ဂျိုးဖြူရေသန့်ရှင်းသော်လည်း နေရာဒေသအလိုက်ထပ်ဖြန့်သော ပိုက်များကြောင့် ညစ်ညမ်းမှုဖြစ်ပေါ်ဟု စစ်တမ်းတစ်ခုဆို

ရန်ကုန်မြို့အား ရေပေးဝေလျက်ရှိသည့် ဂျိုးဖြူပိုက်လိုင်းတစ်နေရာအား တွေ့ရစဉ် (ဓာတ်ပုံ − စိုင်းဇော်)

ဂျိုးဖြူရေပိုက်မှ မူလ ဖြန့်ဖြူးသည့်ရေသည် သန့်ရှင်းမှုရှိ သော်လည်း နေရာဒေသအလိုက် ထပ်ဆင့်ဖြန့်ဝေသောပိုက်များ၏ အခြေအနေကြောင့် ညစ်ညမ်းမှု များဖြစ်ပေါ်နေကြောင်း စိမ်းလန်း အမိမြေသဘာ၀၀န်းကျင်ဓာတ်ခွဲ ခန်း၌ စမ်းသပ်လေ့လာသည့်စစ် တမ်းတွင် ဖော်ပြထားသည်။


ရန်ကုန်မြို့တွင်း ရေပေး ဝေရေးစနစ်မှ ဖြန့်ဖြူးနေသည့်ရေ များ သန့်ရှင်းမှုကို လေ့လာနိုင်ရန် ဗက်တီးရီးယား ညစ်ညမ်းမှုများ ကို စိမ်းလန်းအမိမြေသဘာ၀၀န်း ကျင်ဓာတ်ခွဲခန်း၌ စမ်းသပ်လေ့ လာခဲ့ရာ မြောက်ဥက္ကလာ၊ တောင်ဥက္ကလာ၊ တာမွေ၊ စမ်း ချောင်းနှင့် လှိုင်မြို့နယ်ရှိ အိမ်ရာ များမှ ရေနမူနာရှစ်ခုကောက်ယူ ၍ အဏုဇီဝဓာတ်ခွဲခန်းနည်းစဉ် Most Probable Number Method (MPNM)အရ Coliform ဗက်တီးရီးယားအရေအတွက်ကို လေ့လာစူးစမ်းခဲ့ကြောင်း ထုတ် ပြန်ချက်ကဆိုသည်။

စမ်းသပ်နေရာများအနက် လှိုင်မြို့နယ် (၁၀)ရပ်ကွက်နှင့် (၁၃) ရပ်ကွက်မှ ရေနမူနာသည် ညစ်ညမ်းမှုရှိကြောင်း ဖော်ပြထား သည်။ ထို့အပြင် လှိုင်မြို့နယ် (၅) ရပ်ကွက်၊ မြောက်ဥက္ကလာစက်မှု ဇုန်၊ ဘောဂဗလလမ်း၊ တာမွေ မအူကုန်းရပ်ရေနမူနာသည် ညစ် ညမ်းမှုများကြောင်း၊ စမ်းချောင်း အောင်ချမ်းသာရပ်ကွက်နှင့် သာ ကေတမာန်ပြေသည် ညစ်ညမ်းမှု မြင့်မားကြောင်း ဖော်ပြထား သည်။ တောင်ဥက္ကလာ (၉) ရပ် ကွက်ရှိ ရေနမူနာတစ်ခုသာ သန့် ရှင်းမှုရှိကြောင်း ဖော်ပြထား သည်။

စမ်းသပ်နမူနာရှစ်ခုတွင် တောင်ဥက္ကလာ (၉) ရပ်ကွက်၌ တွေ့ရသော ရေနမူနာမှလွဲ၍ကျန် ရေနမူနာအားလုံး Coliform စံ သတ်မှတ်ချက်ထက် ကျော်လွန် နေကြောင်း တွေ့ရသော်လည်း ညစ်ညမ်းမှုအများဆုံးနေရာများ အပါအ၀င် မည်သည့်ရေနမူနာ များတွင်မှ E.Coli(လူနှင့်တိရစ္ဆာန် အညစ်အကြေးများတွင် ပေါက် ရောက်လေ့ရှိသောဗက်တီးရီးယား ပိုး)ကို မတွေ့ရကြောင်း ဓာတ်ခွဲ ခန်းစမ်းသပ်လေ့လာမှု စစ်တမ်း ထုတ်ပြန်ချက်တွင်ပါရှိသည်။

