အမျိုးသားအဆင့်နိုင်ငံရေးဆွေးနွေးပွဲများ ပိုမိုချောမွေ့စွာကျင်းပနိုင်ရေး အလုပ်ရုံဆွေးနွေးပွဲသို့ နယ်လုံဝန်ကြီးများ ပထမဆုံးတက်ရောက်

NCA အရဆောင်ရွက်သည့် ငြိမ်းချမ်းရေးလုပ်ငန်းစဉ်များအား ရှင်းပြသည့် အလုပ်ရုံဆွေးနွေးပွဲကို ဖေဖော်ဝါရီ ၁၄ ရက်တွင် ကျင်းပနေစဉ် (ဓာတ်ပုံ − Hla Maung Shwe / FB)

အမျိုးသားအဆင့်နိုင်ငံ ရေးဆွေးနွေးပွဲများ ပိုမိုချောမွေ့ အဆင်ပြေစွာကျင်းပနိုင်ရေး ရည် ရွယ်ပြုလုပ်သည့် အလုပ်ရုံဆွေး နွေးပွဲသို့ ပြည်နယ်နှင့်တိုင်းဒေသ ကြီးခြောက်ခုမှ လုံခြုံရေးနှင့် နယ် စပ်ရေးရာဝန်ကြီးများ ပထမအ ကြိမ်တက်ရောက်ခဲ့သည်။


အဆိုပါအလုပ်ရုံဆွေးနွေးပွဲ ကို နေပြည်တော်၌ဖေဖော်ဝါရီ ၁၄ ရက်ကပြုလုပ်ရာ အမျိုးသား ပြန်လည်သင့်မြတ်ရေးနှင့် ငြိမ်း ချမ်းရေးဗဟိုဌာန(NRPC)အ တွင်းရေးမှူးဒုတိယ၀န်ကြီးဦးခင် မောင်တင်၊ ဒုတိယဗိုလ်ချုပ်ကြီး ခင်ဇော်ဦး(ငြိမ်း)၊ ပြည်ထောင်စု ငြိမ်းချမ်းရေးဆွေးနွေးမှု ပူးတွဲ ကော်မတီ(UPDJC)အတွင်းရေး မှူးဦးလှမောင်ရွှေနှင့် ပြည်ထောင် စုငြိမ်းချမ်းရေး ဖော်ဆောင်ရေး ဦးစီးဌာန ညွှန်ကြားရေးမှူးချုပ် ဦး ဇော်ဌေးတို့က ငြိမ်းချမ်းရေးလုပ် ငန်းစဉ်ဆိုင်ရာများရှင်းပြခဲ့သည်။

‘‘တိုင်းဒေသကြီးနဲ့ ပြည်နယ် ခြောက်ခုမှာ လူမျိုးအလိုက်နဲ့ ဒေ သအလိုက်စုစုပေါင်းအမျိုးသား အဆင့် နိုင်ငံရေးဆွေးနွေးပွဲကို ခြောက်ကြိမ် ပြုလုပ်နိုင်ခဲ့ပါပြီ။ အခု မွန်ပြည်သစ်ပါတီကလက် မှတ်ရေးထိုးထားပြီးပြီ။ ဒါကြောင့် မို့လို့ နောင်မှာအမျိုးသားအဆင့် နိုင်ငံရေးဆွေးနွေးပွဲတွေ ဆွေးနွေး ဖို့ လိုအပ်လာရင်ပိုပြီးတော့ ချော မွေ့ဖို့ပေါ့’’ ဟု ဦးလှမောင်ရွှေက ဆိုသည်။

အလုပ်ရုံဆွေးနွေးပွဲသို့ နယ် လုံဝန်ကြီးများအပြင် တိုင်းနှင့် ပြည်နယ်ခြောက်ခုရှိ အထွေထွေ အုပ်ချုပ်ရေးဦးစီးဌာန တာဝန်ရှိ သူများ၊ တိုင်းရင်းသားရေးရာ ၀န်ကြီးများ၊ အမျိုးသားအဆင့် နိုင်ငံရေးဆွေးနွေးပွဲကြီးကြပ်မှု ကော်မတီများမှ တိုင်းဒေသကြီး၊ ပြည်နယ်ဝန်ကြီးများနှင့်တာဝန်ရှိ သူများ၊ ပြည်သူ့လွှတ်တော်နှင့် အမျိုးသားလွှတ်တော်ကိုယ်စား လှယ်များ စုစုပေါင်း ၆၀ ကျော် တက်ရောက်ခဲ့သည်။

‘‘အရင်တုန်းကလည်း အ လုပ်ရုံဆွေးနွေးပွဲတွေလုပ်သေး တယ်။ အရင်တုန်းက လုပ်တာက ဒီလောက်ကျယ်ကျယ်ပြန့်ပြန့် မလုပ်နိုင်တာပါ။ အခုလုပ်တဲ့ဟာ ကျတော့ နယ်လုံဝန်ကြီးတွေရော၊ တိုင်းအထွေထွေအုပ်ချုပ်ရေးဦး စီးဌာနက တာဝန်ရှိသူတွေရော၊ တာဝန်ပေးထားတဲ့လွှတ်တော် ကိုယ်စားလှယ်တွေရောပေါ့’’ ဟု ဦးလှမောင်ရွှေက ပြောသည်။

အလုပ်ရုံဆွေးနွေးပွဲတက် ရောက်ခဲ့သည့် နယ်လုံဝန်ကြီးများ မှာ အမျိုးသားအဆင့်နိုင်ငံရေး ဆွေးနွေးပွဲများ ကျင်းပပြီးစီးခဲ့ သည့် တိုင်းနှင့်ပြည်နယ်များမှ ဖြစ်ကြောင်း ၎င်းကပြောသည်။

အမျိုးသားအဆင့်နိုင်ငံရေး ဆွေးနွေးပွဲများကို လူမျိုးအလိုက်၊ ဒေသအလိုက်နှင့် အကြောင်းအ ရာအလိုက်(အရပ်ဘက်အဖွဲ့အ စည်းများဖိုရမ်)ဟူ၍ သုံးမျိုး ကျင်းပရာလူမျိုးအလိုက်ကိုကရင် ပြည်နယ်ဘားအံ၊ ရှမ်းပြည်နယ် ပအိုဝ်းဒေသဟိုပုံးနှင့် ချင်းပြည် နယ်ထန်တလန်တို့တွင် ကျင်းပ ခဲ့သည်။ ဒေသအလိုက်ကို ပဲခူး တိုင်း၊ တနင်္သာရီတိုင်းနှင့် ရှမ်း ပြည်နယ်တို့တွင် ကျင်းပခဲ့ကာ အရပ်ဘက်အဖွဲ့အစည်းများဖိုရမ် ကို နေပြည်တော်၌နှစ်ကြိမ်ကျင်းပ ခဲ့သည်။

အစိုးရက ယခုကဲ့သို့အလုပ် ရုံဆွေးနွေးပွဲများပြုလုပ်ပြီး သက် ဆိုင်ရာတိုင်းဒေသကြီးနှင့် ပြည် နယ်တို့မှ ဒေသဆိုင်ရာတာဝန်ရှိ သူများအား စနစ်တကျရှင်းပြနိုင် မည်ဆိုပါက ကောင်းမွန်ကြောင်း ရှမ်းတိုင်းရင်းသားများဒီမိုကရေစီ  အဖွဲ့ချုပ်(SNLD)ပြောရေးဆိုခွင့် ရှိသူ စိုင်းကျော်ညွန့်ကပြောသည်။