အမြန်လမ်းစီမံကိန်းနှစ်ခုအတွက် လုပ်ငန်းဖြစ်နိုင်ခြေ ရှိ၊ မရှိ ကိုရီးယား KOICA က လေ့လာဆောင်ရွက်မည်

ရန်ကုန်-မန္တလေး အမြန်လမ်း အဆင့်မြှင့်တင်ခြင်း နှင့် ရန်ကုန်-ပုသိမ်-ငရုတ် ကောင်းလမ်းကို အမြန်လမ်း ဖောက်လုပ်ရန် လုပ်ငန်းဖြစ်နိုင်ခြေရှိ၊မရှိ လေ့လာဆန်းစစ်ခြင်းကို ကိုရီးယား အပြည်ပြည် ဆိုင်ရာ ပူးပေါင်းဆောင်ရွက်ရေး အေဂျင်စီ (KIOCA)က ဆောင် ရွက်မည်ဖြစ်ကြောင်း ယင်း အေဂျင်စီက ဖေဖော်ဝါရီ ၁၉ ရက်တွင် သတင်းထုတ်ပြန်သည်။

အဆိုပါလေ့လာမှုအတွက် ကုန်ကျစရိတ် ကန်ဒေါ်လာ တစ်သန်းခွဲကို ကိုရီးယားနိုင်ငံက နှောင်ကြိုးမဲ့အဖြစ် အကူအညီ ပေးမည်ဖြစ်ပြီး သုံးနှစ်စီမံကိန်း ဖြစ်ကြောင်း ထုတ်ပြန်ထားသည်။

အဆိုပါ စီမံကိန်းအတွက် ဆောက်လုပ်ရေး ၀န်ကြီးဌာနနှင့် KOICA တို့သဘောတူခဲ့ပြီးလုပ်ငန်းဖြစ်နိုင်ခြေရှိပါက ကိုရီးယားဘက်က လမ်းဒီဇိုင်းရေးဆွဲပေးကာ ရင်းနှီးမြှုပ်နှံသူကိုပါ KIOCA က ဖိတ်ခေါ်ပေးမည်ဖြစ်ကြောင်းဆိုသည်။

မိုင် ၄၀၀ ခန့်ရှိသည့် ရန်ကုန်-မန္တလေး အမြန်လမ်း အဆင့်မြှင့်တင်ခြင်းနှင့် လမ်းတာ ချဲ့ခြင်းစီမံကိန်းကို အကောင် အထည်ဖော်ပါက ကန်ဒေါ်လာ သန်း ၅၆၀ ကုန်ကျမည်ဟု ဆောက်လုပ်ရေး ၀န်ကြီးဌာနက ခန့်မှန်းထားသည်။ မိုင် ၁၉၀ ခန့် ရှိမည့် ရန်ကုန်-ပုသိမ်-ငရုတ် ကောင်းလမ်း စီမံကိန်းအတွက် ကန်ဒေါ်လာ သန်း ၇၆၀ ခန့် ကုန် ကျမည်ဖြစ်သည်။

မြန်မာနိုင်ငံရှိ လမ်းများ၏ ၇၅ ရာခိုင်နှုန်းသည် အဆင့်မမြှင့် ရသေးသည့် လမ်းများဖြစ်ပြီး လက်ရှိ အမြန်လမ်းတစ်ခုသာရှိ သည်ဟု KOICA ကဆိုသည်။

‘‘တစ်နိုင်ငံလုံးမှာတော့ အ နည်းဆုံး တောင်−မြောက် အမြန် လမ်းနှစ်ခုနဲ့ အရှေ့−အနောက်ကို ဆက်သွယ်မယ့် အမြန်လမ်းနှစ်ခု ကိုဖောက်လုပ်ဖို့ စီစဉ်ထားပါတယ်။ ရန်ကုန်-မန္တလေးအမြန်လမ်းကတော့ တောင်-မြောက် အမြန်လမ်းထဲကတစ်ခုပါ’’ ဟုဆောက်လုပ်ရေးဝန်ကြီးဌာန အင်ဂျင်နီယာချုပ် ဦးအောင်ကောင်းချို ကပြောသည်။

KOICA ကလေ့လာဆန်းစစ်ပေးမည့် စီမံကိန်းများသည် ဆောက်လုပ်ရေး ၀န်ကြီးဌာန မျှော်မှန်းထားသည့် Six package project ထဲမှ လုပ်ငန်းများဖြစ် သည်။ Six package project ဆို သည်မှာ မြန်မာနိုင်ငံတွင်း ဖောက်လုပ်မည့် အမြန်လမ်းစီမံကိန်းများဖြစ်သည်။

Six package project တွင် မန္တလေး-မြစ်ကြီးနားအမြန်လမ်း၊ သီလ၀ါ-သနပ်ပင်-ကျိုက်ထို အမြန်လမ်း၊မင်းဘူး-အမ်း- ကျောက်ဖြူအမြန်လမ်း၊ ရန်ကုန်-မန္တလေးအမြန်လမ်း၊ ရန်ကုန်-ပုသိမ် - ငရုတ်ကောင်းအမြန်လမ်း၊ ပုသိမ်-မုံရွာ-ရွှေဘို အမြန်လမ်းတို့ပါဝင်သည်။

Top News