၂၀၁၇ ကျောက်မျက်ဥပဒေကြမ်းကို ကန့်ကွက်သည့် ဆန္ဒပြပွဲများ ကချင်ပြည်နယ် မြို့သုံးမြို့တွင် တစ်ပြိုင်တည်းပြုလုပ်မည်

 မြန်မာ့ကျောက်မျက်ရတနာဥပဒေကြမ်း (၂၀၁၇) အား ကန့်ကွက် ဆန္ဒထုတ်ဖော်ပွဲကို ကချင်ပြည်နယ် မြို့နယ်သုံးခုတွင် တစ်ပြိုင်နက် ပြုလုပ်မည်ဖြစ်ပြီး နိုင်ငံရေးပါတီများ၊ အရပ်ဘက် အဖွဲ့များနှင့် ဒေသခံတစ်ထောင်ခန့်ပါဝင်ရန်ရှိကြောင်း ကချင်နိုင်ငံရေးပါတီ ခေါင်းဆောင်များက ပြောသည်။

၂၀၁၇ မြန်မာ့ကျောက်မျက် ရတနာဥပဒေကြမ်းသည် ဒေသခံ တိုင်းရင်းသားများအတွက် အကျိုးဖြစ်ထွန်းရန် နည်းပါးခြင်းကြောင့် အဆိုပါဥပဒေကြမ်းအား ကန့် ကွက်သည့် လူထုဆန္ဒထုတ်ဖော် ပွဲများကို မြစ်ကြီးနား၊ ဖားကန့်နှင့် မိုးကုတ်မြို့တို့တွင် ဖေဖော်ဝါရီ ၂၈ ရက်၌ တစ်ပြိုင်နက်ပြုလုပ် မည်ဖြစ်ကြောင်း ဆန္ဒပြပွဲဖြစ် မြောက်ရေးကော်မတီ တာဝန်ရှိ သူ ကချင်ဒီမိုကရက်တစ်ပါတီ (KDP) ဥက္ကဋ္ဌ ဦးကွမ်ဂေါင်အောင်ခမ်းက ပြောကြားသည်။


‘‘ကျွန်တော်တို့ နိုင်ငံရေးပါတီသုံးပါတီကနေ တာဝန်ယူပြီးမှ လူထုနဲ့ အတူတူလုပ်ခြင်းဖြစ် တယ်။ ဒီနေရာမှာ ကျန်တဲ့ CSOs တွေနဲ့ အဖွဲ့အစည်းတွေလည်း ပူး ပေါင်းပါဝင်ခြင်း ဖြစ်ပါတယ်။ အဓိက အကြီးစားလုပ်ကွက်နဲ့ ပတ်သက်တဲ့၊ အဲဒီမှာပါတဲ့  သက် တမ်းပြဋ္ဌာန်းချက်တွေကို အလိုမ ရှိဘူး။ စက်ယန္တရားအလွန်အကျွံ  အသုံးပြုမှုကို ကန့်သတ်ပေးရေး ဖြစ်ပါတယ်။ ၂၀၁၇ ကျောက်မျက် ရတနာနည်းဥပဒေ အမြန်ဆုံးပြဋ္ဌာန်းဖို့ဆိုတဲ့ တောင်းဆိုချက် တွေ ပါဝင်ပါမယ်’’ဟု ဦးကွမ်ဂေါင်အောင်ခမ်းကပြောသည်။

 ကျောက်မျက်ဥပဒေကြမ်း သည် လူတစ်စုအတွက်သာ ရည် ရွယ်၍ ပြည်နယ်နှင့် ဒေသခံတိုင်း ရင်းသားများအတွက် အကျိုးဖြစ် ထွန်းမှု နည်းပါးခြင်းကြောင့် ယင်းသို့ ဆန္ဒထုတ်ဖော်ရခြင်းဖြစ် ကြောင်း စီစဉ်သူများက ပြော သည်။

ဆန္ဒထုတ်ဖော်ပွဲကို ကချင် နိုင်ငံရေးပါတီများဖြစ်သည့် ကချင်ဒီမိုကရက်တစ်ပါတီ (KDP)၊ ကချင်ပြည်နယ် ဒီမိုကရေစီပါတီ (KSDP)၊ ကချင်ကွန်ဂရက်ပါတီ (KNC) တို့က ကမကထပြုစီစဉ် ခြင်းဖြစ်သည်။ ဒေသခံများ၊ အရပ်ဘက်အဖွဲ့များ၏ သဘောထားတောင်းဆိုချက်များကို ဖေဖော်ဝါရီ ၂၈ ရက်တွင် မြစ်ကြီးနားမြို့ မနောကွင်း၌ ပြုလုပ်မည့် ဆန္ဒထုတ်ဖော်မှုအခမ်းအနားတွင် ထုတ်ပြန်ရန်ရှိကြောင်း ဦးကွမ်ဂေါင်အောင်ခမ်းကပြောသည်။

