ခန္တီးရတနာမြေရှိ ရေမဆေးကျောက်လုပ်သားများကို ကျောက်ရှာလုပ်ကွက် တစ်ဧက ကျပ်ငါးသိန်းဖြင့် ရောင်းချမည်

ရေမဆေးကျောက်ရှာ လုပ်သားများအတွက် ခန္တီးရတနာ မြေရှိ တစ်ဧက ကျယ်ဝန်းသော ကျောက်ရှာလုပ်ကွက်များကို ကြမ်းခင်းဈေး ကျပ်ငါးသိန်းဖြင့် ရောင်းချပေးမည်ဟု ခန္တီးပဋိပက္ခဖြေရှင်း ရေးကော်မတီဥက္ကဋ္ဌ စစ်ကိုင်း တိုင်းစည်ပင်သာယာရေးဝန်ကြီး ဦးမြင့်ကြည်က ပြောသည်။

ခန္တီး ရတနာမြေအတွင်း ကုမ္ပဏီနှင့် ရေမဆေးလုပ်သား များအကြား ပဋိပက္ခဖြစ်ပွားပြီး လူသေဆုံးရှိခဲ့၍ ယင်းကဲ့သို့ ထပ်မံမဖြစ်စေရေး တိုင်းအစိုးရက သီးခြားလုပ်ကွက်များ ချပေးရန် စီစဉ်နေသည်။

‘‘လုပ်ကွက်တစ်ကွက်ကို ငါးသိန်းတည်းနဲ့ ဝယ်လို့ရပါမယ်။ ပြည်သူတွေ တတ်နိုင်တဲ့ဈေးနှုန်း သတ်မှတ်ပေးထားတာပါ။ လုပ် ကွက်နေရာအနေအထားအပေါ် မူတည်ပြီး ဈေးအတိုး၊ အလျော့ တော့ရှိသွားမှာပေါ့’’ဟု ဦးမြင့် ကြည်က ပြောသည်။

ခန္တီးရတနာမြေအတွင်း ရေ မဆေးကျောက်ရှာလုပ်သားများ အတွက် လုပ်ကွက် ၃,၀၀၀ ခန့် လျာထားပြီး မိသားစုတစ်စုလျှင် လုပ်ကွက်တစ်ကွက်စီ လျှောက်ထားနိုင်မည်ဖြစ်ကာ လျှောက်လွှာများကို မကြာမီ ရောင်းချမည် ဖြစ်သည်။

ကျောက်ရှာ လုပ်ကွက် လျှောက်ထား လိုသူများသည် ရပ်ကွက်ထောက်ခံစာ၊

ရဲစခန်းထောက်ခံစာ၊ သန်းခေါင်စာရင်း၊ မှတ်ပုံတင် စသည့်အ ထောက်အထားများဖြင့် လျှောက် ထားနိုင်မည်ဟု ခန္တီးပဋိပက္ခဖြေ ရှင်းရေးကော်မတီမှ သိရသည်။

‘‘တစ်ဧက လုပ်ကွက်ကို ငါး သိန်းဆိုတာ တန်ပါတယ်။ လက် လုပ်လက်စားတွေ ဝယ်နိုင်တဲ့ဈေး နှုန်းပါ’’ဟု ရေးမဆေးလုပ်သား များအား ကူညီပေးနေသူ ကိုအောင်ဆန်းမြင့်က ပြောသည်။

သို့သော် လုပ်ကွက်များ တင်ဒါခေါ်ယူရာတွင် ပွင့်လင်းမြင်သာ မှုရှိရန် လိုအပ်ကြောင်း ကိုအောင် ဆန်းမြင့်က ဆိုသည်။

သီးသန့်လုပ်ကွက်များတွင် ရေမဆေးလုပ်သားများ၏ လုပ် အားဖြင့်သာ ကျောက်မျက်တူး ဖော်ခြင်းများ ဆောင်ရွက်ရမည် ဖြစ်ပြီး ကုမ္ပဏီလုပ်ကွက်ကဲ့သို့ စက်ယန္တရားများဖြင့် တူးဖော်ခွင့် ပေးမည်မဟုတ်ကြောင်း စည်ပင် ဝန်ကြီး ဦးမြင့်ကြည်က ပြော သည်။ လုပ်ကွက်တစ်ကွက်၏ ကျောက်ရှာခွင့်သက်တမ်းသည် တစ်နှစ်ဖြစ်ပြီး တစ်နှစ်ပြည့်၍ ထပ်မံတူးဖော်လိုပါက သက်တမ်း တိုးရမည်ဖြစ်သည်။

လက်ရှိတွင် ခန္တီးရတနာမြေ ရှိ ရေမဆေးလုပ်သားများကို စမတ်ကတ်များ ထုတ်ပေးနေပြီး ယင်းစမတ်ကတ်ကိုင်ဆောင်ထား သူများသည် ကျောက်ရှာဖွေခွင့် နှင့် ရှာဖွေရရှိမည်ဖြစ်သည်။ စမတ်ကတ်ကို ရဲစခန်းထောက်ခံစာ၊ သန်းခေါင်စာရင်း၊ မှတ်ပုံတင်တို့ ဖြင့်လျှောက်ထားနိုင်သည်။

ခန္တီးရတနာမြေအတွင်း လုပ် ကိုင်မည့် ရေမဆေးလုပ်သားများ အတွက် မိသားစုတစ်စုလျှင် ပေ ၄၀ × ၂၀ မြေကွက်များ အခမဲ့ချ ပေးမည်ဖြစ်ပြီး မှတ်ပုံတင်၊ ပုံစံ ၁၀ စာရွက်များဖြင့် လျှောက် ထားနိုင်ကြောင်း ၎င်းက ဆိုသည်။

ခန္တီးမြို့နယ် မကျန်ခ ကျောက်မျက်ရတနာမြေရှိ Myanmar Imperial Jade ကုမ္ပဏီလုပ်ကွက် အတွင်း ရေမဆေးကျောက်ရှာဖွေ သူများ ဝင်ရောက်ရှာဖွေရာမှ ၂၀၁၇ ဇွန်လ ၁၇ ရက်က လုံခြုံ ရေးတပ်ဖွဲ့ဝင်များနှင့် ရုန်းရင်း ဆန်ခတ်ဖြစ်ပွားပြီး လူလေးဦး သေဆုံးကာ ခုနစ်ဦး ဒဏ်ရာရခဲ့ သည်။

ယင်းပဋိပက္ခ နောက်ပိုင်း ဒေသတွင်း လုပ်ကိုင်နေသည့် ကုမ္ပဏီများကို တိုင်းအစိုးရက ယာယီပိတ်သိမ်းပြီး ရေမဆေး လုပ်သားများအား ကျောက်ရှာခွင့် မပေးတော့သဖြင့် လုပ်သားများ အလုပ်လက်မဲ့ဖြစ်ခဲ့သည်။ သို့ သော် လုပ်ကွက်များ ချပေးပြီးပါ က ရေမဆေးလုပ်သားများ ကျောက်ရှာခွင့် ပြန်လည်ရရှိမည် ဖြစ်သည်။

ခန္တီးရတနာမြေအတွင်း လာ ရောက်လုပ်ကိုင်နေသည့် ရေ မဆေးလုပ်သား ၂၀,၀၀၀ ကျော် ခန့်ရှိကြောင်း ရေမဆေးလုပ်သား အရေး ကူညီနေသူများက ပြော သည်။

More in News Section

Top News