အဂတိလိုက်စားသည့် အကျင့်ပျက် အခွန်ဝန်ထမ်းများ ရှိနေဆဲဖြစ်ကြောင်း စီမံဘဏ္ဍာဒုတိယဝန်ကြီးဝန်ခံ

အခွန်ဝန်ထမ်းများထဲတွင် အဂတိလိုက်စားသော ဝန်ထမ်း များရှိနေသေးသည်ကို ဝန်ခံကြောင်း စီမံကိန်းနှင့်ဘဏ္ဍာရေးဝန်ကြီးဌာန ဒုတိယဝန်ကြီး ဦးမောင်မောင်ဝင်းက ပြည်ထောင်စုလွှတ်တော်၌ ပြောသည်။

အကျင့်ပျက်အခွန်ကောက်ဝန်ထမ်းများကို ပဲ့ပြင်ဆုံးမသောနည်း လမ်း၊ စောင့်ကြည့်ကြပ်မတ်သောနည်းလမ်း၊ အရေးယူအပြစ်ပေးသော နည်းလမ်းများဖြင့် ပြုပြင်နေသော်လည်း ပြုပြင်၍မရဘဲ အကျင့်ဆိုး များရှိနေဆဲ ဝန်ထမ်းများရှိကြောင်း ၎င်းကဆိုသည်။

‘‘ပြုပြင်ပြီး ကြိုးစားနေတဲ့ ဝန်ထမ်းတွေအများအပြားရှိသလို မပြုပြင်သေးဘဲ အကျင့်ဆိုးတွေရှိနေဆဲဖြစ်တဲ့ ဝန်ထမ်းတွေလည်း ရှိနေဆဲ ဖြစ်တာကို ကျွန်တော်တို့ ဝန်ခံပါတယ်’’ဟု ဦးမောင်မောင်ဝင်းက ပြောသည်။

မတ်လ ၈ ရက်တွင် ကျင်းပ သည့် ပြည်ထောင်စုလွှတ်တော် အစည်းအဝေး၌ ၂၀၁၇-၁၈ ဘဏ္ဍာနှစ် ပထမခြောက်လပတ် အခွန်ကောက်ခံရရှိမှုအခြေအနေ အစီရင်ခံစာနှင့်ပတ်သက်၍ လွှတ်တော်ကိုယ်စားလှယ်များ၏ဆွေး နွေးချက်များအပေါ် ပြန်လည်ဖြေ ရှင်းရာတွင် ၎င်းက အထက်ပါအ တိုင်း ပြောကြားသည်။

အဆိုပါအကျင့်ဆိုးများရှိနေ သည့် အခွန်ဝန်ထမ်းများကို ပြု ပြင်၍မရပါက နိုင်ငံ့ဝန်ထမ်းဥပ ဒေ၊ နည်းဥပဒေများနှင့်အညီ ဝန် ထမ်းအဖြစ်မှ ထုတ်ပယ်သည်အ ထိ အရေးယူမည်ဖြစ်ကြောင်း လည်း ဦးမောင်မောင်ဝင်းက ပြော သည်။ ၂၀၁၇-၁၈ ဘဏ္ဍာနှစ်တွင် အရေးယူခံရသည့် အကျင့်ပျက် ဝန်ထမ်း ၂၆ ဦးရှိခဲ့ကြောင်း ၎င်း က ဆိုသည်။

အကျင့်ပျက်အခွန်ဝန်ထမ်း များရှိနေသည့်ကိစ္စနှင့်ပတ်သက် ၍ ‘‘အခုအချိန်အထိ အပေါ်ပိုင်း က မူဝါဒတွေ၊ ဥပဒေတွေ ဘယ် လောက်ကောင်းအောင် ချမှတ် ထားပေမယ့် အခွန်ဆောင်ချင်ရင် တောင်မှ မလွယ်ကူတဲ့ ကိစ္စတွေ အခုအချိန်အထိ အခွန်နဲ့ပတ် သက်ပြီးတော့ ညှိနှိုင်းဆောင်ရွက် မှုတွေရှိနေဆဲပဲဖြစ်ပါတယ်။ အဂ တိလိုက်စားမှုတွေ ရှိနေတယ်ဆို တာ အောက်ခြေမှာရှိနေတဲ့ ပြည် သူအများ ခံစားနေရတာပါ’’ဟု မင်္ဂလာတောင်ညွန့်မြို့နယ် ပြည် သူ့လွှတ်တော်ကိုယ်စားလှယ် ဒေါ် ဖြူဖြူသင်းက ပြောသည်။

