လူ့အဖွဲ့အစည်းနှင့် လုံခြုံရေးကို ခြိမ်းခြောက်လာသော လူမှုမီဒီယာ

ဘတ်စ်ကားစောင့်ရင်း မိုဘိုင်းဖုန်း အသုံးပြုနေသူများ Don Arnold/WireImage

ကမ္ဘာ့သမိုင်း၏ လက်ရှိ အခိုက်အ တန့်သည် နာကျင်ဖွယ်ရာဖြစ် သည်။ ပွင့်လင်းသော လူ့အဖွဲ့အ စည်းများ အကျပ်ဆိုက်နေပြီး မာဖီးယားတိုင်းပြည်နှင့် အမျိုးမျိုးအဖုံဖုံ သော အာဏာရှင်ပုံစံနှင့် နိုင်ငံများ ကြီးပွားနေသည်။ ယင်းကို ရုရှား မှ ဗလာဒီမာပူတင်က ပုံကြီးချဲ့ပြ ထားသည်။


အမေရိကန်နိုင်ငံတွင် သမ္မတဒေါ်နယ်ထရန့်က ၎င်း၏ ကိုယ်ပိုင် ဟန် မာဖီးယားပုံစံ တိုင်းပြည်ကို ထူထောင်လိုသော်လည်း အမေရိ ကန်၏ အခြေခံဥပဒေ၊ အခြား တိုင်းပြည်ပြုအဖွဲ့အစည်းများနှင့် တောက်ပအသက်ဝင်နေသော လူ့ အဖွဲ့အစည်းက ယင်းကို ခွင့်မပြု ပေ။ ပွင့်လင်းလူ့အဖွဲ့အစည်း၏ ရှင်သန်မှု ပြဿနာသာမက မိမိတို့ ၏ ခေတ်သစ်ကျနေမှု စနစ်တစ်ခု လုံး၏ ရှင်သန်မှုလည်း အန္တရာယ် ရှိနေသည်။

 မြောက်ကိုရီးယားတွင် ကင်ဂျုံအန်နှင့် အမေရိကန်တွင် ဒေါ်နယ်ထရန့်ကဲ့သို့ ခေါင်းဆောင် များ ပေါ်ထွက်လာမှုသည် အဆိုပါ ပြဿနာနှင့် အများကြီးသက်ဆိုင် သည်။

၎င်းတို့နှစ်ဦးသည် အာဏာ ဆက်လက်တည်မြဲစေရန်အလို့ငှာ နျူကလီးယားစစ်ပွဲ ရင်းရမည်ကို လည်း ဝန်မလေးကြပေ။ သို့သော် အခြေခံအကြောင်းရင်း ပို၍နက် ရှိုင်းသည်။

ဩကာသ လောကကြီး၏ အင်အားစုများကို လူသားတို့၏ အကောင်းဘက်ဖြစ်စေ၊ အဆိုး ဘက်ဖြစ်စေ ထိန်းချုပ်နိုင်စွမ်း သည် ဆက်လက်ကြီးမားလာ သည်။ သို့သော် တစ်ဖက်တွင် မိမိ တို့ကိုယ်မိမိတို့ အုပ်ချုပ်နိုင်စွမ်း သည် အနိမ့်အမြင့်၊ အတက်အကျရှိခဲ့ပြီး ယခုအခါ အောက်သို့ကျ ဆင်းနေသည်။

ကြီးမားသော အမေရိကန် အင်တာနက် ကုမ္ပဏီကြီးများ ပေါ် ထွက်လာမှုနှင့် ၎င်းတို့၏ တစ်ဦး တည်း ချုပ်ကိုင်လိုသော အမူအ ကျင့်သည် အမေရိကန်အစိုးရ၏ စွမ်းအားမဲ့မှုကို ပါဝင်ဖြည့်ဆည်း နေသည်။ ထိုကုမ္ပဏီကြီးများသည် မကြာခဏဆိုသလို တီထွင်ဆန်း သစ်မှုနှင့် လွတ်မြောက်မှုပေးသော အခန်းကဏ္ဍက ပါဝင်ခဲ့သည်။ သို့သော် Facebook နှင့် Google ပိုမိုအင်အားကြီးလာသည်နှင့်အမျှ ၎င်းတို့သည် တီထွင်ဆန်းသစ်မှု များအတွက် ခလုတ်တံသင်းများ ဖြစ်လာပြီး ကျွန်တော်တို့ ယခုမှ စတင်သတိပြုမိလာကာ ပြဿနာအများအပြားကို ဖြစ်ပေါ်လာစေ သည်။ 

