ဖမ်းဆီးခံရိုက်တာသတင်းထောက်နှစ်ဦးကို PEN America က ဆုချီးမြှင့်

ရိုက်တာသတင်းထောက်နှစ်ဦးကို ရုံးထုတ်လာစဉ် (ဓာတ်ပုံ − နစ်ကီ)

ဖမ်းဆီးခံ ရိုက်တာသတင်းထောက်နှစ်ဦးကို အမေရိကန်ပြည်ထောင်စု အခြေစိုက် သတင်းလွတ်လပ်ခွင့်ဆောင်ရွက် နေသော PEN America အဖွဲ့က ၂၀၁၈ ခုနှစ် PEN/Barbey Free-dom to Wirte (လွတ်လပ်စွာရေးသားခွင့်) ဆုချီးမြှင့်သည်။

အဆိုပါဆုသည် လွတ်လပ် စွာ ထုတ်ဖော်ပြောဆိုခွင့် တားမြစ်ခံရသော ဖမ်းဆီးခံသတင်း ထောက်များကို နှစ်စဉ်ပေးလေ့ရှိ ပြီး ၂၀၁၈ မေလ ၂၂ ရက်တွင် နယူးယောက်မြို့ရှိ အမေရိကန်သဘာဝသမိုင်းပြတိုက်တွင် ကျင်းပမည့်အခမ်းအနား၌ ဆုပေးအပ်မည် ဖြစ်သည်။


ဖမ်းဆီးခံ သတင်းထောက် များဖြစ်သည့် ကိုဝလုံးနှင့် ကိုကျော်စိုးဦး (ခ) ကိုမိုးအောင်ကို ဆုချီးမြှင့်ခြင်းအားဖြင့် မြန်မာနိုင်ငံ၏ သတင်းလွတ်လပ်ခွင့်အခြေအနေ ပိုမိုဆိုးရွားလာသည်ကို မီးမောင်းထိုးပြရာရောက်ကြောင်း PEN America အဖွဲ့ အမှုဆောင်ဒါရိုက်တာ Mrs. Suzanne Nossel က ဗီအိုအေ(မြန်မာပိုင်း) သတင်းဌာနအား ပြောသည်။

 ‘‘သတင်းထောက်တွေကို ဖမ်းဆီးတဲ့အတွက် အစိုးရဟာ အခြေအနေတွေကို နှုတ်ပိတ်စေ ချင်ပြီး အချက်အလက်တွေကို ဖုံး ကွယ်ဖို့ ကြိုးစားနေတယ်လို့မြင်ရ ပါတယ်။ သူတို့ကို အခုလိုဆုပေးခြင်းအားဖြင့် PEN America အနေနဲ့ အမှန်တရားဘက်က ရပ်တည်ပြီး အမှန်တရား ဖော်ထုတ်သူတွေကို အကာအကွယ်ပေးနိုင်မယ်လို့ မျှော်လင့်ပါတယ်’’ဟု Mrs. Suzanne Nossel က ပြောသည်။

မြန်မာနိုင်ငံဆိုင်ရာ အမေရိ ကန်သံရုံးက ‘မြန်မာနိုင်ငံ၌ ဖမ်းဆီး ခံထားရသော ရိုက်တာသတင်း ထောက်များကို ဂုဏ်သိက္ခာကြီး မားသည့် ဆုတစ်ခု ဂုဏ်ပြုချီးမြှင့် မည့်အကြောင်း PEN America က ကြေညာသည့်အတွက် မိမိတို့ အားတက်မိပါသည်။ ယင်းဆုကို ဖမ်းဆီးခံရသည့် သတင်းထောက်များအတွက် နှစ်စဉ်ပေးအပ်ခြင်းဖြစ်သည်။ သတင်းလွတ်လပ်ခွင့်ဆိုသည်မှာ ကျန်းမာကြံ့ခိုင်သော ဒီမိုကရေစီစနစ်အတွက် လွန်စွာ အရေးပါလှပါသည်’ဟု ဖေဖော်ဝါရီ ၁၄ ရက်တွင် ထုတ်ပြန်သည်။

ယမန်နေ့ကလည်း ဖမ်းဆီးခံ ရိုက်တာသတင်းထောက်နှစ်ဦး ခြောက်ကြိမ်မြောက် ရုံးထုတ်ရာ တွင် ၎င်းတို့နှစ်ဦးကို အမှုစစ်ဆေး သော ဒုရဲအုပ်မျိုးကိုကိုအား စစ် ဆေးရာ ရဲလက်စွဲဥပဒေကို မသိ ကြောင်း ထွက်ဆိုခဲ့သည်။

