ချွ န်းညိုဆည် တည်ဆောက်ရာတွင် ဆုံးရှုံးလယ်ယာမြေများအား လျော်ကြေးပေး

ဆင်ပေါင်ဝဲမြို့နယ် အင်ပင်လှကျေးရွာအုပ်စုရှိ ချွန်း ညိုဆည် တည်ဆောက်ရာတွင် ဆုံးရှုံးခဲ့ရသော လယ်ယာမြေများ အတွက် ဒေသခံတောင်သူ ခြောက်ဦးအား လျော်ကြေးကျပ် ၃၅ သန်းကျော်ကို မတ်လ ၆ ရက်က ပေး အပ်ခဲ့သည်။

ချွန်းညိုဆည်သည် ၂၀၁၃ က တည်ဆောက်ခဲ့ပြီး ဒေသခံတောင်သူများ၏ လယ်ယာမြေများပါဝင်ခဲ့သဖြင့် ပြည်သူ့လွှတ်တော်မှတစ်ဆင့် အစိုးရတာဝန်ရှိသူများထံ ကြယ်ပွင့်ပြ မေးခွန်းအဖြစ် မမေးမြန်းခဲ့ဘဲ စာရေးသား မေးမြန်းခဲ့သောကြောင့် ယခုကဲ့သို့လျော်ကြေးရရှိခြင်းဖြစ်ကြောင်း ဆင်ပေါင်ဝဲမြို့နယ် ပြည်သူ့လွှတ်တော်ကိုယ်စားလှယ် ဦးနေထက်ဝင်းက ပြောသည်။

‘‘အဲဒီဆည် တည်ဆောက် တုန်းက တောင်သူတွေက လျော် ကြေးတစ်စုံတစ်ရာ မရခဲ့ဘူး။ ကျွန်တော့်ကိုပြောတာနဲ့ သက်ဆိုင်ရာတာဝန်ရှိသူတွေကို စာရေးသားမေးမြန်းခဲ့တာ။ အဲဒီကတည်းက ပေးလျော်ပါ့မယ်လို့ ပြန်အကြောင်းပြန်တယ်။ အခုလျော်ကြေးရတာပေါ့။ တိုင်းအစိုးရရန်ပုံငွေနဲ့ လျော်ကြေးပေးအပ်တာပါ’’ဟု ၎င်းကပြောသည်။

ဆင်ပေါင်ဝဲမြို့နယ် အထွေ ထွေအုပ်ချုပ်ရေးဦးစီးဌာနရုံးခန်းမတွင် တောင်သူများအား လျော်ကြေးပေးအပ်ခဲ့ပြီး တောင်သူ ခြောက်ဦးပိုင် လယ်ယာမြေ ၂၃ ဒသမ ၉၅ ဧကအတွက် လျော်ကြေးကျပ် ၃၅ ဒသမ ၁၆၂ သန်းပေးအပ်ခဲ့ကြောင်း ယင်းကျေးရွာဒေသခံ တောင်သူ တစ်ဦးက ပြောသည်။

Top News