မြန်မာလိဂ်တွင် မကွေးနှင့် ရခိုင်အသင်း နိုင်ပွဲရ

 မြန်မာလိဂ်ပွဲစဉ်(၇)ဒုတိ ယရက်တွင် မကွေးနှင့် ရခိုင်အ သင်းတို့ ပြိုင်ဘက်များကို အသီးသီးအနိုင်ရရှိခဲ့သည်။

ဖေဖော်ဝါရီ ၂၃ ရက်က ကျင်းပသည့် ၂၀၁၈ မြန်မာလိဂ် ပွဲစဉ်များတွင် မကွေးအသင်းက ဧရာဝတီအသင်းကို ၂-၁ ဂိုး၊ ရခိုင်အသင်းက GFA အသင်းကို ၃-၀ ဂိုးဖြင့် အသီးသီးအနိုင်ရရှိ ခဲ့သည်။

ရန်ကုန်မြို့ သုဝဏ္ဏကွင်း၌ ယှဉ်ပြိုင်သည့် မကွေးနှင့် ဧရာဝ တီအသင်းပွဲသည် အကြိတ်အ နယ်ရှိခဲ့ပြီး အပြန်အလှန်ထိုး ဖောက်နိုင်ခဲ့သော်လည်း ပထမ ပိုင်းတွင် ဂိုးမရှိသရေဖြင့် ပြီးဆုံး ခဲ့သည်။ ဒုတိယပိုင်းတွင် မကွေး အသင်းက တိုက်စစ်မြှင့်ကစားခဲ့ ပြီး ဧရာဝတီအသင်းကို ဖိအားပေးနိုင်ခဲ့ကာ ပွဲချိန် ၅၃ မိနစ်၌ အောင်မြင့်ထွန်းက  မကွေးအသင်း အတွက် အဖွင့်ဂိုးသွင်းယူခဲ့သည်။

ဒုတိယပိုင်းတွင် မကွေးအ သင်းက  ဧရာဝတီအသင်း ဂိုးပေါက်ကို ခြိမ်းခြောက်မှုများ ပြုလုပ်နိုင်ခဲ့ကာ ဧရာဝတီအသင်းက တန်ပြန်တိုက်စစ်ဖြင့် ယှဉ်ပြိုင်ခဲ့သည်။ ပွဲချိန် ၅၇ မိနစ်တွင် မကွေးအသင်းရရှိသည့် ပင်နယ်တီကို စိုးလွင်လွင်က ကန်သွင်းကာဒုတိယဦး ဆောင်ဂိုးသွင်းယူခဲ့ သည်။ လက်ကျန်ပွဲချိန်တွင် မကွေး အသင်းက  ခံစစ်အဓိကအသုံးပြုခဲ့ခြင်းကြောင့် ဧရာဝတီအသင်းက ပွဲကို  ပြန်လည်စိုးမိုးနိုင်ခဲ့သော် လည်း ပွဲချိန် ၇၄ မိနစ်၌ ကက်ဆီယိုက  ဧရာဝတီအသင်းအတွက် ချေပဂိုးတစ်ဂိုးသာ ပြန်လည်သွင်း ယူနိုင်ခဲ့သည်။

စစ်တွေမြို့ ဝေသာလီကွင်း ၌ ယှဉ်ပြိုင်သည့် ရခိုင်နှင့် GFA ပွဲ ပထမပိုင်းတွင် နှစ်သင်းစလုံးအ ခွင့်အရေး အချို့ရရှိသော်လည်း အသုံးမချနိုင်သဖြင့် ဂိုးမရှိသရေ ကျခဲ့ပြီး ဒုတိယပိုင်း၌  ရခိုင်အသင်းက တိုက်စစ်မြှင့်ကာ အနိုင်ဂိုးသုံးဂိုးသွင်းယူခဲ့သည်။

ရခိုင်အသင်းအတွက် အနိုင် ဂိုးများကို ဆန်းဒေးမက်သရူးက ပွဲ ချိန် ၄၉ နှင့် ၉၀ မိနစ်တို့တွင် နှစ် ဂိုး၊ ၆၃ မိနစ်တွင် စည်သူသန်းစိုး က တစ်ဂိုးသွင်းယူခဲ့သည်။ ယင်း ပွဲ ပွဲချိန်မိနစ် ၉၀ တွင် ရခိုင်အ သင်းတိုက်စစ်မှူးဆန်းဒေးမက် သရူး ပင်နယ်တီမှတစ်ဆင့်သွင်း ယူသည့် ဂိုးသည် ၂၀၁၈ မြန်မာ လိဂ်ပြိုင်ပွဲ၏ ဂိုး ၁၀၀ မြောက် သွင်းဂိုးဖြစ်သည်။

၂၀၁၈ မြန်မာလိဂ်ပွဲစဉ် (၇) နောက်ဆုံးပွဲကို ဖေဖော်ဝါရီ ၂၄ ရက်(ယနေ့)တွင် ကျင်းပမည်ဖြစ် ပြီး မန္တလေးမြို့ မန္တလာသီရိကွင်း ၌ ရတနာပုံနှင့် ဇွဲကပင်၊ ပဲခူးမြို့ ဂရင်းရွိုင်ရယ်ကွင်း၌ ဟံသာဝတီ နှင့် ဆောက်သမ်းမြန်မာအသင်း ယှဉ်ပြိုင်မည် ဖြစ်သည်။ 

Top News