တောင်ကြီးမြို့မဈေးရှိ ဒေသထွက်အစားအစာ အချို့ကို FDA ရှောင်တခင်စစ်ဆေး

FDA တာဝန်ရှိသူများ တောင်ကြီးမြို့မဈေးကြီးသို့ လှည့်လည်စစ်ဆေးနေစဉ် (ဓာတ်ပုံ − ဂျွန်ချစ်ငြိမ်း)

 တောင်ကြီးမြို့မ ဈေးကြီးတွင် ရောင်းချနေသည့် ဒေသထွက် မုန်ညင်းချဉ်၊ ဆီတို ဟူး၊ နို့ပြားခြောက်တို့ကို ရှမ်း ပြည်နယ် အစားအသောက်နှင့် ဆေးဝါးကြီးကြပ်ကွပ်ကဲရေး ဦးစီး ဌာန (FDA)က ရွေ့လျားဓာတ်ခွဲ ယာဉ်ဖြင့် ဖေဖော်ဝါရီ ၁၅ ရက် ၌ ရှောင်တခင် စစ်ဆေးခဲ့သည်။

ရှမ်းပြည်နယ် FDA၊ ရှမ်း ပြည်နယ် စားသုံးသူရေးရာဦးစီး ဌာနနှင့် တောင်ကြီးမြို့နယ်စည် ပင်သာယာရေးဌာနမှ ပူးပေါင်း အဖွဲ့ဝင်များက မုန်ညင်းချဉ်၊ ဆီတိုဟူး၊ နို့ပြားခြောက်ရောင်းချ သည့် ဈေးဆိုင်များတွင် နမူနာ ဝယ်ယူ၍ ချက်ချင်း စစ်ဆေးခဲ့ ကြောင်း ရှမ်းပြည်နယ် FDA ဒုကြီးကြပ်ရေးမှူး ဦးစည်သူစိုးက ပြောသည်။

‘‘အများပြည်သူတွေ စစ်မှန် တဲ့ အစားအသောက်တွေကို စားသုံးနိုင်စေဖို့ ရည်ရွယ်ပြီးတော့ ဈေးကွက်ထောက်လှမ်း စောင့် ကြည့်ခြင်းလုပ်ငန်းကို ဆောင် ရွက်ရခြင်းဖြစ်ပါတယ်’’ဟု ဦးစည် သူစိုးက ပြောသည်။

တောင်ကြီး မြို့မဈေးရှိ အထက်ပါ ဈေးဆိုင်များအပြင် အခြားသံသယဖြစ်ဖွယ် အစားအစာများ ရောင်းချသည့်ဈေးဆိုင်နှင့် ပျံကျဈေးဆိုင် ၂၀ ခန့်ကို ဈေးကွက်နမူနာ ဝယ်ယူ၍ စစ်ဆေးခဲ့ကြောင်း ဦးစည်သူစိုးက ပြောသည်။

ရွေ့လျားဓာတ်ခွဲယာဉ်ဖြင့် လတ်တလော စစ်ဆေးချက်များ အရ သံသယဖြစ်ဖွယ် ဆိုးဆေး၊ ဓာတုဆေးဝါးများ သုံးစွဲထားသည့် စားသောက်ကုန်ပစ္စည်းများ မတွေ့ရှိရဟု ရွေ့လျားဓာတ်ခွဲစစ်ဆေးရေးအဖွဲ့ တာဝန်ရှိသူ တစ်ဦးက ပြောသည်။

တောင်ကြီး မြို့မဈေးတွင် ဈေးကွက်စုံစမ်းထောက် လှမ်း စစ်ဆေးခြင်းသည် FDA က ဒုတိယအကြိမ်စစ်ဆေးခြင်းဖြစ်သည်။

တောင်ကြီးခရိုင်မြို့ ခုနစ်မြို့ရှိ ဈေးရှစ်ဈေးတွင် ဈေးကွက်စုံစမ်းထောက်လှမ်း စစ်ဆေးခြင်း ဆက်လက်ဆောင်ရွက်မည်ဟု ဦးစည်သူစိုးက ပြောသည်။