မြစ်ဆုံဆောက်၊ မဆောက်နှင့် အနာဂတ်လျှပ်စစ်ထုတ်လုပ်ဖြန့်ဖြူးရေး

ကမ္ဘာ့ဘဏ်အုပ်စုထဲမှာပါ တဲ့ International Finance Corporation -IFC (နိုင်ငံတကာ ငွေကြေးအဖွဲ့အစည်း)က ရေ အားလျှပ်စစ် ထုတ်လုပ်ရေးဆိုင် ရာ မဟာဗျူဟာမြောက် ပတ်ဝန်း ကျင်ရေးရာ ဆန်းစစ်လေ့လာခြင်း ၂နှစ်တာ ဆောင်ရွက်ခဲ့ပြီး တွေ့ရှိ ချက်တွေကို ထုတ်ပြန်ခဲ့ပြီး ဖြစ်ပါ တယ်။ ဒီအစီရင်ခံစာအရ ရေ အားလျှပ်စစ် ထုတ်လုပ်မှုကြောင့် လူမှုပတ်ဝန်းကျင် ထိခိုက်နိုင် သော အခြေအနေပြ High, Medium&Low ဆိုပြီး ဇုန်သုံးဇုန် လေ့လာတွေ့ရှိပါတယ်။ High က ထိခိုက်နစ်နာမှုမြင့်တဲ့ ဇုန်ဖြစ် ပြီး ကျန်တာတွေကတော့ အသင့် အတင့်နှင့် နည်းပါးဇုန်တွေဖြစ်ပါ တယ်။ မေခ၊ မလိခ မြန်မာပြည် မြောက်ဖျား မြစ်ဆုံဆည် ခုနစ်ခု ဆောက်မယ့် နေရာဒေသက ထိခိုက်မှုမြင့်တဲ့ ဇုန်ထဲမှာပါပြီး ဆည်မဆောက်သင့်ကြောင်း အကြံပြုထားပါတယ်။ ဒီဒေသ ဟာ ဧရာဝတီမြစ်ကြီးရဲ့ ၄၂ ရာခိုင်နှုန်း ရေပေးဝေရာဒေသကြီး ဖြစ်ပြီး ဒီမြစ်ဝှမ်းဒေသ ထိခိုက် တာဟာ မြစ်ဝကျွန်းပေါ်နဲ့ ကမ်းရိုး တန်းဒေသတွေကိုပါ ထိခိုက်မှာ ဖြစ်ပါတယ်။

မြစ်အောက်ပိုင်းဒေသ စိုက် ပျိုးရေးအတွက် ရေနဲ့ မြေဆီသြ ဇာကြွယ်ဝတဲ့ နုန်းမြေတွေ အဓိက ပို့ချရာဖြစ်ပါတယ်။ ချင်းတွင်းမြစ် က နုန်းပို့ချမှုဟာ အောက်ခံဘူမိ ကျောက်သားနဲ့ မြေထုဖွဲ့စည်းပုံ အရ သဲကြမ်းတွေ ပို့ချတာဖြစ်ပြီး အဲဒီကကျတဲ့ နုန်းတွေက အသုံး မဝင် စိုက်ပျိုးမြေကို ပျက်စေပေ မယ့် မေခ၊ မလိခနဲ့ ဆက်စပ် ကုန်းမြင့်ဒေသကလာတဲ့ နုန်းဟာ စိုက်ပျိုးရေးအတွက် အသက်ပါ ပဲ။ မြစ်ဆုံအောက်မှာရှိတဲ့ မြစ် လက်တက်တွေဖြစ်တဲ့ ရွှေလီ၊ မြစ်ငယ်၊ မူး အစရှိတာတွေက ဆည်အသီးသီး ပိတ်ထားပြီးသား ဖြစ်လို့ မေခ၊ မလိခက ပိုလို့ တောင် အရေးပါပါသေးတယ်။ ရေချိုငါးမျိုးစိတ်တွေ ပေါကြွယ်ဝ မှုဟာ မြန်မာအတွက်သာမက ကမ္ဘာအတွက်ပါ အရေးကြီးပါ တယ်။ မြန်မာပြည်မှာ ငါးလုပ်ငန်း ကို မှီခိုသူ သုံးသန်းရှိပြီး အချိန်ပြည့်လုပ်ကိုင်သူ ရှစ်သိန်းရှိပါတယ်။ ဒီမြစ်ဝှမ်းဒေသ ပျက်စီးသွားရင် ရာစုနှစ်ချီပြီး ပြန်လည်ကောင်းမွန် လာအောင် အချိန်ယူကုစားရပါ လိမ့်မယ်။ ဒီဆုံးရှုံးမှုတွေဟာ သိပ် ကြီးလွန်းလို့ ရေအားလျှပ်စစ် ထုတ်လုပ်ခြင်းမပြုဖို့ အကြံပြုတာ ဖြစ်ပါတယ်။