‘‘ဒီနေ့ကတော့ အမှုစစ်ကို စစ်တယ်။ အကြမ်းဖျင်းကတော့ အမှုစစ်တဲ့အချိန်မှာ ရဲလက်စွဲ ဥပဒေနဲ့ ညီလား၊ မညီလား ကျွန် တော် မေးတဲ့အချိန်မှာ မသိဘူးဆို တာ ဖြေသွားတယ်။ အဲဒီတော့ ဖမ်းဆီးတဲ့ ရဲတပ်ဖွဲ့ဝင်တွေက ရဲ ဥပဒေတွေ၊ ရဲလက်စွဲဥပဒေတွေနဲ့ မညီဘူးဆိုတာ ပေါ်တယ်။ ညီ၊ မညီ ဆိုတာ သူတို့မပြောနိုင်ဘူး ပေါ့။ နောက်တစ်ခုက ဒီရဲနေ့စဉ်မှတ်တမ်းတွေ တရားရုံးကို တင်ပြဖို့ လျှောက်ထားတယ်။ အဲဒါလည်း မအောင်မြင်ခဲ့ပါဘူး’’ဟု စွပ်စွဲခံရ သူများဘက်က လိုက်ပါဆောင် ရွက်သည့် တရားလွှတ်တော်ရှေ့ နေ ဦးသန်းဇော်အောင်က ပြော သည်။

ဒုရဲအုပ်မျိုးကိုသည် ရိုက်တာသတင်းထောက်နှစ်ဦးကို ဖမ်း ဆီးရာတွင် ပါဝင်သည်ဟု တရား ရုံးတွင် ထွက်ဆိုသော်လည်း ဖမ်းဆီးခံ ရိုက်တာသတင်းထောက် ကိုကျော်စိုးဦးက ‘‘ဒီနေ့ အမှုစစ်တဲ့ ရဲက ဖမ်းဆီးတဲ့ထဲမှာ မပါပါဘူး။ ဘာကြောင့် သူပါတယ်လို့ ပြော သွားတာ နားမလည်ဘူး’’ ဟု သတင်းထောက်များအား တရား ရုံးမှ အထွက်တွင် အော်ပြော သည်။

‘‘ကျွန်တော်တို့ သတင်းသ မားတစ်ယောက်အနေနဲ့ လုပ်ခဲ့တဲ့ အခါမှာ အပြည့်အဝ ယုံကြည် တယ်။ သတင်းသမားကျင့်ဝတ် ကိုလည်း ဖောက်ဖျက်ခဲ့တာ မရှိ ဘူး။ ပြီးခဲ့တဲ့ သတင်းတွေအပေါ် မှာလည်း သတင်းသမားကျင့်ဝတ် နဲ့အညီ လုပ်ခဲ့တယ်လို့ ပြောချင်ပါ တယ်။ ဒီသတင်းနဲ့ပတ်သက်ပြီး တော့လည်း နိုင်ငံတော်အနေနဲ့ တရားဥပဒေစိုးမိုးရေးကို အ ထောက်အကူ ဖြစ်စေချင်ပါ တယ်’’ဟု ဖမ်းဆီးခံသတင်း ထောက် ကိုဝလုံးက တရားရုံးမှ ပြန်အထွက်တွင် ပြောသည်။

 ရိုက်တာသတင်းထောက် နှစ်ဦးကို ဖေဖော်ဝါရီ ၂၁ ရက်တွင်ရုံးချိန်းထပ်မံချိန်းဆိုထားသည်။

ရခိုင်ပြည်နယ်တွင် လုံခြုံရေးတာဝန် ထမ်းဆောင်ပြီးနောက် ရန်ကုန်မြို့သို့ ပြန်လည်ရောက်ရှိ လာသည့် ရဲတပ်ဖွဲ့ဝင်များကို ချဉ်း ကပ်စည်းရုံးဆက်သွယ်ပြီး အရေး ကြီး လုံခြုံရေးစာရွက်စာတမ်း အ ထောက်အထားများကို ပြည်ပ သတင်းဌာနများသို့ ပေးပို့ရန် ရည် ရွယ်ချက်ဖြင့် တရားမဝင်သတင်း ရယူ ဆောင်ရွက်ခဲ့သည်ဆိုကာ ရိုက်တာသတင်းဌာနမှ မြန်မာ သတင်းထောက် နှစ်ဦးဖြစ်သည့် ကိုဝလုံးနှင့် ကိုကျော်စိုးဦးတို့ကို မြန်မာနိုင်ငံ အစိုးရလျှို့ဝှက်ချက် များအက်ဥပဒေပုဒ်မ ၃ ဖြင့် ဒီဇင်ဘာ ၁၂ ရက်ညကဖမ်းဆီးခဲ့သည်။