ဂျိုးဖြူရေပိုက်မှ ရေရရှိသည် ခြင်းတူသော်လည်း Coliform အ ရေအတွက် ကွဲပြားစွာတွေ့ရှိရ သောကြောင့် မူလဖြန့်ဖြူးသည့် ရေအရည်အသွေးထက် နေရာ ဒေသအလိုက်ရေဖြန့်ဖြူးသော ပိုက်များ၏ အခြေအနေကြောင့် ညစ်ညမ်းမှုဖြစ်ပေါ်ရကြောင်း စစ် တမ်းကဆိုသည်။

တောင်ဥက္ကလာရှိရေသည် စံသတ်မှတ်ချက်ဘောင်အတွင်း ရှိပြီး မြောက်ဥက္ကလာပရှိရေသည် ညစ်ညမ်းနေခြင်းက ဤအချက် ကို ထင်ရှားစေကြောင်း ထောက် ပြပြီး မစင်အညစ်ကြေးတွင်တွေ့ ရသော Ecoli ပိုးသည် ဤလေ့လာ စူးစမ်းမှုတွင် မတွေ့ရသော်လည်း ရေပိုက်များနှင့် မစင်အညစ်အ ကြေးများ ထိစပ်နေသောနေရာ များ၌ ရှိနိုင်သဖြင့် လေ့လာစူး စမ်းမှုများ ထပ်မံဆောင်ရွက်ပြီးမှ ကောက်ချက်ချသင့်သည်ဟု စစ် တမ်းတွင်ဖော်ပြထားသည်။ ထို့ အပြင် ကျန်သည့်ဓာတု၊ ရူပဂုဏ် သတ္တိများကိုပါ ဆန်းစစ်သင့် ကြောင်း အကြံပြုထားသည်။

သက်ဆိုင်ရာတာဝန်ရှိသူ များ စဉ်းစားဆောင်ရွက်နိုင်ရန် ယခုကဲ့သို့ စစ်တမ်းကိုထုတ်ပြန် ခြင်းဖြစ်ကြောင်း စိမ်းလန်းအမိ မြေသဘာဝပတ်ဝန်းကျင်ထိန်း သိမ်းရေးအသင်းစီမံအုပ်ချုပ်မှု ဒါရိုက်တာဦးဝင်းမျိုးသူက ဆို သည်။

‘‘ရေတော့ ကျိုချက်သောက် ဖို့တော့လိုမှာပေါ့။ ဘာလို့လဲဆို လွှတ်တဲ့ရေတွေက မဆိုးဘူး။ အဲ ဒီပိုက်တွေက ဆိုးနေတာပေါ့။ ပိုက်တွေပြင်ဖို့ဆိုတာလည်း လုပ် နိုင်မယ်မထင်ဘူး။ ရေသာ ကျို ချက်သောက်ပေတော့ပေါ့’’ ဟု ၎င်းကလူထုကိုအကြံပြုသည်။

အခြားမြို့နယ်များရှိ ရေနမူ နာများကို ယခုကဲ့သို့ စမ်းသပ်လေ့ လာရန် အစီအစဉ်ရှိသည်ဟု ဦး ၀င်းမျိုးသူကပြောသည်။ သန့်ရှင်း မှုမရှိသည့်ရေကို ကျိုချက်ခြင်းမရှိ ဘဲ သောက်သုံးခြင်းအားဖြင့် ၀မ်းရောဂါနှင့်အသည်းရောင် အသား ၀ါရောဂါအပါအ၀င် ကျန်းမာရေး ထိခိုက်နစ်နာမှုများခံစားရနိုင်ဟု ၎င်းကဆိုသည်။

Top News