နယ်စပ်ရေးရာဝန်ကြီးဌာနနှင့် နိပွန်ဖောင်ဒေးရှင်းစေတနာအဖွဲ့တို့ ပူးပေါင်း၍ ကယားပြည်နယ်တွင် စာသင်ကျောင်း ၁၂၀ ဆောက်လုပ်မည်

ဂျပန်နိပွန်ဖောင်ဒေးရှင်းစေတနာအဖွဲ့က ဆောက်လုပ်လှူဒါန်းခဲ့သော လုံဟေးမူလွန်ကျောင်းကို တွေ့ရစဉ် (ဓာတ်ပုံ − စိုင်းကိုကိုထွန်း)

ဂျပန်နိပွန်ဖောင်ဒေးရှင်း စေတနာအဖွဲ့၏ ငြိမ်းချမ်းရေးနှင့် ဖွံ့ဖြိုးတိုးတက်ရေး ပညာသင် ကြားခြင်း စီမံကိန်းစတုတ္ထအဆင့် အဖြစ် ကယားပြည်နယ်အတွင်း စာသင်ကျောင်းဆောင် ၁၂၀ ဆောက်လုပ်ရန် စီစဉ်နေကြောင်း နယ်စပ်ရေးရာဝန်ကြီးဌာန ပြည် ထောင်စုဝန်ကြီး ဒုတိယဗိုလ်ချုပ် ကြီးရဲအောင်က ပြောကြားသည်။

မတ်လ ၃ ရက်က ရှမ်းပြည် နယ် ပအိုဝ်းကိုယ်ပိုင်အုပ်ချုပ်ခွင့် ရဒေသ ဟိုပုံးမြို့နယ် လုံဟေး ကျေးရွာ၌ ဂျပန်နိုင်ငံ နိပွန်ဖောင် ဒေးရှင်း စေတနာအဖွဲ့က ဆောက်လုပ်လှူဒါန်းသည့် လုံဟေးမူလွန် ကျောင်းဆောင်သစ် ဖွင့်ပွဲအခမ်းအနားတွင် ပြည်ထောင်စုဝန်ကြီး က အထက်ပါအတိုင်း ပြောကြား ခြင်းဖြစ်သည်။


လက်ရှိတွင် နယ်စပ်ရေးရာ ဝန်ကြီးဌာနနှင့် နိပွန်ဖောင်ဒေး ရှင်း စေတနာအဖွဲ့တို့ ပူးပေါင်း၍ ငြိမ်းချမ်းရေးနှင့် ဖွံ့ဖြိုးတိုးတက် ရေး ပညာသင်ကြားခြင်း စီမံကိန်း အဖြစ် ရှမ်းပြည်နယ် မြောက်ပိုင်း နှင့် တောင်ပိုင်း၌ ကျောင်းဆောင် သစ်များ ဆောက်လုပ်နေပြီး ဆက် လက်၍ ကယားပြည်နယ်တွင်ပါ တိုးချဲ့တည်ဆောက်မည်ဖြစ် ကြောင်း ဒုတိယဗိုလ်ချုပ်ကြီး ရဲအောင်ကပြောသည်။

 စီမံကိန်းပထမအဆင့်ကို နိပွန်ဖောင်ဒေးရှင်း၏ ရန်ပုံငွေပံ့ပိုးပေးမှုဖြင့် ရပ်ရွာလူထုများ ပူး ပေါင်း၍ ရှမ်းပြည်နယ်တွင် ၂၀၀၂မှ ၂၀၀၇ အတွင်း ကျောင်း ၁၀၀  ဆောက်လုပ်ခဲ့သည်။ ဒုတိယအ ဆင့်အဖြစ် ၂၀၀၇ မှ ၂၀၁၂ အ တွင်း ကျောင်း ၁၀၀၊ တတိယအဆင့်ကို ၂၀၁၃ မှ ၂၀၁၈ အတွင်းကျောင်း ၁၀၀ အပါအဝင် ကျောင်းဆောင်စုစုပေါင်း ၃၀၀ ကို နိပွန် ဖောင်ဒေးရှင်းက ဆောက်လုပ် လှူဒါန်းခဲ့ကြောင်း ပြည်ထောင်စု ဝန်ကြီးက ဆိုသည်။

 အခြေခံအဆောက်အအုံ များစွာလိုအပ်နေသည့် တိုင်းရင်း သားဒေသများတွင် နိပွန်ဖောင် ဒေးရှင်းအနေဖြင့် စာသင်ကျောင်း များ တည်ဆောက်ခြင်း၊ စာသင် ကျောင်းအဟောင်းများ ပြုပြင်ပေး သည့်အပြင် ဒေသခံများအား စိုက်ပျိုးရေးနည်းပညာများ ပံ့ပိုးကူညီ ခြင်း စသည်တို့ကို ကူညီထောက်ပံ့ပေး၍ ကျေးဇူးတင်ဂုဏ်ယူ ကြောင်း ၎င်းက ဆက်လက်ပြော ကြားသည်။

နိပွန်ဖောင်ဒေးရှင်း စေတနာအဖွဲ့က ယင်းသို့ ကျောင်းဆောင် များ ဆောက်လုပ်လှူဒါန်းရာတွင် ဒေသခံများ၏ လုပ်အားကို ရယူတည်ဆောက်ခြင်းဖြစ်ပြီး ကျောင်းဆောက်လုပ်ပြီးစီးမှသာ ၎င်းတို့၏ လုပ်အားခကို တွက်ချက်၍ ကျောင်းဆောင် ရန်ပုံငွေအဖြစ် ပြန်လည်လှူဒါန်းသည့် စနစ်ကို ကျင့်သုံးကြောင်း ဝန်ကြီးက ဆို သည်။

‘‘ဒီလို ဒေသခံတွေရဲ့ လုပ် အားပါပြီး ကျောင်းဆောက်လုပ် လှူဒါန်းတာဟာ ဒီကျောင်းကို ငါ တို့ပိုင်တဲ့ကျောင်းဆိုတဲ့ စိတ်ဓာတ်မျိုးရရှိစေပါတယ်။ ကျောင်းရန်ပုံ ငွေ ထူထောင်တဲ့စနစ်ဟာ အင် မတန်ကောင်းမွန်ပြီး စာသင် ကျောင်းများ ရေရှည်ထိန်းသိမ်း နိုင်ဖို့အတွက် များစွာအထောက် အကူပြုပါတယ်’’ဟု ၎င်းက ဆက် လက်ပြောသည်။

ယင်းအခမ်းအနားကို အမျိုး သားလွှတ်တော်ဥက္ကဋ္ဌ၊ ဝန်ကြီး၊ဒုဝန်ကြီးများ၊ ရှမ်းပြည်နယ်ဝန် ကြီးချုပ်နှင့် အဖွဲ့ဝင်များ၊ အရှေ့ပိုင်းတိုင်းစစ်ဌာနချုပ် တိုင်းမှူး၊ပအိုဝ်း ကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ဥက္ကဋ္ဌ၊ ကျေးရွာအသီးသီးမှ ဆရာ၊ ဆရာမများ နှင့် ကျောင်းသား၊ ကျောင်းသူများအပါအဝင် ဒေသခံပအိုဝ်းတိုင်း ရင်းသားများ တက်ရောက်ခဲ့ သည်။

Top News