ဒါဆိုရင် လျှပ်စစ်ဘယ်က ရမလဲ မေးခွန်းကိုဖြေဖို့ IFC က ထိခိုက်နိုင်ခြေ အသင့်အတင့်နှင့် နည်းပါးနိုင်တဲ့ မြစ်ဝှမ်းဒေသတွေ မှာ နည်းပညာအဆင့်တွေတိုးမြှင့် ပြီး EIA (သဘာဝပတ်ဝန်းကျင် ထိခိုက်နိုင်မှုစစ်တမ်း)သေသေ ချာချာလုပ်ပြီး ထုတ်လုပ်ရင် လျှပ် စစ်ဓာတ်အာ မဂ္ဂါဝပ် ၁၂,၀၀၀ လောက် ထုတ်နိုင်ပါတယ်လို့ ထောက်ပြပါတယ်။ လက်ရှိ မြန်မာပြည်မှာ ထုတ်လုပ်နေတဲ့ တပ်ဆင်လျှပ်စစ်ဓာတ်အား ထုတ်လုပ်မှုဟာ မဂ္ဂါဝပ် ၄,၀၀၀ လောက်ရှိပါတယ်။ မကြာသေး ခင်က စွမ်းအင်နှင့် လျှပ်စစ်ဝန်ကြီး ဌာနရဲ့ ကာလတို စီမံချက်နဲ့ ၂၀၂၂ မတိုင်မီ ထုတ်လုပ်မယ့် လျှပ်စစ်ဓာတ်အား ပမာဏ မဂ္ဂါ ဝပ် ၃,၀၀၀ ကျော်ဖြစ်ပါတယ်။ ဒါကြောင့် နောင်ငါးနှစ်အတွင်း စုစုပေါင်း မဂ္ဂါဝပ် ၇,၀၀၀ လောက်ဖြစ်လာမှာပါ။

အနာဂတ်လျှပ်စစ် လိုအပ် ချက်ကို ခန့်မှန်းတဲ့နေရာမှာ စီး ပွားရေးဖွံ့ဖြိုးမှုနှုန်း ပုံမှန် တစ်နှစ် ၈ ရာခိုင်နှုန်းရှိတယ်လို့ ယူဆရင် (လက်ရှိက GDP က ၆ ရာခိုင်နှုန်း၊ ဦးသိန်းစိန်လက်ထက် အမြင့်ဆုံး ၈ ရာခိုင်နှုန်းကျော်) ၂၀၃၀ပြည့်နှစ်မှာ လျှပ်စစ်လိုအပ်ချက်က မဂ္ဂါ ဝပ် ၁၅,၀၀၀ ပတ်လည်လောက် မှာပဲ ရှိနိုင်တယ်လို့ ခန့်မှန်းပါ တယ်။ ထိုင်းနိုင်ငံရဲ့ နှစ် ၃၀ အတွင်း အမှန်တကယ် ဓာတ် အားတိုးတက်သုံးစွဲမှုက တစ်နှစ် မဂ္ဂါဝပ် ၈၀၀လောက်ပဲ ရှိတယ်ဆို တာ တွေ့နိုင်မှာမို့ နောင် ၁၂ နှစ် အတွင်း စုစုပေါင်းလိုအပ်ချက်က ၁၅,၀၀၀ မဂ္ဂါဝပ်လောက်ပဲ ရှိနိုင် တယ်ဆိုတာ သိပ်မမှားနိုင်ပါဘူး။ ဒါကြောင့် လက်ရှိအစီအစဉ်အရ ကို မဂ္ဂါဝပ် ၇,၀၀၀ လောက် ၂၀၂၂ လောက်မှာ ထုတ်လုပ်ပြီး ဖြစ်မှာမို့ ၂၀၃၀ လိုအပ်ချက်ကို ဖြည့်ဖို့ မဂ္ဂါဝပ် ၈,၀၀၀ လောက် ထပ်မံတိုးချဲ့ ထုတ်လုပ်ဖို့ပဲ လိုမှာ ပါ။ ဒါကြောင့်မို့လို့ IFC ကလုပ် တဲ့ လေ့လာဆန်းစစ်မှုအရ လူမှု ပတ်ဝန်းကျင် ထိခိုက်မှုအနည်းဆုံး အနေအထားနဲ့ နောက်ထပ် မဂ္ဂါ ဝပ် ၁၂,၀၀၀ လောက် ထုတ်နိုင် တဲ့ ဇုန်တွေ တစ်နည်းအားဖြင့် မြစ်ဝှမ်းဒေသတွေ ဖော်ထုတ်ပေး တာဟာ မြန်မာနိုင်ငံ လျှပ်စစ် ကဏ္ဍ ဖွံ့ဖြိုးတိုးတက်ရေးအတွက် အလွန်အရေးပါ အသုံးဝင်ပါ တယ်။အစိုးရအနေနဲ့ အခုလို နိုင်ငံတကာ IFC လို အဖွဲ့အစည်းက ထောက်ခံပေးထားတဲ့ အစီအစဉ် အတိုင်း ဒီဇုန်တွေမှာ ရေအားလျှပ် စစ် ထုတ်လုပ်ဖို့ နိုင်ငံတကာ ရင်းနှီးမြှုပ်နှံသူတွေကို ကောင်း ကောင်းကြီး ဖိတ်ခေါ်လို့ရသွားပါ ပြီ။ လျှပ်စစ်ဓာတ်အား ထုတ်တာ ဟာ ကျိန်းသေပေါက် အမြတ် အစွန်းများတာမို့ ရင်းနှီးမြှုပ်နှံ လိုသူ ပေါပါတယ်။ ခုလို လေ့လာ ဆန်းစစ်ချက် ထုတ်ပေးလိုက် တော့ ရင်းနှီးမြှုပ်နှံသူတွေအတွက် အားသာချက်သုံးခု ရစေပါတယ်။ (၁) ရေအားလျှပ်စစ် တည် ဆောက်မှုကြောင့် ကြုံတွေ့နိုင်တဲ့ Risk ဆုံးရှုံးနိုင်ခြေ နည်းသွားလို့ ရယ်၊ (၂) ဘယ်နေရာမှာ ဘယ် လောက်ပမာဏ၊ ဘယ်လောက် ကြာကြာ လျှပ်စစ်ထုတ်လုပ် ရောင်းချနိုင်မယ်ဆိုတဲ့ အာမခံ ချက် ရရှိနိုင်မှုရယ်၊ (၃) IFC ကမကထလုပ်တဲ့ စူးစမ်းလေ့လာ မှုဖြစ်တာကြောင့် Bankability လို့ခေါ်တဲ့ ဘဏ်ချေးငွေရနိုင်မှု အခွင့်အလမ်းများတာရယ်တို့ ကြောင့်ပဲ ဖြစ်ပါတယ်။

