ပြည်သူ့ဆန္ဒကို အကောင်အထည်ဖော်ရန် NCA မထိုးရသေးသည့်အဖွဲ့များအား လူ့အခွင့်အရေးကော်မရှင်တိုက်တွန်း

NCA တွင် ပါဝင်လက် မှတ်ရေးထိုးခြင်း မပြုရသေးသော တိုင်းရင်းသားလက်နက်ကိုင်အဖွဲ့ အစည်းများက လက်မှတ်ရေးထိုး ခြင်းအားဖြင့် တိုင်းရင်းသားပြည် သူများ၏ဆန္ဒကို အမြန်ဆုံး အ ကောင်အထည် ဖော်ပေးစေလို ကြောင်း မြန်မာနိုင်ငံ အမျိုးသား လူ့အခွင့်အရေး ကော်မရှင်က တိုက်တွန်းသည်။


မွန်ပြည်သစ်ပါတီနှင့် လား ဟူဒီမိုကရက်တစ် အစည်းအရုံး တို့က ဖေဖော်ဝါရီ ၁၃ ရက်တွင် တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA) လက်မှတ်ရေးထိုးခြင်းအ ပေါ် ကော်မရှင်ကယင်းနေ့တွင် ထောက်ခံကြိုဆိုကြောင်း သတင်းထုတ်ပြန်ရာ၌ ထည့်သွင်းတိုက် တွန်းထားသည်။

ပဋိပက္ခဖြစ်ပွားရာဒေသများ ရှိ ပြည်သူများသည် ကျန်းမာရေး စောင့်ရှောက်မှုများ၊ ကလေးသူ ငယ်များ ပညာသင်ကြားခွင့်များ၊ အမျိုးသမီးအခွင့်အရေးများနှင့် အလုပ်အကိုင်အခွင့်အလမ်း စသည့် အခြေခံလူ့အခွင့်အရေးများ ဆုံးရှုံးနေခြင်းကြောင့် NCA လက်မှတ်ရေးထိုးရန် ကျန်ရှိနေသည့် တိုင်းရင်းသား လက်နက်ကိုင်အဖွဲ့များက ညှိနှိုင်းဆောင်ရွက်ပေး ရန် လိုအပ်ကြောင်း ကော်မရှင်အ ဖွဲ့ဝင် ဦးယုလွင်အောင်က ပြော သည်။

‘‘ဖြစ်နေတဲ့ ပဋိပက္ခတွေချုပ်ငြိမ်းဖို့ လေးလေးနက်နက် တိုက် တွန်းတဲ့ သဘောပါပဲ။ အခုလို လက်မှတ်ထိုးလိုက်မယ်ဆိုရင် တိုင်းရင်းသားတွေ လူ့အခွင့်အရေး ဆုံးရှုံးနေတာတွေ ပြန်ရမယ်’’ဟု ၎င်းက သုံးသပ်ပြောသည်။

ယခင် အစိုးရလက်ထက် ၂၀၁၅ အောက်တိုဘာ ၁၅ ရက် တွင် အစိုးရနှင့် တိုင်းရင်းသား လက်နက်ကိုင် ရှစ်ဖွဲ့တို့ NCA လက်မှတ်ရေးထိုးရာ ကော်မရှင် က ထောက်ခံကြိုဆိုကြောင်း သတင်းထုတ်ပြန်ကာ အကြံပြု တိုက်တွန်းခဲ့သေးသည်။

ထို့အပြင် ဒီမိုကရေစီဖက်ဒရယ် ပြည်ထောင်စုကြီးပေါ်ပေါက်ရေးအတွက် NCA တွင် လက်မှတ်မရေးထိုးရသေးသည့် တိုင်းရင်းသား လက်နက်ကိုင်အဖွဲ့များ NCA ကို လက်မှတ်ရေးထိုးနိုင်ရေး ပြည်သူများ၏ဆန္ဒနှင့်အညီ ကြိုးပမ်းဆောင်ရွက်ရန် ကော်မရှင်က တိုက်တွန်းထားသည်။

လက်ရှိ NCA တွင် တိုင်းရင်း သားလက်နက်ကိုင်အဖွဲ့နှစ်ဖွဲ့ ပါဝင်လာ၍ လက်မှတ်ထိုးအဖွဲ့ ၁၀ ဖွဲ့ရှိလာရာ ၎င်းတို့မှာ KNU, RCSS, PNLO, NMSP, CNF, ALP, ABSDF, DKBA, LDU, KNLA-PC တို့ဖြစ်သည်။