ကုမ္ပဏီများသည် ၎င်းတို့၏ ပတ်ဝန်းကျင်ကို အခွင့်ကောင်းယူ ၍ အမြတ်များရရှိသည်။ မိုင်းလုပ် ငန်းနှင့် ရေနံကုမ္ပဏီများက အ ကောင်အထည်ရှိသော ပတ်ဝန်းကျင်ကို အခွင့်ကောင်းယူသည်။ လူမှုမီဒီယာကုမ္ပဏီများက လူမှု ပတ်ဝန်းကျင်အပေါ် အခွင့်ကောင်းယူသည်။ ယင်းသဘောတရားမှာ ပို၍ ကောက်ကျစ်စဉ်းလဲပါသည်။ အဘယ်ကြောင့်ဆိုသော် ထို ကုမ္ပဏီများသည် လူအများတွေး ခေါ်ပုံကို ဩဇာလွှမ်းမိုးခြင်းဖြစ်ပြီး ယင်းကိုလည်း ထိုလူများ သတိမပြုမိအောင် လုပ်ဆောင်ခြင်းဖြစ် သည်။ ယင်းမှာ ဒီမိုကရေစီစနစ် လည်ပတ်ပုံနှင့်ရွေးကောက်ပွဲများ ၏ ကြံ့ခိုင်မှုကို အနှောင့်အယှက် ပေးလာသည်။

အင်တာနက် ပလက်ဖောင်း ကုမ္ပဏီများသည် ကွန်ရက်များဖြစ် သောကြောင့် အံ့မခန်းဖွံ့ဖြိုးတိုး တက်မှုရရှိလာခြင်းဖြစ်သည်။ ကွန်ရက်၏ သက်ရောက်မှုသည် အမှန် ပင် ယခင်က မရှိခဲ့သော ခေတ် ပြောင်း တော်လှန်ရေးပုံစံဖြစ် သည်။ သို့သော် ရေရှည်ထိန်းသိမ်း နိုင်ရန် မဖြစ်နိုင်ပေ။ Facebook ကုမ္ပဏီသည် အသုံးပြုသူ တစ်ဘီ လီယံရရှိရန် ရှစ်နှစ်ခွဲအချိန်ယူခဲ့ ပြီး ဒုတိယ ဘီလီယံရရှိရန် ယင်း အချိန်ထက်ဝက်သာ လိုအပ်ခဲ့ သည်။ ထိုနှုန်းအတိုင်းသာဆိုလျှင် နောက်ထပ် သုံးနှစ်မရှိချိန်မှာပင် Facebook က အသုံးပြုသူ ထပ် ရှာရမည့်သူ ကုန်သွားမည့်သဘော ရှိသည်။

Facebook နှင့် Google သည် ဒစ်ဂျစ်တယ်ကြော်ငြာ ဝင်ငွေအားလုံး၏ ထက်ဝက်ကျော်ကို ထိန်းချုပ်ထားသည်။ ၎င်းတို့၏ လွှမ်းမိုး မှုကို ဆက်လက်ထိန်းသိမ်းထားနိုင် ရန် ၎င်းတို့၏ ကွန်ရက်ကို ဖြန့် ကြက်ရန်လိုပြီး အသုံးပြုသူများ၏ အာရုံစိုက်မှု တိုးတက်ရရှိအောင် ကြိုးစားသည်။ လက်ရှိတွင် အသုံး ပြုသူများ အလွန်အဆင်ပြေသော ပလက်ဖောင်းကို ဖန်တီးပေးထား ပြီး အသုံးပြုသူများက ၎င်းတို့ ပလက်ဖောင်းပေါ်တွင် အချိန်ကြာ ကြာ ပိုနေလေ၊ ယင်းကုမ္ပဏီများ တန်ဖိုးရှိလာလေဖြစ်သည်။

