ပြည်တက္ကသိုလ်ကျောင်းသားသမဂ္ဂ ရွေးကောက်ပွဲ ခက်ခဲကြန့်ကြာနေမှုများကို ရှင်းလင်း

ပြည်တက္ကသိုလ်ကျောင်းသားသမဂ္ဂတာဝန်ရှိသူများ ရှင်းလင်းပြောကြားနေစဉ် (ဓာတ်ပုံ − ဇော်မင်းထိုက်)

 ပြည်တက္ကသိုလ်ကျောင်း သားသမဂ္ဂ ရွေးကောက်ပွဲ ကျင်း ပရန် ကြန့်ကြာနေခြင်းနှင့်ပတ် သက်၍ ဖေဖော်ဝါရီ ၁၅ ရက် နံနက်က ယင်းတက္ကသိုလ်ရှေ့တွင် အဆိုပါသမဂ္ဂမှ တာဝန်ရှိသူများက ရှင်းလင်းခဲ့သည်။

ပြည်တက္ကသိုလ်သမဂ္ဂရွေး ကောက်ပွဲကျင်းပနိုင်ရန် လွန်ခဲ့ သောသုံးလခန့်က စတင်ကာကြိုးပမ်းခဲ့သော်လည်း ယနေ့အထိ ကျင်းပနိုင်ခြင်းမရှိခြင်း၊ ကျောင်းသားသမဂ္ဂရွေးကောက်ပွဲလုပ်ငန်းစဉ်များကို ဌာနမှူးများ၊ ဆရာ၊ ဆရာမများနှင့် ဖွဲ့စည်း ထာသော ရွေးကောက်ပွဲကော်မတီအဖွဲ့နှင့် ညှိနှိုင်းဆွေးနွေးရာတွင် အခက်အခဲများရှိနေသည်ဟု ကျောင်းသားသမဂ္ဂက ပြောကြားသည်။

ပြည်တက္ကသိုလ် ကျောင်း သားသမဂ္ဂရွေးကောက်ပွဲပြုလုပ် ရာတွင် ဆန္ဒမဲပေးမည့်သူများကို မှတ်ပုံတင်ရန်၊ ကျောင်းပိတ်ရက် ၌ပြုလုပ်ရန်၊ ကျောင်းဖွင့်ရက် လုပ်မည်ဆိုပါက ကျောင်းဆင်း ချိန် ပြုလုပ်ရန် သတ်မှတ်ခဲ့သဖြင့်အခက်အခဲများ ရှိနေကြောင်း သမဂ္ဂအတွင်းရေးမှုး ကိုခန့်လွင်ထူးကပြောသည်။

‘‘သမဂ္ဂ ရွေးကောက်ပွဲကို ကျောင်းသားထု တစ်ရပ်လုံး ပါ ၀င်ရမှာပါ။ အခုလုပ်မယ့် ရွေးကောက်ပွဲပုံစံက ရှေ့မှာလုပ် သွားတဲ့တက္ကသိုလ်အသီးသီးရဲ့ သမဂ္ဂရွေးကောက်ပွဲတွေရဲ့ ပုံစံနဲ့ မကိုက်ညီဘူး။ သမဂ္ဂအစဉ်အ လာမှာလည်းမရှိပါဘူး။ ဒီမိုကရေ စီ စံချိန်စံညွှန်းနဲ့အညီ လုပ်နိုင်ဖို့ ကို လက်မခံဘဲ နှောင့်နှေးကြန့် ကြာအောင် ဆောင်ရွက်နေတာတွေကြောင့် ရှင်းလင်းရခြင်းဖြစ်ပါတယ်’’ ဟု ပြည်တက္ကသိုလ် ကျောင်းသားသမဂ္ဂ ဥက္ကဋ္ဌကိုမြတ်မင်းထက် ကပြောသည်။

ထို့ကြောင့် ရွေးကောက်ပွဲ ကျင်းပရန် အခက်အခဲရှိနေ၍ နိုင်ငံတော် အတိုင်ပင်ခံရုံးနှင့်ပညာရေးဝန်ကြီးဌာန ပြည်ထောင်စုဝန်ကြီးထံ အသိပေးတင်ပြမည်ဟု ကျောင်းသားများကဆိုသည်။

ရွေးကောက်ပွဲအတွက် ညှိ နှိုင်းဆွေးနွေးရန် ကျောင်းသားသ မဂ္ဂက ရွေးချယ်သည့်ဆရာ သုံး ဦးနှင့် ပါမောက္ခချုပ်က ရွေးချယ် သည့် ဌာနမှူး ခြောက်ဦး၊ စုစု ပေါင်း ကိုးဦးပါဝင်သည့် သမဂ္ဂ ရွေးကောက်ပွဲကော်မတီကို ဖွဲ့ စည်းထားကြောင်း ပြည်တက္က သိုလ် ဒုတိယပါမောက္ခချုပ်ဒေါက်တာညွန့်စိုးကပြောသည်။

‘‘သူတို့တွေ ညှိနှိုင်းဆွေးနွေးနေကြတယ်။ ပထမတစ်ရက်က အဆင်ပြေတယ်ကြားတယ်။ ဒုတိ ယရက်မှာတော့ အဆင်မပြေတာ လေးတွေ ရှိနေတယ် ကြားပါ တယ်။ ဆက်လက် ညှိနှိုင်းဆွေး နွေးကြဦးမှာပါ’’ ဟု ၎င်းကဆို သည်။

ပြည်တက္ကသိုလ် ကျောင်း သားသမဂ္ဂကို ၂၀၁၅ ဖေဖော်ဝါရီ တွင် စတင်ဖွဲ့စည်းခဲ့ပြီး ဥက္ကဋ္ဌ၊ အတွင်းအရေးမှူး အပါအ၀င်အ လုပ်အမှုဆောင် ၁၀ ဦးနှင့် အဖွဲ့ ၀င် ၅၀ ကျော်ရှိသည်။ ယခင်က သမဂ္ဂကို အဖွဲ့ဝင်များနှင့်သာ ရွေးချယ်ခဲ့သော်လည်း ယခုနှစ် တွင် ပထမဆုံးအကြိမ် ကျောင်း သားထုတစ်ရပ်လုံး ပါဝင်သည့် ရွေးကောက်ပွဲပြုလုပ်ရန် ဆောင် ရွက်ခြင်းဖြစ်သည်။ ပြည်တက္က သိုလ်တွင် ဆန္ဒမဲပေးနိုင်သည့် ကျောင်းသား၊ကျောင်းသူ ၆,၅၀၀ ခန့်ရှိသည်။

‘‘ကျောင်းသားသမဂ္ဂဆိုတာ ကျောင်းသားကျောင်းသူတွေရဲ့ အခက်ခဲအတွေ၊ ဖွံ့ဖြိုးတိုးတက် ရေးတွေမှာ အမှန်တရားဘက်က ရပ်တည်၊ ဦးဆောင်ကြိုးပမ်း ဆောင်ရွက်ပေးမယ့်အဖွဲ့အစည်း  ဖြစ်တာကြောင့် ကျောင်းသားထု ရဲ့ဆန္ဒနဲ့အညီ ရွေးချယ်နိုင်ဖို့ ရွေး ကောက်ပွဲ လုပ်သင့်တယ်’’ ဟု ပြည်တက္ကသိုလ် သချာင်္အထူးပြု ကျောင်းသားတစ်ဦးက ပြော သည်။

Top News