ငြိမ်းစုစီဥပဒေအား ပြင်ဆင်သည့်ဥပဒေကြမ်း အာဏာရှင်ဆန်ပြီး ပြည်သူကို ဖိနှိပ်သည့်သဘောဖြစ်၍ ပယ်ဖျက်ရန် ဒီချုပ်အမတ်ဆွေးနွေး

အမျိုးသားလွှတ်တော်ကိုယ်စားလှယ် ဦးဌေးဦး ဆွေးနွေးနေစဉ် (ဓာတ်ပုံ − အမျိုးသားလွှတ်တော်)

 ငြိမ်းစုစီဥပဒေ အား ပြင်ဆင်သည့် ဥပဒေကြမ်း သည် အာဏာရှင်ဆန်ပြီး ပြည်သူ လူထုကို ဖိနှိပ်သည့် သဘော သက်ရောက်နေ၍ အင်န်အယ်လ် ဒီပါတီ၏ ရပ်တည်ချက်နှင့် ကိုက် ညီမှုမရှိသဖြင့် ပယ်ဖျက်ပေးရန် ရန်ကုန်တိုင်းဒေသကြီး မဲဆန္ဒ နယ် အမှတ်(၂) အမျိုးသားလွှတ် တော်ကိုယ်စားလှယ် ဦးဌေးဦးက ပြောသည်။

မတ်လ ၅ ရက် အမျိုးသား လွှတ်တော်၌ ငြိမ်းစုစီဥပဒေကို ပြင်ဆင်သည့် ဥပဒေကြမ်းနှင့် စပ် လျဉ်း၍ ဆွေးနွေးရာတွင် ဦးဌေးဦး က ကန့်ကွက်ပြောဆိုခဲ့သည်။


‘‘ဒီဥပဒေရဲ့ စံချိန်စံညွှန်းက ဒီမိုကရေစီရဲ့ စံချိန်စံညွှန်းနဲ့ မကိုက်ညီသလို အင်န်အယ်လ်ဒီ ပါတီရဲ့ ရပ်တည်ချက်တွေနဲ့ မကိုက်ညီပါဘူး။ စစ်မှန်တဲ့ ဒီမိုကရေစီနိုင်ငံတော်ကြီး ပေါ်ပေါက် လာဖို့လုပ်မယ်။ အာဏာရှင်ဆန် ပြီး ပြည်သူလူထုကို ဖိနှိပ်တဲ့ကိစ္စ တွေကို မည်သည့်အခါမှ ပေါ် ပေါက်ခြင်း မရှိစေရေးအတွက် လုပ်ကိုင်ဆောင်ရွက်ဖို့ သန္နိဋ္ဌာန် ချထားတဲ့ ရည်ရွယ်ချက်နဲ့ ဒီဥပဒေကြမ်းမှာပါတဲ့ ပြဋ္ဌာန်းချက် စကားလုံးတွေက ညီညွတ်မှုမရှိ တဲ့အတွက်ကြောင့် ပယ်ဖျက်သင့် ပါတယ်’’ဟု ၎င်းကပြောသည်။

 ဥပဒေပါ အချက်အလက် များ တိတိကျကျ မရှိသည့် ပြဋ္ဌာန်းချက်သည် သရေကွင်းကဲ့ သို့ လိုလျှင်တစ်မျိုး၊ မလိုလျှင် တစ်မျိုး ပြုလုပ်နိုင်သည့် အာဏာ ရှင်အကြိုက် ပြည်သူများကို ဖိနှိပ် သည့် ဥပဒေဖြစ်နေသည်ဟု ၎င်း ကပြောသည်။

အဆိုပါဥပဒေကို ပြင်ဆင် ပါက အလုပ်သမား၊ လယ်သမား များ၏ အခွင့်အရေး တောင်းဆိုမှု၊ တိုင်းရင်းသားများ၏ အခွင့်အရေး ကာကွယ်မှုများ ဆုံးရှုံးမည်ဟု ရခိုင်ပြည်နယ် မဲဆန္ဒနယ် အမှတ်(၃) အမျိုးသားလွှတ်တော်ကိုယ်စားလှယ် ဦးခင်မောင်လတ်က လွှတ်တော်တွင်း ဆွေးနွေးရာ ၌ ပြောသည်။

