သေနတ်ဒင်နှင့် လက်ကိုင် အစိတ်အပိုင်းများ ရောင်းချမှုကို အမေရိကန် အစိုးရ ပိတ်ပင်ရန်စီစဉ်

ကျည်ဆန် တရစပ် ပစ်ခတ်နိုင်အောင် ပံ့ပိုးပေးသည့် သေနတ်ဒင်နှင့် လက်ကိုင် အစိတ်အပိုင်းများ ရောင်းချမှုကို ပိတ်ပင်ရန် အမေရိကန် သမ္မတ ဒေါ်နယ်လ်ထရမ့်က အတည်ပြု လက်မှတ် ရေးထိုးခဲ့သည်။

ပြီးခဲ့သည့်နှစ်က လက်စ်ဗီးဂက်စ်ရှိ ဖျော်ဖြေပွဲ တစ်ခုတွင် လူ ၅၈ ဦး သေဆုံးအောင် ပစ်ခတ်ခဲ့သည့် သေနတ်သမားသည် ယင်းကဲ့သို့ သေနတ် အစိတ်အပိုင်းကို အသုံးပြုသွားခဲ့သည်။

ထိုသို့သော ကိရိယာများကို ရိုင်ဖယ်နှင့် စက်သေနတ် အငယ်စားများ၏ နောက်ပိုင်းတွင် တပ်ဆင်ခြင်းဖြင့် တစ်မိနစ်အတွင်း ကျည်ဆန် အတောင့်ပေါင်း ရာနှင့်ချီ မြန်မြန်ဆန်ဆန် ပစ်ခတ်နိုင်အောင် ပံ့ပိုးပေးနိုင်မည် ဖြစ်သည်။

အမေရိကန်တွင် သေနတ်ရောင်းချခွင့် ပိတ်ပင်တားမြစ်ရန် တောင်းဆိုမှုများကို အစဉ်တစိုက် ငြင်းဆန်ခဲ့သော်လည်း ထရမ့်အနေဖြင့် လက်စ်ဗီးဂက်စ် ဖြစ်စဉ်နှင့် ဆက်စပ်၍ ယခုပိတ်ပင်မှုကို လက်မှတ်ရေးထိုးခဲ့ခြင်း ဖြစ်သည်။ ထရမ့်က ယင်းတားမြစ်မှု တရားဝင် သက်ရောက်စေမည့် ဥပဒေမူကြမ်းတစ်ရပ် ရေးဆွဲရန် တရားရေး ဝန်ကြီးဌာနကို ညွှန်ကြားထားကြောင်းလည်း ဆိုသည်။

လတ်တလောတွင် ဖလော်ရီဒါ အထက်တန်းကျောင်း တစ်ကျောင်း၌ ပစ်ခတ်မှု ဖြစ်ပွားပြီး လူပေါင်း ၁၇ ဦး သေဆုံးခဲ့သည့် ဖြစ်ရပ်ကလည်း ထရမ့်၏ အစိုးရ အဖွဲ့အပေါ် လက်နက် ကိုင်ဆောင်ခွင့် ကန့်သတ်ရေးအတွက် ပိုမိုထိရောက်စွာ ဆောင်ရွက်ရန် ပိုမို ဖိအားပေးလျက် ရှိသည်။

မာဂျော်ရီ စတုန်းမန်း ဒေါက်ဂလက်စ် အထက်တန်းကျောင်း ပစ်ခတ်မှုမှ အသက်ရှင် လွတ်မြောက်လာသော ကျောင်းသား ကျောင်းသူများ၊ သေဆုံးသူများ၏ မိသားစုများက ပြည်နယ်မြို့တော် တာလာဟက်ဆီးတွင် စုပေါင်းဆန္ဒပြရန် စီစဉ်ထားကြသည်။

အမေရိကန်တွင် လက်နက်များ လွတ်လပ်စွာ ရောင်းဝယ်နေမှုကို ကန့်သတ်တားဆီးရန် ကိစ္စနှင့် ပတ်သက်၍ ဒီမိုကရက်နှင့် ရီပတ်ဘလစ်ကန် အမတ်များကြား သဘောထား ကွဲလွဲမှုများ ရှိနေသည့်တိုင် လက်စ်ဗီးဂက်စ် ဖြစ်စဉ်နှင့် ဆက်စပ်၍ သေနတ်ဒင်များ၏ အန္တရာယ် ကြီးမားမှုကိုမူ တူညီစွာ လက်ခံခဲ့ကြသည်။

ကျည်ဆန်ရာနှင့်ချီ ဆက်တိုက် ပစ်ခတ်နိုင်အောင် ထောက်ပံ့ပေးသည့် သေနတ်ဒင်များ ရောင်းချမှု ပိတ်ပင်ခြင်းနှင့် ပတ်သက်၍ တောင်ပိုင်း ကာရိုလိုင်းနား၊ အီလီနွိုက်စ်၊ ဝါရှင်တန်နှင့် ကော်လိုရာဒို ပြည်နယ်များရှိ ပြည်သူများကြား အမြင်ကွဲပြားမှုများ ဖြစ်ပေါ်နေကြောင်းလည်း သိရသည်။

Ref: CNN

Top News