ရန်ကုန်တွင် သဘာဝဘေးအန္တရာယ် ကြုံတွေ့ပါက အစိုးရ၏စွမ်းဆောင်ရည်မြှင့်တင်ရန် ကမ္ဘာ့ဘဏ်ကူညီမည်

 ရန်ကုန်မြို့တွင် ရေကြီး ရေလျှံမှုနှင့် မြေငလျင်အပါအဝင် သဘာဝဘေးများနှင့်ရင်ဆိုင်ရပါ က အစိုးရ၏တုံ့ပြန်၊ စွမ်းဆောင် ရည်မြှင့်ရန် အကူအညီများပေး မည်ဟု ကမ္ဘာ့ဘဏ်က သတင်း ထုတ်ပြန်သည်။

မြန်မာနိုင်ငံနှင့် အရှေ့တောင်အာရှဒေသ သဘာဝဘေးအန္တရာယ်ဆိုင်ရာ စီမံကိန်းကို အကောင်အထည်ဖော်ရန် ကမ္ဘာ့ဘဏ်က ပံ့ပိုးကူညီမည်ဟု သတင်းထုတ်ပြန်ချက်တွင် ဖော်ပြထားသည်။

ကမ္ဘာ့ဘဏ်၏အပြည်ပြည် ဆိုင်ရာချေးငွေ ကန်ဒေါ်လာ ၁၁၆ သန်းဖြင့် ဆောင်ရွက်မည့်စီမံကိန်း တွင် ရန်ကုန်မြို့၌ ရေကြီးရေလျှံမှုကြောင့် နစ်နာဆုံးရှုံးမှုများ လျှော့ချနိုင်ပြီး အများပြည်သူနှင့် သက်ဆိုင်သော အရေးပါသည့် အဆောက်အအုံများ ငလျင်ဒဏ်ခံနိုင်ရည်ရှိစေရေး အဆင့်မြှင့်တင်ဆောင်ရွက်ရန်နှင့် အရေးပေါ်အခြေအနေတုံ့ပြန်မှုတွင် အစိုးရ၏ငွေကြေးထောက်ပံ့မှုဆိုင်ရာ စီမံခန့်ခွဲမှု စွမ်းဆောင်ရည်မြင့် တက်လာစေရန် အကူအညီများ ပါဝင်သည်။


 ကမ္ဘာ့ဘဏ်၏ စီမံကိန်း သည် ရန်ကုန်မြို့၏ရေစီးရေလာ စနစ်၊ အများပြည်သူနှင့်သက်ဆိုင် သော အခြေခံအဆောက်အအုံ များတွင် ငွေကြေးသုံးစွဲဆောင် ရွက်မည်ဖြစ်ပြီး အရည်အသွေး ပြည့်မီသော မြို့ပြဝန်ဆောင်မှု များပေးအပ်ရန် ကြိုးပမ်းနေသည့် အစိုးရရည်မှန်းချက်ကို အ ထောက်အကူပြုနိုင်မည်ဟု ယုံ ကြည်ကြောင်း ဖေဖော်ဝါရီ ၂၀ ရက်က ရန်ကုန်မြို့၌ ပြုလုပ်သော မြန်မာနိုင်ငံနှင့် အရှေ့တောင်အာ ရှဒေသ သဘာဝဘေးအန္တရာယ် စီမံခန့်ခွဲမှုစီမံကိန်းမိတ်ဆက်ပွဲအ ခမ်းအနား၌ ရန်ကုန်တိုင်းဝန်ကြီးချုပ် ဦးဖြိုးမင်းသိန်းက ပြောသည်။

‘‘ဒီစီမံကိန်းက သဘာဝဘေး အန္တရာယ်နဲ့ ရင်ဆိုင်ရင် အလျင် မြန်ဆုံး ပြန်လည်ထူထောင်ဖို့အ တွက် ဘေးအန္တရာယ်မကျမီ ကြို တင်ပြင်ဆင်မှုနဲ့ ကြိုတင်ကာ ကွယ်နိုင်ဖို့ ဆောင်ရွက်နိုင်အောင် အထောက်အကူပေးမှာ ဖြစ်ပါ တယ်’’ဟု ကမ္ဘာ့ဘဏ်၏မြန်မာ နိုင်ငံ၊ ကမ္ဘောဒီးယားနိုင်ငံနှင့် လာအိုနိုင်ငံဆိုင်ရာ ညွှန်ကြားရေးမှူး အယ်လင်ဂိုးစတိန်းက ပြောသည်။

 မိသားစုဘဝများ လုံခြုံရေး နှင့် ပြည်သူများ လုပ်ငန်းခွင်သို့ အလျင်အမြန်ပြန်လည်ဝင်ရောက် နိုင်ရေး၊ သဘာဝဘေးအန္တရာယ် များ ကျရောက်ပါက အလျင်အမြန်တုံ့ပြန်ဆောင်ရွက်နိုင်ရန် ကမ္ဘာ့ဘဏ်က မြန်မာနိုင်ငံကို ကူညီပေးခြင်းဖြစ်ကြောင်း ၎င်း က ဆိုသည်။

စီမံကိန်းကို အကောင်အ ထည်ဖော်ရန် ကမ္ဘာ့ဘဏ်ဒါရိုက် တာဘုတ်အဖွဲ့ကလည်း အတည် ပြုခဲ့ပြီး ရေမြောင်းစနစ်တွင် အ ရေးပါသော အခြေခံအဆောက် အအုံများ အဆင့်မြှင့်တင်ရန် စာ ချုပ်ချုပ်နိုင်ခဲ့သည်။

မြန်မာနိုင်ငံသည် သဘာဝ ဘေးအန္တရာယ်ရင်ဆိုင်ရမှုမြင့်မား ပြီး နှစ်စဉ် ကန်ဒေါ်လာ ၁၈၄ သန်း ခန့် ဆုံးရှုံးနေသည်ဟု ကမ္ဘာ့ဘဏ်က ထုတ်ပြန်သည်။