‘‘ဒီဥပဒေ ပြင်ဆင်ချက်တွေ မှာ ငြိမ်းချမ်းစွာ ဆိုတဲ့စကားများ ပါဝင်သော်လည်း ငြိမ်းချမ်းစွာ လုပ်ဆောင်နေတဲ့သူတွေကို ပြစ် ဒဏ်ပေးသလို ဖြစ်နေပါတယ်’’ဟု ၎င်းက လွှတ်တော်အစည်းအဝေး တွင် ဝေဖန်ပြောဆိုသည်။

ယခင်က ဖွဲ့စည်းပုံအခြေခံ ဥပဒေ ပြင်ဆင်ရန် လူထုလက် မှတ် ငါးသိန်းကျော် ကောက်ခံပြီး လွှတ်တော်နှင့် သမ္မတထံ တင်ပြ ခဲ့သည့် ကိစ္စရပ်များရှိ၍ ယခု အဆိုပါဖြစ်စဉ်များ ရှိကောင်းရှိလာနိုင်မည်ဖြစ်ရာ ငြိမ်းချမ်းစွာစုဝေးခြင်းနှင့် ငြိမ်းချမ်းစွာစီတန်းလှည့်လည်ခြင်းဆိုင်ရာဥပဒေအား ပြင်ဆင်သည့် ဥပဒေသည် အတား အဆီးအဖြစ် ဖြစ်လာနိုင်သည်ကို သတိပြုရမည်ဟု ဦးခင်မောင် လတ်က ထောက်ပြပြောဆိုသည်။

‘‘ဥပဒေမှာ တိကျတဲ့သတ် မှတ်ချက်၊ အဓိပ္ပာယ်ဖွင့်ဆိုချက် မရှိဘဲနဲ့ လိုရင်လိုသလို ဆွဲနေခြင်း က အခြေခံလူ့အခွင့်အရေးကို ထိပါးနှောင့်ယှက်တာမျိုး ဖြစ်နိုင် ပါတယ်။ ဒါကြောင့် ဥပဒေဆိုတာ ကြီးက ပြည်သူတွေကို ခက်ခဲ အောင်လုပ်မှာလား၊ လွယ်ကူ အောင်လုပ်မှာလား’’ဟု ရန်ကုန် တိုင်းဒေသကြီး မဲဆန္ဒနယ် အမှတ် (၁၀) အမျိုးသားလွှတ်တော်ကိုယ် စားလှယ် နော်လှလှစိုးက ပြော သည်။

မဲဆန္ဒရှင် ပြည်သူများအား တိုက်ရိုက် ကိုယ်စားပြုနေသည့် ကိုယ်စားလှယ်များသည် ပြည်သူ များ၏ အခြေခံအခွင့်အရေးကို ပိတ်ပင်ဟန့်တားပြီး လိုလျှင်လို သလို ဖိနှိပ်နိုင်သော ဥပဒေများ ပြင်ဆင်ပယ်ဖျက် ဖြည့်စွက်ရန် ဖြစ်၍ ပြည်သူများအား ဖိနှိပ်နိုင် သည့် အငြင်းပွားဖွယ် ငြိမ်းစုစီ ဥပဒေကြမ်းကို လွှတ်တော်က လက်ခံအတည်မပြုသင့်ကြောင်း နော်လှလှစိုးက ဆွေးနွေးခဲ့သည်။