နောက်ပိုင်းတွင် အခွန်စည်း ကြပ်သည့် စနစ်ပြောင်းလဲဆောင် ရွက်မည်ဖြစ်ပြီး ယင်းစနစ်တွင် အခွန်ရုံးမှ အခွန်စည်းကြပ်သည့် စနစ် ပပျောက်မည်ဖြစ်ကာ အခွန်ထမ်းများကိုယ်တိုင် အခွန်စည်း ကြပ်သည့်စနစ်ဖြင့် ဆောင်ရွက်မည်ဖြစ်ကြောင်း ဦးမောင်မောင် ဝင်းက ဆိုသည်။ ထိုစနစ်ကို ကျင့်သုံးပါက အခွန်ဝန်ထမ်းနှင့် အခွန်ထမ်းတို့ တစ်ဦးချင်းတွေ့ဆုံညှိ နှိုင်းမှုများရှိတော့မည် မဟုတ်ဘဲ ပွင့်လင်းမြင်သာသည့် အခွန်ကောက်စနစ် ဖြစ်ပေါ်လာကာ အဂတိလိုက်စားမှု၊ လာဘ်ပေး လာဘ်ယူမှုများ လျော့နည်းစေ မည်ဟု ၎င်းက ဆိုသည်။

အကျင့်ပျက်အခွန်ဝန်ထမ်း များကို အရေးယူဆောင်ရွက်နေ သည့်အပြင် တရားမဝင်မှောင်ခို လုပ်ငန်းများ၊ အခွန်တိမ်းရှောင် သူများကို ထိရောက်စွာ အရေးယူနိုင်ရန် အစီအမံများ ချမှတ်ဆောင်ရွက်နေကြောင်း ဦးမောင်မောင် ဝင်းက ပြောသည်။

စီးပွားရေး လုပ်ငန်းများကို မှန်ကန်စွာ လုပ်ကိုင်ပြီး အခွန် တာဝန်ကျေပွန်သူများ ရှိသလို တရားဝင်မှတ်ပုံတင်ခြင်းမရှိသည့် လုပ်ငန်းများ၊ တရားမဝင် ထုတ် လုပ်မှုများနှင့် စည်းမျဉ်းစည်း ကမ်း၊ ဥပဒေတို့ကို ရှောင်ရှား၍ ဆောင်ရွက်နေသော ဖုံးကွယ် ထုတ်လုပ်မှုများ ရှိနေကြောင်း ၎င်းက ဆိုသည်။ အဆိုပါလုပ်ငန်း များကြောင့် ဈေးကွက်အတွင်း ယှဉ်ပြိုင်ဆောင်ရွက်မှုမရှိတော့ ဘဲ လုပ်ငန်းလုပ်ကိုင်လိုစိတ် ပျက်ပြားစေသည်သာမက အခွန် ထမ်းဆောင်လိုစိတ်ကိုပါ လျော့ ကျစေကြောင်း ဆိုသည်။

 ထိရောက်သည့် အခွန် ကောက်စနစ်တွင် အခွန်ပြဋ္ဌာန်း ချက်များသည် ဒေါက်တိုင်တစ်ခု၊ အခွန်ထမ်း ပြည်သူများသည် ဒေါက်တိုင်တစ်ခု၊ အခွန်ဝန်ထမ်း များသည် ဒေါက်တိုင်တစ်ခုဖြစ်ပြီး ယင်းဒေါက်တိုင်သုံးခု ဟန်ချက် ညီညီဖြင့် ဖွံ့ဖြိုးတိုးတက်မှသာ အောင်မြင်သည့် အခွန်ကောက် စနစ်ဖြစ်လာမည် ဖြစ်ကြောင်း ဦးမောင်မောင်ဝင်းက ဆိုသည်။

၂၀၁၇-၁၈ ဘဏ္ဍာနှစ်အစ တွင် အခွန်ကြွေးကျန် ကျပ် ဘီလီ ယံ ၁၅၀ ခန့်ရှိခဲ့ရာ ကျပ် ၇၅ ဘီလီ ယံကျော်ကောက်ခံရရှိပြီး ၅၁ ရာခိုင်နှုန်းခန့် ကောက်ခံရရှိကြောင်း ၎င်းက ပြောသည်။ ယင်းအခွန် ကြွေးကျန်များ ကောက်ခံနိုင်ရေး သတင်းစာများမှတစ်ဆင့် အသိပေးကြော်ငြာခြင်း၊ နှိုးဆော်ခြင်း၊ ကွင်းဆင်း ကောက်ခံခြင်းများ ဆောင်ရွက်နေကြောင်း ၎င်းက ပြောသည်။

ပြည်ထောင်စု၏ အခွန်အ ကောက်ရငွေတိုးတက်နေသော် လည်း အခွန်ရငွေနှင့် ဂျီဒီပီအချိုး ၁၀ ရာခိုင်နှုန်းမပြည့်မီခြင်း၊ လျော့ကျနေခြင်းနှင့် အာဆီယံနိုင်ငံများ ၌ အနည်းဆုံးဖြစ်နေခြင်း စသည့် အချက်များကို ပြည်သူ့ငွေစာရင်း ပူးပေါင်းကော်မတီက သဘော ထားမှတ်ချက်ပေးထားသည်။

Top News