ဓမ္မိကဘသန်း မှတ်စု

ဘသန်း(ဓမ္မိက)ဆိုပါက စာရေးဆရာ Richard Bach ၏ Jonathan Livingston Seagull (ယောနသံ စင်ရော်) စာအုပ်နှင့် ပူးတွဲမြင်ကြပါမည်။ ယောနသံ စင်ရော်စာအုပ်သည် ၁၉၇၃ ကတည်းက မြန်မာဘာ သာပြန်ဖြင့် ထွက်ရှိပြီးဖြစ်သော်လည်း မူရင်းစာအုပ် နီးပါး အကြိမ်ရေများစွာ ပုံနှိပ်နေရဆဲဖြစ်သည်။ အဆိုပါစာအုပ်တွင် ပါရှိသော ဒဿနများက ယနေ့တိုင် မဟောင်းနွမ်းသေး၊ ‘သုခဘုံဟူသည်မရှိ ပညာအရာ တွင် အချိန်၊ ပမာဏအတိုင်းအဆ၏ အကန့်အသတ် မဲ့သော တတ်မြောက်ခြင်းသာပင် သုခဘုံဖြစ်သည်’ ဟူသော ဒဿနက ရှင်သန်ဆဲဖြစ်သည်။ 


ထိုစာအုပ်ကို ဘာသာပြန်ခဲ့သော ဓမ္မိကဘသန်း သည် တပ်မတော်တွင် ဗိုလ်မှူးကြီးအဆင့်အထိ တာ ၀န်ထမ်းဆောင်ခဲ့သလို ယနေ့တိုင် ထင်ရှားသော လောကနတ်ပန်းချီပြခန်းကို တည်ထောင်သူလည်း ဖြစ်၏။ ဒဿနစာပေများသာမက ပညာဉာဏ်ရင့်သန်သူဖြစ်ပြီး ဘွဲ့ထူးဂုဏ်ထူးအများအပြား ချီးမြှင့်ခံရသော်လည်း ဓမ္မိက ဆိုသော ဘာသာရေးဘွဲ့တစ်ခုသာ ခံယူခဲ့သူဖြစ်သည်။ ယခုအခါ ၎င်းဘ၀တစ်လျှောက်လုံး စုဆောင်းခဲ့သော မှတ်စုများကို စုစည်း ၍ စာအုပ်အဖြစ် ထွက်လာပါသည်။ ထိုစာအုပ်တွင် စာလုံးရေ အများအပြားမပါသော်လည်း ပါရှိသည့် စကားလုံးတိုင်း၊ စာပိုဒ်တိုင်းသည် အတွေးအခေါ် ပြည့်ဝသော စာများသာဖြစ်သည်။ အနည်းငယ် ကောက်နုတ်ဖော်ပြရပါက.....

Great Peace

Great peace is found in

Little busy-ness.

-Chaucer

(14th Century)

ဇီဝိတ ကမ္မဇတေဇောဓာတ်နှင့် စိတ်ဝိဉာဏ်တို့ သည် အကြင်အခါဤခန္ဓာကိုယ်ရုပ်အစုကို စွန့်ခွာ သွားကုန်၏။ ထိုအခါ ဤခန္ဓာကိုယ်သည် အသုံးမ၀င် သော ထင်းတုံးပမာ စွန့်ပစ်အပ်သည်ဖြစ်၏။

(ခန္ဓ၀ဂ္ဂသံယုတ်)

နှုတ်တိတ်ဆိတ်မှု၊ စိတ်တိတ်စိတ်မှု၊ အလိုတိတ် ဆိတ်မှုဟူ၍ တိတ်ဆိတ်မှုအဆင့်သုံးဆင့်ရှိ၏။ အ ကျိုးမရှိသောစကားကို ပြောဆိုခြင်းမှ ရှောင်ကြဉ်ရန် ခက်ခဲ၏။ စကားတောင်းစားသညာနှင့် စိတ်ကူးကို ငြိမ်သက်အောင်လုပ်ရန်မှာ ပို၍ခက်ခဲ၏။ လိုအင် ဆန္ဒနယ်အတွင်း၌ တွယ်လိုမှုအသံများ၊ ပယ်လိုမှုအ သံများ ရပ်စဲသွားအောင်လုပ်ရန်မှာ အခက်ဆုံးဖြစ်၏။