ထို့အပြင် ယင်းကုမ္ပဏီကြီး များအတွက် အချက်အလက်ဖန် တီး ထုတ်လုပ်ပေးသူများ (Con-tent Providers) များလည်း ၎င်း တို့၏ ပလက်ဖောင်းများကို အသုံး ပြုရန် မစ်ရှင်လွှဲနိုင်သည်နှင့်အမျှ ၎င်းတို့ချမှတ်သော သတ်မှတ်ချက် များအတိုင်း လိုက်နာရပြီး ယင်း ကုမ္ပဏီကြီးများ ကြီးထွားလာမှုကို အားပေးနေသည်။ တကယ်တမ်း လည်း လူမှုမီဒီယာကုမ္ပဏီကြီးများ သည် အမြတ်အစွန်း အလွန်ရ သလောက်ပင် ၎င်းတို့ပလက် ဖောင်းပေါ် ပါဝင်လာသော အကြောင်းအရာများအပေါ် တာဝန် ကင်းမဲ့သလို ငွေကြေးပေးစရာ လည်း မလိုပေ။ 

မိမိတို့သည် သတင်းအချက်အလက်များကို မျှဝေနေခြင်းသာ ဖြစ်သည်ဟု ထိုကုမ္ပဏီများက ဆိုသည်။ သို့သော် ၎င်းတို့သည် ထို သို့ ဖြန့်ဝေမှုကို တစ်ဦးတည်းချုပ် ကိုင်ထားသည်ဆိုသော အချက် ကြောင့် ရေနှင့် လျှပ်စစ်ဖြန့်ဖြူး သော ကုမ္ပဏီများကဲ့သို့ အများ ပြည်သူဝန်ဆောင်မှု ကုမ္ပဏီများ ဖြစ်လာခဲ့သဖြင့် ပိုမိုတင်းကျပ် သော စည်းမျဉ်းစည်းကမ်းများကို ချမှတ်ထားရမည်ဖြစ်သည်။ တစ် ဖက်တွင်လည်း တီထွင်ဆန်းသစ် မှု၊ ယှဉ်ပြိုင်မှုနှင့် မျှတပွင့်လင်းသော အများပြည်သူလက်လှမ်းမီ မှုလည်း ရှိရမည်ဖြစ်သည်။

လူမှုမီဒီယာကုမ္ပဏီကြီးများ ၏ ဖောက်သည်အစစ်များသည် ကြော်ငြာရှင်များဖြစ်သည်။ သို့ သော် ကြော်ငြာအပေါ် အသုံးချမှု သာမက အသုံးပြုသူများထံ ထုတ် ကုန်နှင့် ဝန်ဆောင်မှုများ တိုက် ရိုက်ရောင်းချသော စီးပွားရေးပုံစံ သစ်တစ်မျိုးလည်း တဖြည်းဖြည်း ပေါ်ထွက်လာသည်။ သူတို့ ထိန်းချုပ်ထားသော အချက်အလက် များကို ကုမ္ပဏီများက ကောင်း ကောင်းအသုံးချပြီး ၎င်းတို့၏ ဝန် ဆောင်မှုလိုသလို ထုပ်ပိုးကာ မိမိ တို့၏ ဖောက်သည်များနှင့် မျှဝေခံစားရမည့် အကျိုးအမြတ်များကို မိမိအတွက် အများဆုံးကျန်အောင် ဈေးနှုန်းကို သတ်မှတ်သည်။ ယင်း မှာ လူမှုမီဒီယာနှင့် အင်တာနက်ပလက်ဖောင်း ထူထောင်ထား သော ကုမ္ပဏီကြီးများအတွက် အမြတ်အစွန်း ပိုရသော်လည်း ဝန်ဆောင်မှုနှင့် ဈေးနှုန်းသတ်မှတ် ခြင်းကို လိုသလိုထုပ်ပိုးခြင်းသည် ဈေးကွက်စီးပွားရေး စနစ်ကို ထိခိုက်စေခဲ့သည်။

အသုံးပြုသူများ၏ အာရုံစိုက် မှုကို လိုသလို အသုံးချ၍ ၎င်းတို့ ၏ စီးပွားရေးအကျိုးအတွက် လမ်းလွှဲပေးခြင်းနှင့် ၎င်းတို့၏ ဝန်ဆောင်မှုများကို အသုံးပြုသူများ စွဲလမ်း အောင် လုပ်ခြင်းဖြစ်လည်း လူမှု မီဒီယာကုမ္ပဏီများက အသုံးပြုသူ များကို လှည့်စားသည်။ ယင်းအ လေ့အထသည် အန္တရာယ်များပြီး အထူးသဖြင့် မြီးကောင်ပေါက် အရွယ်များ ထိခိုက်နိုင်သည်။

