မော်တော်ယာဉ် တင်သွင်းခွင့်မူဝါဒ ထုတ်ပြန်ပြီးမှသာ ရန်ကုန်တိုင်းအတွင်း ဖရီးပါမစ် စိစစ်ခွင့်ပြုမည်

ယာဉ်စီးရေ များပြားလာသဖြင့် ရန်ကုန်မြို့တွင် ယာဉ်ကြောပိတ်ဆို့မှုများ မကြာခဏ ဖြစ်ပွားနေသည်။ ဓာတ်ပုံ − ဂျေမောင်မောင်(အမရပူရ)

လူပုဂ္ဂိုလ်တစ်ဦးချင်း အလိုက် မော်တော်ယာဉ်တင် သွင်းခွင့် (Free Permit) ကို ၂၀၁၈ မော်တော်ယာဉ်တင်သွင်း ခွင့် မူဝါဒထုတ်ပြန်ပြီးမှသာ ပြန် လည်စိစစ်ခွင့်ပြုမည်ဟု ရန်ကုန် တိုင်းစီမံကိန်းနှင့် ဘဏ္ဍာရေး ၀န်ကြီးဦးမြင့်သောင်း ကပြော သည်။

ရန်ကုန်တိုင်းဒေသကြီးတွင် Free Permit ပြန်လည်စိစစ် ခွင့်ပြုပေးရန် အစီအစဉ် ရှိ၊မရှိ လသာမြို့နယ် တိုင်းဒေသကြီး လွှတ်တော်ကိုယ်စားလှယ်ဦးဇော် ၀င်းနိုင် ၏မေးမြန်းမှုကို ၀န်ကြီးက ဖြေကြားခဲ့သည်။

‘‘ကျင့်သုံးလာမယ့် မော် တော်ယာဉ်တင်သွင်းခွင့် မူဝါဒ အသေးစိတ်ကို တိုင်းဒေသကြီး လွှတ်တော်နဲ့ ပြည်သူလူထုထံ အချိန်မီ သတင်းပေးပြီးမှ အဲဒီ မော်တော်ယာဉ် တင်သွင်းခွင့်ကို ဆောင်ရွက်သွားမယ်’’ ဟု ဦးမြင့်သောင်း ကပြောသည်။

လက်ရှိတွင် တိုင်းဒေသကြီး အစိုးရအဖွဲ့က မော်တော်ယာဉ် တင်သွင်းခွင့်မူဝါဒကို ပြန်လည် သုံးသပ်စိစစ်၍ ဆောင်ရွက်နေ  ကြောင်း ၎င်းကဆိုသည်။

ယခင် အစိုးရလက်ထက် ၂၀၁၅ ဇန်န၀ါရီ ကစ၍ ရန်ကုန် တိုင်းဒေသကြီး လိပ်စာဖြင့် မော် တော်ယာဉ် တင်သွင်းခွင့်ကို ကုမ္ပဏီများမှ  လျှောက်ထားမှုများ နှင့် အခြားပြည်နယ်နှင့် တိုင်းဒေ သကြီးမှ ရန်ကုန်လိပ်စာပြောင်း လျှောက်ထားမှုများကို ကားပါ ကင်ထောက်ခံချက် နှင့်အတူ ရန်ကုန်တိုင်း အစိုးရအဖွဲ့ ခွင့် ပြုမိန့်ဖြင့် ခွင့်ပြုပေးခဲ့သည်။

သို့သော် ၂၀၁၆ မတ်လ တွင် လူပုဂ္ဂိုလ်တစ်ဦးချင်း မော် တော်ယာဉ် လျှောက်ထားမှုများ၊ ကုမ္ပဏီများမှ မော်တော်ယာဉ် လျှောက်ထားမှုများနှင့် နယ်ဝင် လိပ်စာ လျှောက်ထားမှုများကို ထုတ်ပေးသည့်စနစ် ရပ်ဆိုင်း ခဲ့ကြောင်း ၀န်ကြီးကပြောသည်။

အခြားပြည်နယ်နှင့် တိုင်း ဒေသကြီးမှ မော်တော်ယာဉ်များ ရန်ကုန်တိုင်းအတွင်း ရောက်ရှိ နေခြင်းကြောင့် မှတ်ပုံတင်ကြေး၊ ဘီးခွန် စသည့် အခွန်အခများ နစ် နာဆုံးရှုံးနေပြီး အစိုးရနှင့် ပြည်သူ နှစ်ဖက်စလုံး နစ်နာမှုများ ရှိ ကြောင်း ဦးဇော်ဝင်းနိုင်ကပြော ကြားသည်။

မြန်မာနိုင်ငံတွင် မော်တော် ယာဉ်တင်သွင်းခွင့် မူဝါဒများကို နှစ်စဉ်ထုတ်ပြန်ပြီး တင်သွင်းခွင့် ပြုခဲ့ရာ ၂၀၁၁ စက်တင်ဘာ မှ လက်ရှိချိန်အထိ တစ်နိုင်ငံလုံး တွင် ယာဉ်အစီးရေ  ၈ ဒသမ ၈ သိန်းကျော်ရှိကြောင်း ဦးမြင့် သောင်းကပြောသည်။

ထို့ပြင် ရန်ကုန်တိုင်းတွင် မှတ်ပုံတင်ထားသည့်  ယာဉ်စီးရေ သည် ငါးသိန်းခန့်သာ ရှိကြောင်း ၎င်းကဆက်လက် ပြောသည်။

အကောက်ခွန်၊ စီးပွားကူး သန်း၊ ကညန၊ ဆိပ်ကမ်းဌာနတစ် ခုချင်းစီမှ မော်တော်ယာဉ်တင် သွင်းခွင့်မူဝါဒကို တစ်နှစ် နှစ်ကြိမ် ခန့် အခါအားလျော်စွာ ထုတ်ပြန် သဖြင့် ဈေးကွက်အပြောင်းအလဲ မကြာခဏ ဖြစ်ပေါ်ပြီး မော်တော် ယာဉ်တင်သွင်း ရောင်းချသူများ နှင့် ကားဝယ်ယူမည့် ပြည်သူများ နစ်နာမှုရှိကြောင်း မြန်မာနိုင်ငံ မော်တော်ယာဉ် ရောင်းဝယ်ရေး အသင်း အထွေထွေအတွင်းရေး မှူး ဦးရန်မျိုးအောင်က ပြော သည်။

ရန်ကုန်တိုင်းတွင် ကျင့်သုံး နေသည့် မော်တော်ယာဉ်ဥပဒေ ကို ၂၀၁၅ က ပြဋ္ဌာန်းသော်လည်း နည်းဥပဒေမထွက်ခဲ့ပေ။

ယခု ၂၀၁၈ တွင် ပုဂ္ဂလိက မော်တော်ယာဉ်ပြေးဆွဲရေးဥပဒေ ထွက်ရှိရန် ရန်ကုန်တိုင်းအစိုးရ အဖွဲ့က ဆောင်ရွက်နေကြောင်း မော်တော်ယာဉ် ရောင်းဝယ်သူ များကပြောသည်။

Top News