မြိတ်တွင် အရွယ်မရောက်သေးသည့် အိမ်အကူမိန်းကလေးကို ရိုက်နှက်ညှဉ်းပန်းသော အိမ်ရှင်လင်မယားကို တရားစွဲဆို

 မြိတ်မြို့၌ အရွယ်မရောက်သေးသော အိမ်အကူ မိန်းကလေးကို ရိုက်နှက်ညှဉ်းပန်းခဲ့သည့် အိမ်ရှင်လင်မယားကို ကလေးသူငယ် ညှဉ်းပန်းနှိပ်စက်မှု ဖြင့် ရဲတပ်ဖွဲ့က မြို့နယ်တရားရုံးသို့ ဦးတိုက်လျှောက်ထားပြီး တရားရုံးက စစ်ဆေးနေကြောင်း တနင်္သာရီတိုင်းဒေသကြီး ရဲတပ်ဖွဲ့မှူး ရဲမှူးကြီး နေမျိုးက ပြောကြားသည်။

‘‘အရွယ်မရောက်တဲ့ကလေး ကို အနိုင်ကျင့်တာ။ ကလေးကို ခေါ်စစ်တော့ ပေါ်ပေါက်တယ်။ လူကယ်ပြန်က အမှုဖွင့်ပြီး ရဲတပ်ဖွဲ့က တရားရုံးကို ဦးတိုက်လျှောက်တော့ တရားသူကြီးက အခုအဲဒီအမှုကို လက်ခံပြီး စစ်နေပြီ’’ဟု ရဲမှူးကြီး နေမျိုးက ပြောသည်။

မြိုတ်မြို့နယ် ကြံတောကွက် သစ်ရပ်ရှိ အဆိုပါလင်မယား၏ နေအိမ် တွင် လုပ်ကိုင်နေသည့် အသက် (၁၁) နှစ်အရွယ် အဆိုပါအိမ်အကူမိန်းကလေးကို နှိပ်စက်ညှဉ်းပန်း နေကြောင်း ရပ်ကွက်နေပြည်သူ များ တိုင်ကြားချက်အရလူကုန် ကူးမှုကာကွယ်တားဆီးရေး ရဲတပ်ဖွဲ့နှင့် မြိတ်မြို့မရဲစခန်းမှရဲတပ်ဖွဲ့ ဝင်များက ဖေဖော်ဝါရီ ၂၁ ရက် တွင် စစ်ဆေးခဲ့သည်။

စစ်ဆေးချက်များအရ လွန် ခဲ့သည့် နှစ်လခန့်ကတည်းက ယင်းလင်မယား၏ နေအိမ်တွင်တစ်လ လျှင် ကျပ် ၃၀,၀၀၀ ဖြင့်အိမ်အကူ အလုပ်လုပ်ကိုင်ခဲ့ပြီး ကလေးထိန်းအလုပ်အပြင် အဝတ်လျှော်၊ အိမ်သန့်ရှင်းရေးအလုပ်များပါ လုပ်ကိုင်ခဲ့ရကာ ညအချိန်မတော်မှ အိပ်ခွင့်ရကြောင်း ၎င်းကထွက်ဆိုသည်ဟု ပြည်ထဲရေးဝန်ကြီးဌာန က ဖေဖော်ဝါရီ ၂၄ ရက်တွင် သတင်းထုတ်ပြန်သည်။

ယင်းသို့ အိပ်ချိန်နည်း၍ ကလေးထိန်းစဉ် အိပ်ငိုက်ရာ အိမ်ရှင်လင်မယားက ၎င်းအား ခြိမ်း ခြောက်ပြောဆိုခြင်း၊ လက်သီး ဖြင့် မျက်နှာကို ထိုးခြင်း၊ ထိုင်ထ အကြိမ် ၁,၀၀၀ လုပ်ခိုင်းခြင်း၊ လက်သည်းဖြင့် ကုတ်ဖဲ့ခြင်း၊ ဟင်းချက်ဇွန်းပြားဖြင့် ရိုက်နှက်ခြင်းတို့ ပြုလုပ်ခဲ့ကြောင်း ထုတ်ပြန်ချက် တွင် ဖော်ပြထားသည်။

ထိုသို့ နှိပ်စက်ခံရသော ကြောင့် အဆိုပါ အိမ်အကူမိန်း ကလေး၏ လည်ကုပ်ညိုမည်း၊ ဝဲမျက်လုံးဖူးရောင်၊ လက်ပွန်း၊ယာလက်သန်းပြတ်ရှ၊ ကျောကုန်း တွင် နာကျင်ဒဏ်ရာများရရှိခဲ့ပြီး မစိုးရိမ်ရကြောင်းထုတ်ပြန်သည်။

လက်ရှိတွင် မြိတ်ခရိုင် လူမှု ဝန်ထမ်းဦးစီးဌာနအနေဖြင့် နှိပ် စက်ညှဉ်းပန်းခံရသည့် အိမ်အကူ မိန်းကလေးဘက်မှ တရားလိုပြု လုပ်၍ မြိတ်မြို့နယ်တရားရုံးတွင် ကျူးလွန်သူများကို တရားစွဲဆို ထားပြီး သက်ဆိုင်ရာဌာနများ၊ အဖွဲ့အစည်းများနှင့် ချိတ်ဆက် ဆောင်ရွက်နေကြောင်း တိုင်းလူမှု ဝန်ထမ်းဦးစီးဌာန ညွှန်မှူး ဒေါ်ခင် စန်းရီက ပြောသည်။

အဆိုပါအမှုကို တိုင်းအစိုးရ အဖွဲ့ ဝန်ကြီးချုပ်အပါအဝင် လူမှု ရေးဝန်ကြီးတို့ထံ တင်ပြထား ကြောင်း ၎င်းကဆက်ပြောသည်။

 

Top News