(စာရေးဆရာဟပ်စလေ)

ငွေစာရင်းများကို ညနေတိုင်း ညနေတိုင်း အ ကြွေးမထားဘဲ ရှင်းလင်းပြီး နောက်တစ်နေ့ကျရင် အသစ်အသစ်ဖြစ်တဲ့ စာရင်းများကို ထပ်မံထည့်သွင်း တဲ့ စာရင်းရှင်တစ်ယောက် ဥပမာလိုပေါ့။ ဒီလို ည တိုင်းညတိုင်း စိတ်စာရင်းရှင်းပစ်တဲ့လူဟာ ငြိမ်သက် တဲ့စိတ်၊ ဗလာဟင်းလင်းဖြစ်တဲ့စိတ်၊ စိုးရိမ်ကင်းတဲ့ စိတ်၊ မရှုပ်ထွေးတဲ့စိတ်၊ မပူပင်တဲ့စိတ်၊ အကြောက် ကင်းတဲ့စိတ်နဲ့ အိပ်ပျော်သွားနိုင်ပါတယ်။ ဒီလိုလူမျိုး မှာ နိုးလာတဲ့အခါပျော်ရွှင်မှုရဲ့အကျိုးသက်ရောက်မှု မဟုတ်တဲ့ အလင်းရောင်၊ စိတ်အကြံစိတ်တွေးရဲ့အ ကျိုးသက်ရောက်မှုလည်းမဟုတ်တဲ့ အလင်းရောင်မျိုး ဟာ ဖြစ်ပေါ်နေနှင့်ပါတယ်။ ဒီအလင်းရောင်ဟာ ပညာဉာဏ်ဖြစ်ပါတယ်။ မေတ္တာတရား မေတ္တာဓာတ် လည်း ဖြစ်ပါတယ်။ ကျွန်တော်တို့ဟာ အကျင့်သီလ ဓလေ့ထုံးစံအစဉ်အလာတွေကြားထဲ ကြီးပြင်းလာခဲ့ ကြရပါတယ်။ အဲဒီအကျင့်သီလဓလေ့ထုံးစံအစဉ်အ လာတွေရဲ့ အဆင်မပြေမှုကို ဆိတ်သုဉ်းသွားအောင် ဒီအလင်းက လုပ်ပစ်လိုက်ပါတယ်။

(ခရစ်ရှနာမူရ်တီ)

အမှန်ဆုံးသစ္စ၊ အလှဆုံး သောဘ၊

အချစ်ဆုံး မေတ္တဆိုတဲ့

လူ့ဘ၀ရဲ့ ပဓာနသုံးပါးကို

ဆိုက်ရောက်တွေ့မြင်စေတဲ့ မဂ်ခရီးကို

သွားချင်ရင် ဘာလုပ်ရမှာလဲ။

အထုပ်အပိုးပြင်ပေါ့၊

ပြင်ပြီး ဘူတာရုံကိုသွားတဲ့အခါ

အဲဒီအထုပ်အပိုးတွေကို အိမ်မှာထားခဲ့ပေါ့။

ရထားအချိန်မီအောင်လည်း သွားပေါ့၊

ရထားထွက်တော့လည်း မတက်ဘဲနေရစ်ခဲ့ပေါ့။

ဟုတ်ပါတယ်။ ဒီလိုလုပ်ရတာချည်းပါပဲ။

(After a Zen saying)

ဟူ၍ ဖော်ပြပါရှိသည်။ ယခုစာအုပ်ကို မုံရွေး စာပေက တန်ဖိုး ၃,၀၀၀ ကျပ်ဖြင့် ဖြန့်ချိသည်။