‘‘ကျောက်ကတော့ ကုန်ကုန် သွားတာ မြင်တွေ့နေရတယ်။ ဒါပေမဲ့ ပြည်နယ်ရော၊ ပြည်နယ် တွင်း ဒေသခံတွေရော အကျိုးခံ စားတာ နည်းနေတယ်။ ဒေသခံ ပြည်သူတွေက ဘာမှခံစားခွင့် မရှိ။ အရင်းရှင်တွေအတွက် အ ခန်းကဏ္ဍ သီးခြားဖြစ်နေတယ်။ အဲဒါကြောင့် ဒေသခံတွေက မ ကြိုက်၊ မနှစ်သက်ဘူးပေါ့နော်။ ကျောက်မျက်ဥပဒေကြမ်း ထွက် ပေါ်လာခဲ့သော်လည်း ဒီက ဒေသခံ နယ်သားတွေနဲ့ ပြည်နယ်နဲ့ မ ကိုက်ညီတဲ့ အပိုင်းတွေတချို့တွေ့ ရတာပေါ့လေ’’ဟု ကချင်ပြည် နယ် ဒီမိုကရေစီပါတီ (KSDP) ဥက္ကဋ္ဌ ဒေါက်တာမနာမ်တူးဂျာက ပြောသည်။

ကချင်ပြည်နယ် ကျောက်စိမ်းထုတ်လုပ်မှုများတွင် ဒေသခံများ တိုက်ရိုက်ပါဝင်ရရေး အဓိကအချက်ဖြစ်ပြီး တစ်နိုင်တစ်ပိုင် လုပ်ကွက်များကို ဒေသခံများ လုပ်ကိုင်ခွင့်ရရေး အရေးကြီး ကြောင်း ဖားကန့်မြို့နယ် ပြည်သူ့ လွှတ်တော်ကိုယ်စားလှယ် ဦးတင့် စိုးက ပြောသည်။

‘‘၂၀၁၇ ကျောက်မျက်ဥပဒေ ကလည်း အတည်ပြုပြဋ္ဌာန်းပေးဖို့ က မဖြစ်နိုင်သေးဘူး။ ဥပဒေထဲ မှာကလည်း ဒေသခံတွေအတွက် က တစ်နိုင်တစ်ပိုင်ဆိုတဲ့ဟာပဲ ထည့်သွင်းထားတာရှိတယ်။ ဒေသခံဆိုလည်း အနက်အဓိပ္ပာယ်ဖွင့်ရမယ်။ ဒေသခံဆိုပေမယ့် မ နေ့တစ်နေ့ကနေပြီး ဒေသခံလုပ် လို့မရဘူး။ ဒီဒေသမှာ အနည်းဆုံး နှစ်ပေါင်း ၂၀ လောက်အခြေချနေထိုင်လာမှ တရားဝင်လာနေသူကို သတ်မှတ်ရမှာ’’ဟု ၎င်းက ဆို သည်။

လွှတ်တော်သို့ တင်ပြထား သည့် ၂၀၁၇ မြန်မာ့ကျောက်မျက် ရတနာဥပဒေနှင့် ပတ်သက်၍ ဒီ ချုပ်အစိုးရကို အကြံပေးနေသည့် Natural Resource Governance Institute (NRGI) အဖွဲ့က ၂၀၁၇ မေလ ၂၆ ရက်တွင် ကြေညာချက် ထုတ်ပြန်သတိပေးခဲ့သည်။ ထို ဥပဒေသည် ယခင်တပ်မတော် အစိုးရ ရေးဆွဲခဲ့သည့် ဥပဒေအ ဟောင်းကိုသာ အဓိကကျောရိုးယူ ထားသဖြင့် လက်ရှိငြိမ်းချမ်းရေးဆွေးနွေးပွဲများနှင့် သဟဇာတမဖြစ်ကြောင်း NRGI ၏ ထုတ်ပြန် ချက်တွင် ပါရှိသည်။

Top News