အစိုးရအတွက်လည်း ဒီ အစီရင်ခံစာတွေ့ရှိချက်က လွန် စွာ အသုံးဝင်ပါတယ်။ လျှပ်စစ် ထုတ်နိုင်မယ့်နေရာတွေ ကွဲကွဲ ပြားပြား သိလာတာမို့ ဒီနေရာတွေ က ထွက်လာမယ့် လျှပ်စစ်တွေကို ဘယ်လို သွယ်တန်းဖြန့်ဖြူး အသုံး ပြုမလဲကို စနစ်တကျ အစီအစဉ် ရေးဆွဲရတာ ပိုလွယ်ကူသွားစေပါ တယ်။ ဒီလျှပ်စစ်တွေကို မဟာ ဓာတ်အားလိုင်းနဲ့ပဲ အကုန်အကျ ခံ သွယ်တန်းမလား (ဒါမှမဟုတ်) Decentralized Grid ဒေသ အလိုက် ဓာတ်အားသွယ်တန်း ဖြန့်ဖြူးမလား အစရှိတဲ့ နည်း ဗျူ ဟာချလို့ ရသွားပါတယ်။ Decentralized Grid ဆိုရင် အစိုးရ ရင်းနှီးစရာမလိုဘဲ ပုဂ္ဂလိ က ရင်းနှီးမြှုပ်နှံငွေ ဘယ်လိုဖိတ် ခေါ်မလဲ၊ ဥပဒေအရ အစိုးရ လက်ဝါးကြီးအုပ်ထားတာကို ဘယ်လိုဖြေလျှော့မလဲ စဉ်းစား နိုင်ပါတယ်။ နည်းပညာအရ လည်း လျှပ်စစ်ဆုံးရှုံးမှု နည်းစေ တဲ့ High Voltage Direct Current (HVDC) လို နည်းပညာ သုံး Grid လိုင်းတွေ ဘယ်လိုထည့် သွင်း အသုံးပြုမလဲ ရွေးချယ်လို့ရ သွားပါတယ်။ ရေအားလျှပ်စစ် ဟာ ဝေးလံခေါင်ဖျား တစ်နေရာ စီမှာ တည်ဆောက်ကြတော့ အသုံးပြုတဲ့သူတွေဆီ ဆုံးရှုံးမှု နည်းနည်းနဲ့ မြန်မြန်ရောက်ဖို့ HVDC လိုဟာ မျိုးတွေလိုပါတယ်။ ဒါတွေက ဈေးကြီးလွန်းလို့ အစိုးရ တတ်နိုင် ပါ့မလားလို့ စဉ်းစား စရာရှိပါတယ်။ ဖွံ့ဖြိုးလာတဲ့ လျှပ်စစ် နည်းပညာအနာဂတ်ကို ကြည့်ရင် တော့ HVDC အတွက် စတင်ရင်း နှီးမြှုပ်နှံတာက မမှား ပါဘူး။ Renewable Energy (ပြန်ပြည့် မြဲစွမ်းအင်)တွေဖြစ်တဲ့ Solar, Wind Energy (နေစွမ်း အင်၊ လေစွမ်းအင်)တွေ တိုးချဲ့ သုံးမယ်ဆိုရင် HVDC က ရွေး ချယ်ရမယ့် ကိစ္စပါပဲ။

