ပြည်သူ့ဘဏ္ဍာအလွဲသုံးစားမှု အထောက်အထားဖြင့် နိုင်ငံတော်အကြီးအကဲများထံ တိုင်ကြားရန် လွှတ်တော်ကိုယ်စားလှယ်များကို ဦးဝင်းမြင့် တိုက်တွန်း

ပြည်သူ့လွှတ်တော်ဥက္ကဋ္ဌ ဦးဝင်းမြင့် (ဓာတ်ပုံ − ထက်အာကာကျော်)

ပြည်သူ့ဘဏ္ဍာအပေါ် အလွဲသုံးစားမှုများနှင့်ပတ်သက် ၍ လွှတ်တော်ကိုယ်စားလှယ်များသည် လွှတ်တော်၌ ဆွေးနွေးနေရုံဖြင့် မပြီးဆုံးစေဘဲ အချက်အလက်အထောက်အထား ဖြင့် နိုင်ငံတော်အကြီး အကဲများထံ တိုင်ကြားရန် ပြည်သူ့လွှတ်တော်ဥက္ကဋ္ဌ ဦးဝင်းမြင့်က တိုက် တွန်းပြောကြားလိုက်သည်။

ယမန်နေ့ကကျင်းပသော ပြည်သူ့လွှတ်တော်အစည်းအဝေး၌ တင်ဒါနှင့်ပတ်သက်သည့် ဒေါ်နန်းခမ်းအေး၏အဆိုကို လွှတ်တော်က မှတ်တမ်းတင်ပြီးနောက် ဦးဝင်းမြင့်က လွှတ်တော်အမတ်များ၏ဆွေးနွေး ချက်များသည် တိုင်းပြည်အပေါ် စေတနာထားသည်ကိုတွေ့ရသော်လည်းမိမိမဲဆန္ဒနယ်ရှိ ပြည်သူ့ဘဏ္ဍာအလွဲသုံးစားမှုများကို အချက်အလက် အတိအကျဖြင့်တိုင်ကြား၍ ထိရောက်သည့်လုပ်ငန်းများကို ဆောင်ရွက်စေလိုကြောင်း တိုက်တွန်းသည်။

‘‘အဆိုလေးပေါ်လာမှ ဆွေး နွေးကြတယ်။ ပြီးရင် အခုလိုပဲ မှတ်တမ်းတင်တယ်၊ မှတ်တမ်းတင်စောင့်ကြည့်တယ်နဲ့ ပြီးနေမယ့်အစားထိ ရောက်တဲ့အလုပ်တစ်ခုကို လုပ်စေချင်တယ်။ လုပ်ပြလိုက်စေချင်တယ်။ ဘယ်သူတွေပါသွားသွား။ ပြည်သူ့ဘဏ္ဍာကို အလွဲသုံးစားလုပ်တာ။ အဂတိလုပ်တဲ့သူတွေဘယ်သူပါသွားသွား။ လုပ်ပြလိုက်စေချင်တယ်’’ ဟု ပြည်သူ့လွှတ်တော်ဥက္ကဋ္ဌ ဦးဝင်းမြင့်က လွှတ်တော်သို့ ပြောသည်။

လွှတ်တော်ကိုယ်စားလှယ် များ၏ဥက္ကဋ္ဌထံ ပေးပို့တိုင်ကြား စာများကို သေချာလေ့လာစိစစ်၍ သက်ဆိုင်ရာပြည်ထောင်စုအစိုးရ အဆင့် ပုဂ္ဂိုလ်၊ ဝန်ကြီးဌာန၊ အဂ တိလိုက်စားမှုတိုက်ဖျက်ရေး ကော်မရှင် စသည့်သက်ဆိုင်ရာ ဌာနအကြီးအကဲများထံ ထပ်ဆင့် ပေးပို့ကြောင်း ဦးဝင်းမြင့်က ဆက် လက်ပြောကြားသည်။

‘‘ကိုယ့်ဒေသမှာ တစ်ခုချင်း ဖြစ်ပျက်နေတာကို ကျွန်တော်အ မြဲပြောတယ်။ စာရွက်စာတမ်း အထောက်အထား၊ ဓာတ်ပုံအ ထောက်အထား၊ စာရင်းဇယားအ ထောက်အထား၊ အချက်အလက် အထောက်အထားနဲ့ ပြည်သူ့ ဘဏ္ဍာအပေါ်မှာ အလွဲသုံးစား လုပ်တယ်ဆိုရင် နိုင်ငံတော်အကြီး အကဲတွေဆီတိုင်ပါ။ တကယ်လို့ အဂတိနဲ့ ငြိစွန်းတယ်ဆိုလည်း အဂတိလိုက်စားမှုတိုက်ဖျက်ရေး ကော်မရှင်ကို တိုင်ပါ။ တိတိကျကျတိုင်ပါ’’ ဟု ၎င်းက တိုက်တွန်း သည်။  ယမန်နေ့က တင်ဒါနှင့်ပတ် သက်သည့်အဆိုတွင် ပါဝင်ဆွေး နွေးသော သံဖြူဇရပ်လွှတ်တော် ကိုယ်စားလှယ် ဦးဉာဏ်ဟိန်းက ၎င်း၏မဲဆန္ဒနယ်၌ စည်ပင်သာ ယာက တာဝန်ယူတည်ဆောက် သည့်စီမံကိန်းတစ်ခုတွင် သက်ဆိုင်ရာက ပြင်ပပေါက်ဈေးထက် အနည်းဆုံးတစ်ဆ ဈေးပိုတင်ထား သည့်အချက်နှင့်ပတ်သက်၍ ပြည်နယ် ဝန်ကြီးချုပ်နှင့် လွှတ်တော် ဥက္ကဋ္ဌ ဦးဝင်းမြင့်ထံ တိုင်စာပေးပို့ထားကြောင်း လွှတ်တော်၌ ပြောသည်။

