နန်းကျဘုရင်စာအုပ် မူရင်းရေးသားသူနှင့် ရေးသူ၊ ဖတ်သူ စကားဝိုင်းဆွေးနွေးပွဲ ကျင်းပ

မူရင်းစာရေးသူဆရာမ Sudha Shah ၊ ဘာသာပြန်သူ စာရေးဆရာဝင်းငြိမ်းနှင့် ဆရာမ မသီတာ(စမ်းချောင်း)တို့ကို တွေ့ရစဉ် (ဓာတ်ပုံ − Myat Lwinlwinaung ဖေ့စ်ဘွတ်ခ်)

 မြန်မာနိုင်ငံ၏ နောက် ဆုံးဘုရင်ဖြစ်သည့် သီပေါမင်းအ ကြောင်း ရေးသားထားသော ‘နန်း ကျဘုရင်’ 'The King In Exile' စာအုပ် မူရင်းစာရေးသူနှင့် စာ ဖတ်သူစကားဝိုင်း ဆွေးနွေးပွဲကို Yangon Book Plaza ၌ ယမန် နေ့က ပြုလုပ်ခဲ့သည်။

အဆိုပါစာအုပ်ကို အိန္ဒိယ စာရေးဆရာမ Sudha Shahက ရေးသားပြီး စာရေးဆရာ ဝင်းငြိမ်းက ဘာသာပြန်ထားခြင်း ဖြစ်သည်။

စာအုပ်ရေးသားရန် မူရင်း စာရေးသူသည် ခုနစ်နှစ်ကျော်အ ချိန်ယူခဲ့ပြီး ဓာတ်ပုံမှတ်တမ်းအပါ အဝင် မှတ်တမ်းအချက်အလက် များ အခြေခံရေးသားထားသည့် စာအုပ်ဖြစ်သည်။

‘‘သီပေါဘုရင်ဆိုတာ ငွေ ကြေးအားဖြင့်လည်း ကြွယ်ဝတယ်။ သူ့ဘဝမှာရခဲ့တဲ့ ဂုဏ်သရေရော အများကြီးရခဲ့ပြီးတော့မှ နန်းကျဘုရင် တစ်ပါးအနေနဲ့ တခြားနိုင်ငံကို ခေါ်သွားခံရတယ်။ ကွဲပြားခြားနားတဲ့ ဘဝကြီးကို ဘယ်လိုဖြတ်သန်းခဲ့ရသလဲ၊ ဘယ်လိုရင်ဆိုင်ခဲ့ကြသလဲ။ အဲဒါကြောင့် ဒီစာအုပ်အတွက် လိုအပ်တဲ့ အချက်အလက်တွေကို သုတေသနလုပ်ခဲ့ပါတယ်’’ ဟု စာရေး ဆရာမ Sudha Shah က ပြောသည်။

အဆိုပါ စာအုပ်ရေးသားရန် သီပေါမင်း၏ မြေးတော်လေးပါး ကို ကိုယ်တိုင်တွေ့ဆုံမေးမြန်းခဲ့ ပြီး စာရေးသားရန် မြန်မာနိုင်ငံ၏ ယဉ်ကျေးမှု၊ နောက်ခံသမိုင်း ကြောင်းများ သိရှိနိုင်ရန် စာအုပ် ၁၀၀ ကျော် ဖတ်ခဲ့ရကြောင်း ၎င်း က ပြောသည်။

‘‘ရခဲ့တဲ့  အချက်အလက် တော်တော်များများက မြန်မာလို ဖြစ်တယ်။ မြန်မာလိုတွေကို အင်္ဂ လိပ်လို ပြန်ဖို့တော်တော်အခက် အခဲရှိတယ်။ ဒေါက်တာသန်းဌေး ကူညီဘာသာပြန်ပေးခဲ့တယ်’’ဟု မူရင်းရေးသားသူက ဆိုသည်။

အဆိုပါ စာအုပ်တွင် ပါရှိ သည့် အကြောင်းအရာများသည် အချက်အလက် အမှန်ဟု ယုံ ကြည်ကြောင်း စာရေးဆရာ ဝင်း ငြိမ်းက ပြောသည်။

‘‘သီပေါမင်းပါတော်မူတဲ့အ ကြောင်းကို ဖတ်ဖူးပါတယ်။ ဆရာပေါင်းများစွာရေးခဲ့ဖူးပါတယ်။ ဘယ်မှာ အဆုံးသတ်သလဲဆိုရင် ရန်ကုန်ကနေ ထွက်သွားတဲ့နေရာ မှာ အဆုံးသတ်တယ်၊ ဟိုဘက် ရောက်တဲ့အကြောင်းတွေကို ဘယ်သူမှ မရေးခဲ့ပါဘူး’’ဟု ၎င်းက ဆိုသည်။

       အဆိုပါစာအုပ်နှင့်ပတ်သက်၍ သီပေါမင်း၏ အနွယ်တော် ဦးစိုးဝင်းက ‘‘သမိုင်းနဲ့ ပတ်သက်ပြီးတော့၊ သီပေါမင်းနဲ့ ပတ်သက်ပြီးတော့ ဘာမှမရှိသလောက်ပဲ။ အခုလို နိုင်ငံခြားသား တစ်ယောက်ကနေ ဒီမှာရှိတဲ့ နောက်ဆုံးဘုရင်ရဲ့အကြောင်းကို စိတ်ဝင်စားတယ်ဆိုတော့ စိတ်တော့မကောင်းပါဘူး။ ဒါက ကိုယ့်နိုင်ငံသားတွေ လုပ်ရမယ့်ကိစ္စပါ’’ ဟု ပြောသည်။

အဆိုပါစာအုပ်တွင် နန်း မကျမီ၊ ပါတော်မူပြီးဘဝနှင့် ပြည် တော်ပြန်ပြီးနောက် ဟူ၍ သုံးပိုင်း ပါဝင်သည်။

ယင်းဘာသာပြန်စာအုပ်ကို လွန်ခဲ့သည့် ၂ နှစ်ခန့်က ဖြန့်ချိခဲ့ ပြီး စတင်ဖြန့်ချိချိန်၌ပင် အုပ်ရေ ထောင်ချီရောင်းချခဲ့ရကာ သီပေါ မင်းနှင့်ပတ်သက်၍ အပြည့်စုံဆုံး ဖော်ပြထားသည့်စာအုပ်ဟု မှတ် ချက်ပြုခံရသည်။

More in News Section

Top News