‘ဝ’ တိုင်းရင်းသားများ ခရီးသွားလာခွင့် ကန့်သတ်မှု စစ်ရေးဆိုင်ရာကိစ္စများ ပါဝင်ဟု ဦးဇော်ဌေးပြော

ငြိမ်းချမ်းရေးကော်မရှင်က ညှိနှိုင်းနေဟုဆို

‘ဝ’ တိုင်းရင်းသားများ ခရီးသွားလာခွင့်ကန့်သတ်မှုခံရ ခြင်းသည် စစ်ရေးဆိုင်ရာ ကိစ္စများ ပါဝင်ပြီး ငြိမ်းချမ်းရေးကော်မရှင် က ညှိနှိုင်းနေကြောင်း သမ္မတရုံး ပြောရေးဆိုခွင့်ရှိသူ ဦးဇော်ဌေးက ပြောကြားသည်။

မိုင်းလား - ကျိုင်းတုံလမ်း ပိုင်းတွင် မြန်မာနိုင်ငံသား မှတ်ပုံ တင်ကတ်ပြားကိုင်ဆောင်ထား ကြသော ‘ဝ’တိုင်းရင်းသားလူမျိုး များကို ခရီးသွားလာခွင့်ပိတ်ပင် ကန့်သတ်သည့်ကိစ္စနှင့်ပတ်သက် ၍ အမြန်ဆုံး အဆင်ပြေအောင် ဆောင်ရွက်ပေးရန် ‘ဝ’လက်နက် ကိုင်အဖွဲ့(UWSA)နှင့် ‘ဝ’ ဒီမိုက ရက်တစ်ပါတီ၊ ‘ဝ’ အမျိုးသား စည်းလုံးညီညွတ်ရေး ပါတီတို့က တိုက်တွန်းတောင်းဆိုထားသည်။

‘‘အဲဒါက ဟိုဘက်မှာ စစ်ရေးဆိုင်ရာ ကိစ္စရပ်တွေလည်း ပါ တယ်။ စစ်ရေးဆိုင်ရာကိစ္စရပ်ဆို တာ မိုင်းလားမှာ တပ်စွဲထားတဲ့ ‘ဝ’ တပ်ဖွဲ့ ၄၀၀ လောက်ရှိတဲ့ဟာ ကလည်း ရှိသေးတယ်။ အဲဒါက ကျွန်တော်တို့ညှိနှိုင်းဆွေးနွေးနေ တုန်းပေါ့’’ဟု ဦးဇော်ဌေးက ပြော သည်။ ဆွေးနွေးညှိနှိုင်းမှုကို ငြိမ်း  ချမ်းရေးကော်မရှင်က ဆောင်ရွက်နေသည်ဟု ၎င်းက ပြောကြားသည်။

မိုင်းလားတွင် ‘ဝ’ တပ်ဖွဲ့ဝင် များ အနည်းအကျဉ်းကျန်ရှိနေပြီး ယင်းသို့ မိုင်းလားနယ်မြေအတွင်း ‘ဝ’တပ်ဖွဲ့များ နေရာယူထားခြင်း သည် ၂၀၀၉ ကတည်းက ဖြစ်သည် ဟု UWSA လားရှိုးမြို့ဆက်ဆံရေး ရုံး ဒုတိယတာဝန်ခံ ဦးညီရန်းက ဆိုသည်။

မိုင်းလားဒေသတွင် ‘ဝ’တပ် ဖွဲ့ဝင်များရှိနေခြင်းအပေါ် သမ္မတ ရုံးတာဝန်ရှိသူ၏ပြောဆိုမှုနှင့်ပတ် သက်၍ ဦးညီရန်းက ‘‘ဒါက ကျွန် တော်တို့ ညီနောင်တွေကိစ္စပါ။ ကျွန်တော်တို့အချင်းချင်း ပြဿနာ တစ်စုံတစ်ရာလည်း ဘာမှ မရှိဘဲ နဲ့ ပြဿနာမဟုတ်ပါဘူး။ ဒါက ကျွန်တော်တို့ညီနောင်ကိစ္စပါ’’ဟု ပြောသည်။