အစိုးရဌာနများက တင်ဒါ မခေါ်ဘဲ လုပ်ကိုင်ဆောင်ရွက်နေ ခြင်း၊ ညွှန်ကြားချက်များ၊ လုပ်ငန်းလမ်းညွှန်ချက်များနှင့် ကွဲလွဲစွာ လုပ်ကိုင်နေခြင်းနှင့် တင်ဒါပေး ရာတွင် ဒေသနှင့်ကိုက်ညီပြီး ပြီး ပြည့်စုံသည့် အချက်များကို တင်ဒါ ဆွဲမည့် ကုမ္ပဏီများ ထည့်သွင်း ရေးဆွဲစေခြင်းဖြင့် မျှတစွာ ယှဉ် ပြိုင်ပေးရန်အဆိုကို ပြည်သူ့လွှတ် တော်က မှတ်တမ်းတင်ခဲ့သည်။

အဆိုကို နမ္မတူမြို့နယ် ပြည် သူ့လွှတ်တော် ကိုယ်စားလှယ် ဒေါ်နန်းခမ်းအေးက တင်သွင်းပြီး လွှတ်တော်ကိုယ်စားလှယ် ၁၁ ဦးက ပါဝင်ဆွေးနွေးပြီးနောက် လွှတ်တော်က မဲခွဲဆုံးဖြတ်ရာ ထောက်ခံမဲ ၁၀၁၊ ကန့်ကွက်မဲ ၂၅၄၊ ကြားနေရှစ်မဲဖြင့် အဆိုရှုံးနိမ့်ကာ အတည်မဖြစ်ဘဲ မှတ်တမ်းတင်ခဲ့သည်။

အထက်ပါအဆိုသည် အုပ် ချုပ်ရေးအာဏာကို အပြုသဘော ဆောင်၍ ထိန်းကျောင်းသည့်အ ဆိုဖြစ်ပြီး ဆောက်လုပ်ရေးဒုဝန် ကြီး ဦးကျော်လင်း၏ပြန်လည်ဖြေ ဆိုမှုတွင် ကျပ် ၁၀ သန်းအထက် တင်ဒါခေါ်ယူမှုအကြောင်းမပါဝင် ကြောင်းနှင့် ကျပ် ၁၀ သန်းနှင့်ပတ်သက်၍ တင်ဒါမခေါ်ဘဲ ဆောက် လုပ်ရေးဝန်ကြီးဌာန ကိုယ်တိုင် ဆောင်ရွက်နေသည့် အချက်အ လက်များစွာရှိကြောင်း အဆိုတင် သွင်းသူ ဒေါ်နန်းခမ်းအေးက ပြော သည်။

ဆက်လက်၍ ပြည်သူ့လွှတ် တော်ဥက္ကဋ္ဌက ဆောက်လုပ်ရေး ဝန်ကြီးဌာနကို နိုင်ငံတော်သမ္မတ ရုံးညွှန်ကြားချက်အမှတ် ၁/၂၀၁၇ တင်ဒါစည်းမျဉ်းစည်းကမ်းကို တိကျစွာနှင့် မှန်ကန်စွာ လေးစား လိုက်နာရန် တိုက်တွန်းပြောကြား သည်။

 ‘‘နိုင်ငံတော်သမ္မတရုံးရဲ့ ညွှန်ကြားချက်၊ စည်းမျဉ်းစည်း ကမ်းကို မလိုက်နာလို့ ကိုယ်စား လှယ်တွေ ဆွေးနွေးနေတာ။ မလိုက်နာတာတွေ အောက်ခြေ မှာ တွေ့ရှိနေလို့ ဆွေးနွေးနေတာ။ မလိုက်နာတာသိလို့လည်း နိုင်ငံ တော် သမ္မတရုံးက နောက်ထပ် နှစ်ကြိမ်လောက် ထပ်ပြီး ညွှန် ကြားနေရတာ’’ဟု ဦးဝင်းမြင့်က ပြောသည်။