‘‘ဒီဥပဒေကို မူလရေးဆွဲခွင့် ရှိသူဟာ ကိုယ်စားလှယ်ဖြစ်ပေ မယ့် ဒီဥပဒေကို နိုင်ငံသားတွေ အသိအမှတ်မပြုဘူးဆိုရင် လွှတ် တော်ကိုယ်စားလှယ်တွေ ရေးဆွဲ လိုက်တဲ့ ဥပဒေတွေဟာ တရား မဝင်ဘူးလို့ ပြောလို့ရပါတယ်’’ဟု ရခိုင်ပြည်နယ် မဲဆန္ဒနယ်အမှတ် (၈) အမျိုးသားလွှတ်တော် ကိုယ် စားလှယ် ဦးကျော်ကျော်ဝင်းက ပြောသည်။

အများပြည်သူ ဆန္ဒထုတ် ဖော်ရာတွင် ခွင့်ပြုမိန့်တင်ရာ၌ နောက်ခံထောက်ပံ့ပေးသည့် အဖွဲ့အစည်းအမည်ပါ ထည့်သွင်းရမည့် အချက်ပါဝင်သော ငြိမ်းချမ်းစွာစုဝေးခြင်းနှင့် ငြိမ်းချမ်းစွာ စီတန်းလှည့်လည်ခြင်းဆိုင်ရာ ဥပဒေပြင်ဆင်သည့် ဥပဒေကြမ်းကို အမျိုးသားလွှတ်တော် အစည်းအဝေးသို့ ဥပဒေကြမ်းကော်မတီက ဖေဖော်ဝါရီ ၁၉ ရက်၌ တင်သွင်း ခဲ့သည်။

အဆိုပါဥပဒေကြမ်းပါ ပုဒ်မ ၄ တွင် သဘောထားဆန္ဒထုတ် ဖော်သူများအနေဖြင့် သက်ဆိုင် ရာ ရဲတပ်ဖွဲ့မှူးထံ ဆန္ဒထုတ်ဖော် မည့် နေ့ရက်မတိုင်မီ အနည်းဆုံး ၄၈ နာရီ ကြိုတင်၍ စာဖြင့်ပေးပို့ ရမည်ဖြစ်ပြီး စီတန်းလှည့်လည် ဖြတ်သန်းလိုသည့် မြို့နယ်များရှိ ပါက သက်ဆိုင်ရာ မြို့နယ် ရဲတပ်ဖွဲ့မှူးများထံ ၄၈ နာရီ ကြို တင်၍ အသိပေးတင်ပြချက် မိတ္တူပေးပို့ရမည်ဟု ပြင်ဆင်ရေး ဆွဲထားသည်။

ထို့အပြင် ပြင်ဆင်ထားသည့် ဥပဒေပုဒ်မ ၄ ပုဒ်မခွဲ (ဃ)၌ ငြိမ်း ချမ်းစွာစုဝေးခြင်း (သို့မဟုတ်) ငြိမ်းချမ်းစွာ စီတန်းလှည့်လည် ခြင်း ပြုလုပ်မည့် အစီအစဉ်၊ ခန့် မှန်းလူဦးရေ၊ ခန့်မှန်းကုန်ကျ စရိတ်နှင့် ကုန်ကျခံရမည့် ပုဂ္ဂိုလ် အဖွဲ့အစည်းတို့ တင်ပြရမည်ဟု အမျိုးသားလွှတ်တော် ဥပဒေ ကြမ်းကော်မတီက အစားထိုးရေးဆွဲထားသည်။

ငြိမ်းချမ်းစွာ စုဝေးခြင်းနှင့် ငြိမ်းချမ်းစွာ စီတန်းလှည့်လည် ခြင်းဆိုင်ရာဥပဒေအား ပြင်ဆင် သည့် ဥပဒေကြမ်းနှင့် စပ်လျဉ်း၍ ဆွေးနွေးကျန်ရှိသည့် ကိုယ်စား လှယ်များ ဆွေးနွေးခြင်းအစီအစဉ်ကို မတ်လ ၇ ရက် အမျိုးသား လွှတ်တော်တွင် ဆက်လက် ဆောင်ရွက်မည်ဟု လွှတ်တော် ဥက္ကဋ္ဌ မန်းဝင်းခိုင်သန်းက ကြေ ညာသည်။