ဆေးလိပ်၊ အရက်နှင့် ဘီယာတို့ကို အခွန်တိုးကောက်၍ ကျောင်းကျန်းမာရေးတွင် ပြန်လည်သုံးစွဲရန် လွှတ်တော်အမတ်အကြံပြု

 လူမှုကျန်းမာရေး ကို ထိခိုက်စေသည့် ဆေးလိပ်၊ အရက်၊ ဘီယာအခွန်များကို ပိုမို တိုးမြှင့်၍ ရရှိလာသော အခွန် ဘဏ္ဍာငွေထဲမှ ကျောင်းကျန်းမာ ရေး ရန်ပုံငွေထားရှိရန် ပြည်သူ့လွှတ်တော်ကိုယ်စားလှယ်တစ်ဦးက ယမန်နေ့တွင် ကျင်းပသော ပြည်သူ့လွှတ်တော် အစည်းအဝေး၌ အကြံပြုဆွေးနွေးသည်။

ကျောင်းကျန်းမာရေးလုပ် ငန်းများကို နိုင်ငံတော်အဆင့်မူဝါဒသတ်မှတ်၍ နှစ်စဉ်ဘဏ္ဍာငွေ ထည့်သွင်းကာ ရေရှည်စီမံချက် တစ်ရပ်ရေးဆွဲဆောင်ရွက်ပေးရန် အစိုးရအား တိုက်တွန်းကြောင်း အဆိုကို ရွှေဘိုမြို့နယ် ပြည်သူ့ လွှတ်တော်ကိုယ်စားလှယ် ဒေါက် တာ အေဇင်လတ်က တင်သွင်းရာအထက်ပါအတိုင်းအကြံပြုဆွေး နွေးပြောကြားခဲ့သည်။

‘‘ကျောင်းကျန်းမာရေးကော် မတီကလည်း သက်ဝင်လှုပ်ရှား လာပြီ။ မူဝါဒနဲ့ ဥပဒေလည်း ခိုင် မာလာပြီဆိုရင် နောက်ထပ်ဒီလုပ်ငန်းကို အကောင်အထည်ဖော်ဖို့ မဖြစ်မနေလိုအပ်တာကတော့ နှစ်စဉ်ရန်ပုံငွေရရှိဖို့ပဲ ဖြစ်ပါတယ်’’ ဟု ၎င်းက ဆိုသည်။

ဆေးလိပ်၊ ဆေးရွက်ကြီး၊ အရက်၊ ဘီယာအခွန်ကောက်ခံမှု မှ ရရှိသောဘဏ္ဍာငွေကို ကျောင်း ကျန်းမာရေး  လုပ်ငန်းများတွင် ထည့်ဝင်အသုံးပြုခြင်းသည် အိမ်နီးချင်းနိုင်ငံများသာမက နိုင်ငံတကာ၌ ကျင့်သုံးနေသည့်စနစ်ဖြစ်ကြောင်း ဒေါက်တာ အေဇင်လတ်က ရှင်းပြသည်။

၂၀၁၇ တွင် ပြဋ္ဌာန်းခဲ့ သော အခွန်အကောက်  ဥပဒေအရ ဆေးလိပ် (စီးကရက်) အခွန်ကို ဈေးနှုန်းပေါ်မူတည်၍ တစ်လိပ် လျှင် ၄ ကျပ်မှ ၁၆ ကျပ်အဖြစ် လည်းကောင်း၊ ဆေးရွက်ကြီးကို အခွန် ၆၀ ရာခိုင်နှုန်းအဖြစ်လည်း ကောင်း၊ အရက် ၁ လီတာတစ်ပုလင်းအခွန်ကို ဈေးနှုန်းအပေါ်မူ တည်၍ ၉၁ ကျပ်မှ ၆၀ ရာခိုင်နှုန်း အထိ လည်းကောင်း အသီးသီး ကောက်ခံရန် ပြဋ္ဌာန်းထားသည်။

အထက်ပါအဆိုကို ပြည်သူ့ လွှတ်တော်ကိုယ်စားလှယ်တစ်ဦး က ထောက်ခံပြီး လက်ခံဆွေးနွေးရန် ပြည်သူ့လွှတ်တော်က သဘောတူ၍ လွှတ်တော်၌ ဆက်လက်ဆွေးနွေးမည် ဖြစ်သည်။

‘‘ကျောင်းမုန့်ဈေးတန်းတွေ ကို အန္တရာယ်ကင်းစင်အောင် မ လုပ်နိုင်သေးတဲ့အချိန်မှာပဲ ကျွန်မ တို့ကလေးများကို ထိခိုက်စေနိုင် တဲ့ တခြားသောအကြောင်းကိစ္စ များကလည်း ပေါ်ပေါက်လာပါ တယ်’’ ဟု အဆိုတင်သွင်းသူ ဒေါက်တာ အေဇင်လတ်က ပြော သည်။ ကျောင်းကျန်းမာရေးလုပ် ငန်းများ ထိရောက်အောင်မြင်စေ ရန် အထက်ပါအဆိုကို တင်သွင်းခဲ့ပြီး ယင်းအဆိုသည် တစ်နိုင်ငံလုံးရှိကျောင်းသား၊ ကျောင်းသူများကို ကိုယ်စားပြုကြောင်း ဒေါက်တာ အေဇင်လတ်က လွှတ်တော်အား ရှင်းပြသည်။

ကျောင်းကျန်းမာရေးလုပ် ငန်းများသည် နိုင်ငံတော်က တာဝန်ယူဆောင်ရွက်ပေးရမည့်ကိစ္စဖြစ်ကြောင်းနှင့် ယင်းအတွက် သီးသန့်ဘတ်ဂျက်တစ်ခု  ထားရှိ၍ ဆောင်ရွက်ပေးသင့်ကြောင်း အ ဆိုကိုထောက်ခံသူ တွံတေးမြို့ နယ် ပြည်သူ့လွှတ်တော်ကိုယ်စား လှယ် ဦးမြင့်လွင်က ပြောသည်။

သို့ရာတွင် ၂၀၁၇ ဖေဖော်ဝါ ရီတွင် ပြည်သူ့လွှတ်တော်က အ တည်ပြုသော ကျောင်းမုန့်ဈေးတန်း အစားအသောက်ဘေး အန္တရာယ် ကင်းရှင်းရေး အဆိုသည် ယနေ့အထိ ကျောင်းမုန့်ဈေးတန်းများပေါ် အကျိုးသက်ရောက်ခြင်း မရှိဘဲ တစ်စုံတစ်ရာ မထူးခြားသေးကြောင်း အဆိုတင်သွင်းသူနှင့် ထောက်ခံသည့် ကိုယ်စားလှယ်နှစ်ဦးစလုံးက ပြောသည်။

Top News