဒေါက်တာအန်ဒရုရူးလ်ကပြောသည်။


၁၉၈၄ နှင့် ၂၀၁၂ ကြား ပထမဆုံးအကြိမ်အဖြစ် ကျောက်ကပ် ထဲ၌ ကျောက်ရှိကြောင်း စစ်ဆေးတွေ့ရှိသူ ၇,၂၀၀ ကျော်၏ ဆေး မှတ်တမ်းများကို သုတေသီများက လေ့လာခဲ့သည်။

အထူးသဖြင့် အသက်(၁၈)နှစ်မှ (၃၉)နှစ်ကြား အမျိုးသမီးများသည်  အမျိုးသားများထက် ကျောက်ကပ်ကျောက်တည်ခြင်း ပိုမိုကြုံတွေ့ရကြောင်း သုတေသီများ လေ့လာတွေ့ရှိခဲ့သည်။ ယင်း အရွယ် အမျိုးသမီးများသည် ရောဂါပိုးဝင်ခြင်းကြောင့်ဖြစ်သော ကျောက်ကပ်ကျောက်တည်ခြင်းနှင့် ကြုံတွေ့ရမှုများပြီး ယင်းမှာ ဆီးလမ်းကြောင်း ရောဂါပိုးဝင်သည့်အခြေအနေ ပြင်းထန်မှုကြောင့်ဖြစ်ကြောင်း သိရသည်။

ဆီးအိမ်၌ ကျောက်တည်ခြင်းသည် ကြုံတွေ့ရမှုနည်းသော် လည်း အမျိုးသားများတွင် ပို၍အဖြစ်များကြောင်း တွေ့ရသည်။

ကျောက်ကပ်ကျောက်တည်နိုင်သော အန္တရာယ်ရှိသူ၊ ကျောက်ကပ်ကျောက်တည်ဖူးသူများ ယင်းအခြေအနေနှင့် ထပ်မံမကြုံတွေ့စေရေး ကာကွယ်ရန် စားသောက်ပုံအပြောင်းအလဲလုပ်သင့် ကြောင်း သုတေသီများကအကြံပြုသည်။ ရေပိုသောက်ခြင်း၊ ဆား စားသုံးမှုလျှော့ချခြင်း၊ အသားစားသုံးမှုလျှော့ချခြင်းတို့ ပြုလုပ်သင့်သည်ဟု သုတေသီများကပြောသည်။

ကျောက်ကပ်ကျောက်တည်ခြင်းကို စောစီးစွာတွေ့ရှိကုသပါ က သက်သာပျောက်ကင်းနိုင်ပြီး သေးငယ်သောကျောက်များ ဆီးနှင့်အတူ အလိုအလျောက်ပါသွားနိုင်သည်။ သို့သော် ကြိုတင်ကာ ကွယ်ခြင်းသည် အကောင်းဆုံးဖြစ်သည်။              

—Ref: UPI