‘ဝ’  တပ်ဖွဲ့ဝင်များသည် စစ် ရေး လေ့ကျင့်သည်ဆိုကာ မိုင်း လားလက်နက်ကိုင်အဖွဲ့ (NDAA)နယ်မြေသို့ ၂၀၁၆ စက်တင်ဘာ တွင် အင်အားအလုံးအရင်းဖြင့် ဝင်ရောက်ခဲ့သည်။ အဆိုပါ‘ဝ’ တပ်ဖွဲ့ဝင်များ မိုင်းလားနယ်မြေ သို့ ဝင်ရောက်လာခြင်းကြောင့် ထိုစဉ်က တပ်မတော်နှင့် ‘ဝ’အဖွဲ့ အကြား တင်းမာမှုဖြစ်ခဲ့သည်။ မိုင်းလားအဖွဲ့ကလည်း ‘ဝ’ လက် နက်ကိုင်အဖွဲ့များ ရုပ်သိမ်းရေး ကြားဝင်ဆောင်ရွက်ပေးရန် အစိုး ရထံ အကူအညီတောင်းခဲ့သည်။

ထို့နောက်ပိုင်းတွင် မိုင်းလား အဖွဲ့နှင့် ‘ဝ’အဖွဲ့တို့ ညှိနှိုင်းမှုများ ဆောင်ရွက်ပြီးနောက် ‘ဝ’တပ်ဖွဲ့ ဝင်အများစု ပြန်ဆုတ်ပေးသော် လည်း တောင်ကုန်းတစ်ခုတွင် ‘ဝ’ တပ်ဖွဲ့ဝင်များ ကျန်နေသေးသည် ဟု မိုင်းလားအဖွဲ့တာဝန်ရှိသူက ၂၀၁၇ မတ်လတွင် 7Day Daily သတင်းစာအား ပြောကြားခဲ့သည်။

ယခု ‘ဝ’ တိုင်းရင်းသားများ ခရီးသွားလာမှုကန့်သတ်သည့် နယ်မြေဒေသသည်လည်း ယခင် က မိုင်းလားသို့ ‘ဝ’တပ်ဖွဲ့ဝင်များ ဝင်ရောက်ခဲ့သည့်ဒေသတစ်ဝိုက် ရှိ အစိုးရလုံခြုံရေးဂိတ်များတွင် ဖြစ်သည်။

UWSA နှင့် ငြိမ်းချမ်းရေး ကော်မရှင်အကြား ဆက်သွယ်မှု များရှိနေ၍ ‘ဝ’ တိုင်းရင်းသားများ ခရီးသွားလာမှုကန့်သတ်ခံရခြင်း အပေါ် ထည့်သွင်းဆွေးနွေးမည် ဟု ယုံကြည်ကြောင်းဦးညီ ရန်းက ပြောသည်။

‘‘အမျိုးသား ပြန်လည်သင့်မြတ်ရေးလုပ်နေတဲ့ အချိန်မှာ ဒါမျိုးတွေက အပြုသဘောမဆောင်ဘူးလေ’’ ဟု ၎င်းက ‘ဝ’တိုင်းရင်းသားများ ခရီးသွားလာခွင့် ကန့်သတ်ခံရမှုအပေါ်  ပြောကြားသည်။

‘ဝ’လူမျိုးများ ခရီးသွားလာမှု ကန့်သတ်ခြင်းကို မိုင်းလား- ကျိုင်းတုံလမ်းပိုင်းတွင်သာ ပြုလုပ်ပြီး လားရှိုး-တန့်ယန်း-ပန် ဆန်းလမ်းတွင်မူ ပိတ်ပင်ခံရခြင်းမရှိဟု ‘ဝ’ ဒီမိုကရက်တစ်ပါတီက ဆိုသည်။

More in News Section

Top News