အင်တာနက် ပလက်ဖောင်း များနှင့် လောင်းကစားကုမ္ပဏီများ ကြား ဆင်တူမှုရှိသည်။ ကာစီနို လောင်းကစားကုမ္ပဏီကြီးများ သည် ကစားသမားများက ၎င်းတို့ ငွေအားလုံးသာမက ၎င်းတို့တွင် မရှိသော ငွေအကုန်လုံးကို လောင်းကစားလုပ်ပစ်ချင်လောက်အောင် စွဲလမ်းစေသော နည်းလမ်းများ တီထွင်ထားသည်။

ဒစ်ဂျစ်တယ်ခေတ်တွင် လူ သားတို့၏ အာရုံစိုက်မှုကို အလားတူ အသုံးချမှုဖြစ်ပေါ်နေသည်။ ယင်းမှာ အာရုံလွှဲစေခြင်း (သို့မဟုတ်) စွဲလမ်းစေခြင်း သက်သက်သာမဟုတ်ပေ။ လူမှုမီဒီယာ ကုမ္ပဏီကြီးများသည် လက်တွေ့ တွင် လူများ၏ မိမိကိုယ်ကိုယ်အုပ် ချုပ်ပိုင်ခွင့်ကို စွန့်လွှတ်ရန် မသိ မသာလှုံ့ဆော်နေခြင်းဖြစ်သည်။ ယင်းသို့ ပြည်သူလူထု၏ အာရုံစိုက်မှုကို ပုံသွင်းနိုင်စွမ်းသည် တဖြည်း ဖြည်းနှင့် လက်တစ်ဆုပ်စာ ကုမ္ပဏီများ၏ လက်ထဲသို့ ကျရောက်နေ သည်။

ယင်းအတွက် မစ္စတာဂျွန် စကူအားမီးလ်တစ်ချိန်က ကင်ပွန်းတပ်ခဲ့သော စိတ်ဝိညာဉ်၏လွတ်လပ်မှုကို ကာကွယ်စောင့်ရှောက်ရေး အကြီးအကျယ်ကြိုး ပမ်းအားထုတ်ရမည်ဖြစ်သည်။ ထိုလွတ်လပ်မှုကို ဆုံးရှုံးခဲ့ပြီဆိုပါ က ဒစ်ဂျစ်တယ်ခေတ်တွင် ကြီးပြင်းလာသူများအတွက် ထိုအရည်အ ချင်းပြန်ရရန် အလွန်ခက်ခဲပါလိမ့် မည်။

ယင်းမှနေ၍ ကျယ်ပြန့်သော နိုင်ငံရေး နောက်ဆက်တွဲ အကျိုး ဆက်များရှိနိုင်သည်။ စိတ်ဝိညာဉ် လွတ်လပ်မှုမရှိသော လူထုကို အ လွယ်အကူ ခြယ်လှယ်နိုင်သည်။ ထိုအန္တရာယ်သည် အနာဂတ် ပြဿနာမဟုတ်ဘဲ ၂၀၁၆ အမေ ရိကန်သမ္မတ ရွေးကောက်ပွဲတွင် အရေးကြီးသော အခန်းကဏ္ဍမှ ပါဝင်ကပြခဲ့သည်။

အင်တာနက် လက်ဝါးကြီး အုပ်ကုမ္ပဏီများသည် ၎င်းတို့လုပ် ရပ်များ၏ နောက်ဆက်တွဲအကျိုး ဆက်များက လူ့အဖွဲ့အစည်းအ ပေါ် သက်ရောက်ခြင်းကို ကာကွယ်ရန် စိတ်အားထက်သန်မှုမရှိပေ။ ယင်းအတွက် ၎င်းတို့သည် လူထု ကို ဒုက္ခပေးသူများဖြစ်လာပြီး ပြည်သူလူထုကို ၎င်းတို့၏ရန်မှ ကာ ကွယ်ပေးရန်မှ စည်းကမ်းထိန်း သိမ်းရေး အာဏာပိုင်များ၏ တာဝန်ဖြစ်လာသည်။

—Ref: The Social Media Threat to Society and Security