IFC က လုပ်ဆောင်တဲ့ အကဲဖြတ် ဆန်းစစ်လေ့လာမှုမှာ လျှပ်စစ်ဝန်ကြီးဌာနရော၊ ပတ် ဝန်းကျင်ဌာနရော ပူးပေါင်းပါဝင် တာမို့ ဒီအစီရင်ခံစာ တင်ပြတဲ့ အတိုင်း အကောင်အထည်ဖော် ဆောင်ရွက်သွားကြမှာပါ။ ရေးဆွဲ ထားတဲ့ 2014 Energy Master Plan (၂၀၁၄ စွမ်းအင်မဟာစီမံ ကိန်း) ကိုလည်း ဒီကတွေ့ရှိချက် တွေ ထည့်သွင်းလို့ ပြုပြင်ရေးဆွဲ သွားမယ်လို့ သိရပါတယ်။ ဒီ အတိုင်း အကောင်အထည်ဖော် သွားနိုင်မယ်ဆိုရင် နတ်လူသာဓု ခေါ်ပါမယ်။

ဒီတစ်ခါ တရုတ်ပြည်က မိတ်ဆွေတွေ တွေ့တဲ့အခါ စီးပွား ရေးအတွက် ဒီလောက်အရေးကြီး တဲ့ လျှပ်စစ်ဓာတ်အားထုတ်လုပ် ဖို့ ငါတို့ လာရင်းနှီးမြှုပ်နှံတာ မင်းတို့မြန်မာတွေက ဘာလို့ ခါး ခါးသီးသီး ငြင်းဆန်ရတာလဲလို့ မေးရင် မြစ်ဆုံမလုပ်လည်း မီး ရနိုင်မယ့်နည်းတွေ ရှိလို့ပါလို့ ယဉ်ယဉ်ကျေးကျေးပဲ ဖြေလိုက်ပါ မယ်။ မြစ်ဆုံလုပ်မှ လူမှုပတ်ဝန်း ကျင် ဆုံးရှုံးမှုတွေများပြီး တရုတ်နဲ့ မြန်မာ အိမ်နီးနားချင်း ဆက်ဆံ ရေးတွေ ပျက်ပြားမှာ မလိုလားလို့ အနာပြည်မတည်ခင်မှာဘဲ အနာ ကိုလှီးထုတ်လိုက်ရတာပါကွာလို့ ရှင်းပြလိုက်ပါမယ်။

ကိုင်း...မြစ်ဆုံလော်ဘီတွေ ရေ လျှပ်စစ်ရမှ ဖွံ့ဖြိုးတိုးတက် မယ်ဆိုပြီး ကြော်ငြာထိုး မဲဆွယ်၊ ပြည်သူ ထောက်ခံမဲရအောင် လုပ်တဲ့နည်း အလုပ်မဖြစ်လောက် တော့ဘူး။ Communication Strategy လေးပြောင်းဖို့ ငှားထား တဲ့ အမေရိကန် PR Firm (လူထု ဆက်ဆံရေး အကြံပေးကုမ္ပဏီ)ကို ပြောလိုက်ပါဦးကွာ။ အမေရိ ကန်တွေ တောင်းသမျှငွေပေးနေ မယ့်အစား ရိုးရိုးသားသား အမှန် တကယ် ကုန်ကျစရိတ် ပြုစုထား ပြီး ပြန်ရရပါလို၏လို့ပဲ ဆု တောင်းပါ။

(ဖော်ပြပါ ဆောင်းပါးသည် စာရေး

သူ၏ အာဘော်သာဖြစ်ပါသည်)

Top News