အောင်ဆန်းကွင်းပတ်လည်ဆိုင်ခန်းငှားခ တစ်ခန်းလျှင် တစ်လကျပ် ၁၂,၀၀၀ ကျော်သာရရှိ

ဆိုင်ခန်းခများ တိုးမြှင့်ကောက်ခံမည်ဟု ၀န်ကြီးပြော

 ရန်ကုန်မြို့လယ် အောင်ဆန်းအားကစားကွင်းပတ် လည်ရှိ ဆိုင်ခန်းသုံးရာကျော်မှ ငှားရမ်းခတစ်နှစ်လျှင် ကျပ် ၄၈၁ သိန်းကျော်ရရှိပြီး ဈေးနှုန်းတိုး မြှင့်ကောက်ယူနိုင်ရေး  ဆောင်ရွက်မည်ဟု ရန်ကုန်တိုင်းဒေသကြီး လူမှုရေးဝန်ကြီးဦးနိုင်ငံလင်း က ပြောသည်။

အောင်ဆန်းကွင်းပတ်လည် တွင် ဆိုင်ခန်း ၃၂၁ ခန်းရှိပြီး တစ်နှစ်တာကောက်ခံရရှိသည့် ငှားရမ်းခသည် ကျပ် ၄၈၁ သိန်းသာရှိသဖြင့် တစ်ခန်းလျှင် တစ်လအ တွက် ကျပ် ၁၂,၀၀၀ ကျော်သာ ရှိသည်။

အဆိုပါ ဆိုင်ခန်းများကို မည်သည့်နှုန်းထားဖြင့်    ငှားရမ်း ထားပြီး မည်သည့်ဌာနက ရရှိ ကြောင်း မတ်လ ၆ ရက်တွင် ရန်ကုန်တိုင်းဒေသကြီး    လွှတ်တော်ကိုယ်စားလှယ်ဦးလှဌေး၏ မေးမြန်းမှုကို ဦးနိုင်ငံလင်းက ပြန် လည်ဖြေကြားသည်။

‘‘အဲဒီငွေတွေကို နိုင်ငံတော် ကို ပေးသွင်းရတာဖြစ်ပါတယ်။ ငှားရမ်းခတိုးမြှင့်ကောက်ခံပြီး တော့ နိုင်ငံတော်ကိုငွေစာရင်း ပို မိုရရှိဖို့အတွက်ဆိုရင် အောင်ဆန်းအားကစားကွင်း အဆင့်မြှင့်တင် ရေးစီမံချက်နဲ့အတူ ဆက်လက် ဆောင်ရွက်သွားရမှာဖြစ်ကြောင်း ဖြေကြားအပ်ပါတယ်’’ဟု ဦးနိုင်ငံ လင်းက ပြောသည်။

ရန်ကုန်မြို့လယ်တွင် ဆိုင် ခန်းငှားရမ်းခ ကျပ် ၁၀ သိန်း အထက်ရှိသော်လည်း နိုင်ငံတော်က အောင်ဆန်းကွင်းပတ်လည်ရှိ ဆိုင်ခန်းများထံမှ ငှားရမ်းခ ကျပ်၁၅,၀၀၀ အောက်တွင်သာ ရှိနေသဖြင့် အဆမတန်ကွာလွန်း ကြောင်း အိမ်၊ ခြံ၊ မြေအကျိုး ဆောင်လုပ်ငန်းရှင် ဦးသိန်းဦးက ပြောသည်။

အဆိုပါ အောင်ဆန်းကွင်း ပတ်လည်ရှိ ဆိုင်ခန်းများထံမှ အစိုးရက ရရှိသည့် ငှားရမ်းခ နည်းပါးသော်လည်း မူလဆိုင်ခန်း  ငှားရမ်းထားသူအချို့က ဈေးတင် ၍ တစ်ဆင့်ခံပြန်လည်ငှားရမ်း ထားခြင်းများရှိကြောင်း ၎င်းက ဆိုသည်။

အောင်ဆန်းကွင်းပတ်လည် ရှိ ဆိုင်ခန်းငှားခသည် လက်ရှိတွင် တစ်လလျှင် ကျပ်ရှစ်သိန်းမှ ကျပ် ဆယ်သိန်းကြားရှိကြောင်း ငှားရမ်း၍ အရောင်းဆိုင်ဖွင့်လှစ်ထားသူ တစ်ဦးက ဆိုသည်။

ရန်ကုန်တိုင်းဒေသကြီး အ စိုးရသည် အောင်ဆန်းကွင်းကို မကြာမီ အဆင့်မြှင့်တင်မည်ဖြစ် ပြီး အဆင့်မြှင့်တင်ရေး စီမံချက်ကို အား/ကာ (ရုံးချုပ်)သို့ တင်ပြထားကြောင်း   ဦးနိုင်ငံလင်းက ပြောသည်။

အောင်ဆန်းအားကစား ကွင်းသည် သက်တမ်း နှစ်တစ်ရာ ကျော်ရှိပြီဖြစ်၍ အဆင့်မြှင့်တင် ခြင်းလုပ်ငန်းများ ဆောင်ရွက်ရန် လိုပြီး ရသင့်ရထိုက်သည့် ဆိုင်ခန်း ငှားခကောက်ယူသင့်ကြောင်း ဦးလှဌေးက မေးခွန်းမေးမြန်းစဉ် ထည့်သွင်းပြောကြားသည်။

Top News